महाराष्ट्र

नांदेड| येथील जुन्या नांदेड मधील ऐतिहासिक नंदगिरी किल्ला येथे उद्या, शुक्रवार, दि.३ एप्रिल ते दि.५ एप्रिल २०२६ या कालावधीत छत्रपती शिवरायांच्या राज्याभिषेकाचा साक्षीदार असलेल्या शिवकालीन सुवर्ण होन, दोन हजार वर्षांपासूनची प्राचीन नाणी व पुरातन शस्त्रे व आयुधे यांचे आगळे वेगळे अभिनव प्रदर्शन आयोजित करण्यात आले आहे. अपर पोलीस अधीक्षक श्री. सुरज गुरव त्यांच्या कुशल मार्गदर्शनाखाली कार्यरत असलेले नांदेडच्या नंदगिरी किल्लेदार व नंदगिरी किल्ला संवर्धन संस्था नांदेड यांच्या संयुक्त विद्यमाने आयोजित केलेल्या छत्रपती शिवरायांच्या राज्याभिषेकाचा साक्षीदार असलेल्या सुवर्ण होन (सुवर्ण नाणे) प्रदर्शनाचे उद्घाटन दि.३ एपिल रोजी सायंकाळी पाच वाजता होणार आहे. या समारंभाच्या अध्यक्षस्थानी जिल्हाधिकारी राहूल कर्डिले व प्रमुख अतिथी म्हणून पोलीस अधीक्षक अबिनाशकुमार, इंटेकचे चेअरमन अशोकसिंघ ठाकूर यांची उपस्थ...

मुंबई| अखिल भारतीय मराठी पत्रकार परिषदेचे 44 वे राष्ट्रीय अधिवेशन लातूर जिल्ह्यातील उदगीर येथे पार पडणार असून, या अधिवेशनात महाराष्ट्र राज्यातील डिजिटल मिडिया परिषदेच्या सर्व जिल्ह्यांनी मोठ्या संख्येने सहभागी व्हावे, असे आवाहन प्रदेशाध्यक्ष अनिल वाघमारे यांनी केले आहे. दर दोन वर्षांनी आयोजित करण्यात येणारे हे राष्ट्रीय अधिवेशन यावर्षी 18 व 19 एप्रिल 2026 रोजी उदगीर येथे मुख्य विश्वस्त एस. एम. देशमुख यांच्या अध्यक्षतेखाली होणार आहे. या अधिवेशनाचे उद्घाटन लोकमत माध्यम समूहाचे मुख्य संपादक राजेंद्रबाबू दर्डा यांच्या हस्ते होणार आहे. या अधिवेशनाचे मुख्य आकर्षण म्हणून राज्याचे मुख्यमंत्री देवेंद्र फडणवीस यांची उपस्थिती राहणार असून, खासदार संजय राऊत यांची थेट मुलाखत देखील आयोजित करण्यात आली आहे. तसेच विविध मान्यवर मंत्री, खासदार, आमदार आणि सेलिब्रिटींची उपस्थिती अधिवेशनाला लाभणार आहे. या कार...

हिमायतनगर, अनिल मादसवार| नांदेड–आदिलाबाद राष्ट्रीय महामार्गावरील हिमायतनगर तालुक्यातील सोनारी फाटा हा अपघातप्रवण ठिकाण ठरत असून, राष्ट्रीय महामार्ग विभागाच्या दुर्लक्षामुळे येथे वारंवार अपघात होत असल्याची गंभीर बाब समोर आली आहे. या ठिकाणी हदगावकडे जाणारा रस्ता तसेच वाळकेवाडी गावाकडे आणि नांदेड–किनवट महामार्गाचा संगम असल्याने चौरस्ता असून, वाहतुकीची मोठी वर्दळ होत असते. मात्र, या ठिकाणी सर्वच बाजूला स्पीड ब्रेकर नसल्यामुळे वाहनांचा वेग नियंत्रणात राहत नसून अपघातांची मालिका सुरूच आहे. दि. ३१ मार्चच्या रात्री भरधाव वेगातील चारचाकी आणि दुचाकीची समोरासमोर जोरदार धडक होऊन गंभीर अपघात झाला. सुदैवाने मोठी जीवितहानी टळली असली तरी या घटनेमुळे परिसरात भीतीचे वातावरण निर्माण झाले आहे. स्थानिक नागरिक श्रीदत्त पाटील सोनारीकर व इतर नागरिकांच्या म्हणण्यानुसार, यापूर्वीही या ठिकाणी अनेक अपघात घडले आहेत....

नांदेड | ज्येष्ठ नागरिकांच्या प्रलंबित मागण्यांबाबत महाराष्ट्र शासनाने तातडीने ठोस व सकारात्मक निर्णय घ्यावा, अशी मागणी ज्येष्ठ नागरिक संघ फेडरेशनचे उत्तर मराठवाडा प्रादेशिक अध्यक्ष डॉ. हंसराज वैद्य (Dr Hansraj Vaidya) यांनी केली आहे. “अजूनही संधी गेलेली नाही; मात्र विलंब केल्यास परिस्थिती अधिक गंभीर होऊ शकते,” असा इशाराही त्यांनी दिला. विधानसभेत २०२५ मध्ये ज्येष्ठ नागरिकांसाठी विविध सेवा-सुविधांबाबत महत्त्वपूर्ण विधेयक मांडण्यात आले होते. त्यानुसार दरमहा ₹७००० आर्थिक सहाय्य, महाराष्ट्र दर्शनासाठी वार्षिक ₹१५,०००, आरोग्य सेवेसाठी ₹५ लाखांपर्यंत मदत, निवास व भोजनाची सोय आणि टोल-फ्री हेल्पलाईन यांसारख्या सुविधा जाहीर करण्यात आल्या होत्या. मात्र, या योजना अद्याप प्रत्यक्षात उतरल्या नसल्याची खंत त्यांनी व्यक्त केली. दरम्यान, या प्रश्नावर आमदार आनंदराव तिडके पाटील बोंढारकर आणि आमदार राजू...

हिमायतनगर, अनिल मादसवार | शहरात छत्रपती शिवाजी महाराज (Chhatrapati Shivaji Maharaj) यांच्या भव्य अश्वारूढ पुतळ्यासाठी जागा उपलब्ध करून देण्याच्या मागणीसाठी पुन्हा एकदा आमरण उपोषणाचा मार्ग अवलंबण्यात येणार आहे. युवा तालुकाध्यक्ष, स्वाभिमानी संभाजी ब्रिगेडचे माधव किशन शिंदे यांनी यासंदर्भात निवेदन देत ३१ मार्च २०२६ पासून हिमायतनगर नगरपंचायत कार्यालयासमोर बेमुदत आमरण उपोषणास बसणार असल्याचा इशारा दिला आहे. यापूर्वीही दोन वेळा याच मागणीसाठी उपोषण करण्यात आले होते. त्या वेळी नगरपंचायत प्रशासनाने लेखी आश्वासन देत उपोषण स्थगित करण्यास भाग पाडले. मात्र आजपर्यंत कोणतीही ठोस कार्यवाही न झाल्याने प्रशासनाने दिलेल्या आश्वासनाची पूर्तता न केल्याचा आरोप शिंदे यांनी केला आहे. “जोपर्यंत शिवाजी महाराजांच्या पुतळ्यासाठी जागा उपलब्ध करून दिली जात नाही, तोपर्यंत उपोषण मागे घेतले जाणार नाही,” असा ठाम इ...