धर्म अध्यात्म

भाविकांच्या सुविधांचा घेतला आढावा; मंदिर व्यवस्थेबाबत आवश्यक सूचना हिमायतनगर, उत्कर्ष मादसवार| श्रावण मासाच्या पवित्र पर्वानिमित्त हिमायतनगर (वाढोणा) येथील प्रसिद्ध श्री परमेश्वर मंदिरात भक्तिमय वातावरण निर्माण झाले आहे. श्रावण मास उत्सवानिमित्त हिमायतनगरच्या तहसीलदार तथा श्री परमेश्वर मंदिराच्या पदसिद्ध अध्यक्षा सौ. पल्लवी टेमकर यांनी मंगळवारी मंदिरास भेट देऊन श्री परमेश्वराचे मनोभावे दर्शन घेतले. यावेळी त्यांनी मंदिरातील धार्मिक वातावरणाचा आढावा घेत भाविकांच्या दर्शनासाठी करण्यात आलेल्या विविध सुविधांची पाहणी केली. श्रावण महिन्यात श्री परमेश्वराच्या दर्शनासाठी मोठ्या संख्येने भाविक मंदिरात येत असल्याने दर्शन व्यवस्था, स्वच्छता, पिण्याचे पाणी, भाविकांची सुरक्षितता तसेच मंदिर परिसरातील आवश्यक सुविधा याबाबत त्यांनी संबंधित पदाधिकाऱ्यांशी चर्चा करून आढावा घेतला. भाविकांना श्रावण मास...

महिनाभर विविध धार्मिक कार्यक्रमांची रेलचेल; तीन संगीतमय कथा महोत्सवांचे आयोजन हिमायतनगर,अनिल मादसवार | हिमायतनगर तालुक्यातील वाढोणा येथील जागृत व पुरातन श्री परमेश्वर मंदिर देवस्थान ट्रस्ट कमिटीच्या वतीने पवित्र श्रावण मासानिमित्त महिनाभर विविध भव्य धार्मिक कार्यक्रमांचे आयोजन करण्यात आले आहे. शुक्रवार, दि. १४ ऑगस्टपासून मंदिर परिसरात धार्मिक कार्यक्रमांना शानदार सुरुवात होणार असून सलग तीन संगीतमय कथा महोत्सवांचे आयोजन करण्यात आले आहे. हिंदू पंचांगानुसार दि. १३ ऑगस्ट २०२६ रोजी गुरुवारपासून श्रावण मासाला सुरुवात झाली. श्रावण महिन्याच्या पहिल्याच दिवशी श्री परमेश्वराच्या दर्शनासाठी भाविकांनी सकाळपासून मोठी गर्दी केली होती. महिनाभर चालणाऱ्या या धार्मिक उत्सवामुळे वाढोणा नगरीत भक्तिमय वातावरण निर्माण झाले आहे. देवस्थान समितीचे उपाध्यक्ष महावीरचंद श्रीश्रीमाळ यांनी दिलेल्या माहितीनुसार, ...

दर्शन, वाहतूक, पार्किंग, स्वच्छता व सुरक्षेच्या सुविधांचा तहसीलदार पल्लवी टेमकर यांनी घेतला आढावा हिमायतनगर, प्रतिनिधी | हिमायतनगर येथील जागृत देवस्थान श्री परमेश्वर मंदिरात श्रावण महिन्यानिमित्त दर्शनासाठी येणाऱ्या भाविकांना कोणत्याही प्रकारची अडचण निर्माण होऊ नये, यासाठी सुलभ दर्शन व्यवस्था, वाहतूक नियोजन, स्वच्छता, सुरक्षा आणि इतर मूलभूत सुविधांचा आढावा घेण्यासाठी सोमवार, दि. ११ ऑगस्ट रोजी मंदिर समितीची आढावा बैठक घेण्यात आली. श्री परमेश्वर मंदिर समितीच्या पदसिद्ध अध्यक्षा तथा तहसीलदार सौ. पल्लवी टेमकर यांच्या अध्यक्षतेखाली झालेल्या बैठकीस मंदिर समितीचे उपाध्यक्ष महावीरसेठ श्रीश्रीमाळ, सचिव अनंता देवकते, पोलीस निरीक्षक लक्ष्मण केंद्रे, नगरपंचायत मुख्याधिकारी समाधान मासाळ, बांधकाम विभागाचे उपविभागीय अधिकारी श्री. दुबे यांच्यासह मंदिर समितीचे संचालक, विविध विभागांचे अधिकारी-कर्मचारी...

नांदेड| होळकर घराण्याचे वंशज श्रीमंत भूषणसिंह महाराज यांचे काल नांदेड येथे मनःपूर्वक स्वागत करण्यात आले. यावेळी नांदेड महानगरपालिका हद्दीत उभारण्यात येत असलेल्या लोकमाता अहिल्याबाई होळकर यांच्या पुतळ्याच्या कामाची पाहणी करण्यात आली. पुतळ्याच्या कामाच्या प्रगतीचा आढावा घेत काम अधिक दर्जेदार, भव्य आणि नियोजनबद्ध पद्धतीने पूर्ण करण्याबाबत यावेळी चर्चा करण्यात आली. तसेच कामाच्या गुणवत्तेबाबत आवश्यक त्या सूचना संबंधितांना देण्यात आल्या. लोकमाता अहिल्याबाई होळकर यांच्या कार्याचा आणि कर्तृत्वाचा गौरव करणारा हा पुतळा त्यांच्या स्मृतीला साजेसा असावा, यासाठी कामाला आवश्यक गती देऊन दर्जेदार पद्धतीने पूर्ण करण्याची अपेक्षा श्रीमंत भूषणसिंह महाराज यांच्याकडून व्यक्त करण्यात आली. यावेळी महानगरपालिकेचे मुख्य कार्यकारी अभियंता दिलीप टाकळकर, शिवसेना (उद्धव बाळासाहेब ठाकरे)चे सचिन पाटील, राष्ट्रीय ...

भाविकांना त्रास होऊ नये यासाठी पावसामुळे निर्माण झालेले खड्डे तातडीने बुजविण्याची नगराध्यक्ष रफिक सेठ यांच्याकडे मागणी  हिमायतनगर, अनिल मादसवार| श्री परमेश्वर मंदिर ते जिल्हा परिषद शाळा या मार्गावरील अतिक्रमण हटवून वाहतुकीसाठी रस्ता मोकळा केल्याबद्दल श्री परमेश्वर मंदिर ट्रस्टच्या पदाधिकाऱ्यांनी नगराध्यक्ष रफिक सेठ यांच्यासह नगरपंचायत प्रशासनाचे अभिनंदन करत आभार व्यक्त केले. मात्र, पुन्हा अतिक्रमण होणार नाही यासाठी कायमस्वरूपी उपाययोजना करण्याची मागणीही एका निवेदणाद्वारे करण्यात आली. नगरपंचायतचे लोकनियुक्त नगराध्यक्ष शेख रफिक शेख महेबूब यांना दिलेल्या निवेदनात म्हंटले आहे की, नगरपंचायत प्रशासनाने नुकतेच अतिक्रमण हटविल्यामुळे सर्वसामान्य नागरिक, विद्यार्थी, भाविक आणि वाहनधारकांना मोठा दिलासा मिळाला आहे. आता या मार्गावर पुन्हा हातगाडे, पानटपऱ्या किंवा इतर अतिक्रमण होऊ नये, यासाठी प्रशासनान...

कलावंतांच्या न्याय हक्कासाठी संघटन मजबूत करण्याचा निर्धार हिमायतनगर, उत्कर्ष मादसवार| कलावंतांच्या न्याय हक्कासाठी सदैव तत्पर असलेल्या पारंपरिक शाहीर लोककला संवर्धन मंडळाच्या हिमायतनगर शहराध्यक्षपदी प्रसिद्ध गायिका ज्योतीताई बेदरकर यांची निवड करण्यात आली आहे. मंडळाचे संस्थापक अध्यक्ष त्रिरत्नकुमार मा. भवरे पत्रकार कामारीकर यांच्या आदेशान्वये ही नियुक्ती करण्यात आली. महिला प्रदेशाध्यक्षा उज्वलाताई भवरे, महिला जिल्हा नांदेड सचिव मीराताई जाधव पाटील, जिल्हा सरचिटणीस शाहीर सुभाष गुंडेकर, जिल्हा संघटक रमेशजी सरपे, जिल्हा सहसचिव राजू रणवीर यांच्या उपस्थितीत ज्योतीताई बेदरकर यांना नियुक्तीपत्र देण्यात आले. ज्योतीताई बेदरकर यांचे सामाजिक, सांस्कृतिक तसेच धार्मिक क्षेत्रातील कार्य उल्लेखनीय असून, त्यांच्या कार्याची दखल घेत त्यांच्यावर ही जबाबदारी सोपविण्यात आली आहे. हिमायतनगर शहरासह वार्डनिहा...

हिमायतनगर, उत्कर्ष मादसवार| हिमायतनगर (वाढोणा) येथील श्री परमेश्वर मंदिरात आषाढी एकादशी व आषाढी महोत्सव मोठ्या उत्साहात साजरा करण्यात आला. आषाढीच्या पार्श्वभूमीवर हदगाव–हिमायतनगर विधानसभा मतदारसंघाचे माजी आमदार माधवराव पाटील जवळगावकर यांनी हिमायतनगर (वाढोणा) येथील श्री परमेश्वर मंदिरात भेट देऊन श्री परमेश्वराचे मनोभावे दर्शन घेतले. यावेळी त्यांनी मंदिरातील धार्मिक परंपरा व आषाढी महोत्सवाच्या नगरप्रदक्षिणा दिंडी व इतर आयोजनाबाबत श्री परमेश्वर मंदिर ट्रस्टचे उपाध्यक्ष महावीरचंद श्रीश्रीमाळ यांच्याशी चर्चा केली. श्री परमेश्वर मंदिराला भेट देत त्यांनी भाविकांना आषाढी एकादशीच्या शुभेच्छाही दिल्या. यावेळी उपनगराध्यक्ष विनोद गुंडेवार, सेक्रेटरी अनंता देवकते, संचालक अनिल मादसवार, संजय माने, विलास वानखेडे, सुभाष शिंदे, पाळजकर काका, राजू जयस्वाल, ज्ञानेश्वर शिंदे, पवन गुंडेवार, आनंद मुतनेप...

हिमायतनगर (वाढोणा),उत्कर्ष मादसवार| यंदाचा खरीप हंगाम सुख-समृद्धीचा जावो, भरपूर पाऊस पडून पीकपाणी भरभरून यावे आणि शेतकरी तसेच सर्वांच्या घरात सुख-समृद्धी नांदावी, अशी प्रार्थना करीत आषाढी एकादशीनिमित्त हिमायतनगर (वाढोणा) शहरातील शेकडो भाविकांनी विठ्ठल-रुख्माई व श्री परमेश्वराचे दर्शन घेतले. श्रीक्षेत्राचा दर्जा प्राप्त हिमायतनगर (वाढोणा) येथील श्री परमेश्वर मंदिरात अनादिकाळापासून आषाढी एकादशीचा उत्सव भक्तिभावाने साजरा केला जातो. देवशयनी आषाढी एकादशीनिमित्त शनिवार, दि. २५ रोजी मंदिरातील विठ्ठल-रुख्माईच्या दर्शनासाठी सकाळपासूनच वारकरी संप्रदायातील महिला-पुरुष भाविकांची मोठी गर्दी झाली होती. दर्शनासाठी आलेल्या भाविकांना अनेक भक्तांकडून केळी व राजगिरा लाडूचा प्रसाद वाटप करण्यात आला. सकाळी ६ वाजता पुरोहित कांतागुरु वाळके यांच्या मधुर वाणीतून विठ्ठल-रुख्माई अभिषेक सोहळा पार पडला. मंदिराचे संच...

संदल मिरवणुकीत विविध धर्मीय भाविकांचा उत्स्फूर्त सहभाग; कंधारमध्ये श्रद्धेचा जनसागर कंधार, सचिन मोरे| हिंदू-मुस्लिम ऐक्य आणि सर्वधर्मसमभावाची परंपरा जपणाऱ्या कंधार शहरातील प्रसिद्ध सुफीसंत हजरत सय्यद शाह शेख अली सांगडे सुलतान मुष्किले आसान यांच्या ५९२व्या उर्साला गुरुवारी उत्साहपूर्ण वातावरणात सुरुवात झाली. उर्सानिमित्त काढण्यात आलेल्या संदल मिरवणुकीत विविध धर्मांतील हजारो भाविकांनी सहभागी होत श्रद्धासुमने अर्पण केली. साधुसंतांची भूमी म्हणून कंधार शहराची महाराष्ट्रासह इतर राज्यांतही ओळख आहे. या शहराला लाभलेल्या संतपरंपरेचा प्रत्यय हजरत सांगडे सुलतान यांच्या उर्सातही पाहायला मिळतो. विविध जाती-धर्मांचे भाविक या उर्साला श्रद्धेने उपस्थित राहतात. यावर्षीही हजारो भाविकांनी दर्ग्यावर हजेरी लावत दर्शन घेतले. सायंकाळी असरच्या नमाजानंतर साडेपाच वाजता फातेहाखानी पार पडली. त्यानंतर सज्जादानशीन...

श्री जगदंबा देवी मंदिर परिसरात १० स्टेनलेस स्टील खुर्च्या व १० टेबलची सुविधा नांदेड/माहूर, प्रतिनिधी| महाराष्ट्राचे मुख्यमंत्री देवेंद्र फडणवीस यांच्या वाढदिवसानिमित्त माहूर येथील श्री जगदंबा देवी मंदिर परिसरात भाविकांसाठी उपलब्ध करून देण्यात आलेल्या सुविधांचा लोकार्पण सोहळा बुधवार, २२ जुलै रोजी सकाळी ११ वाजता आयोजित करण्यात आला आहे. भारतीय जनता पार्टीचे प्रदेश उपाध्यक्ष ॲड. चैतन्य बापू देशमुख यांच्या पुढाकारातून मंदिर परिसरात १० स्टेनलेस स्टील खुर्च्या आणि १० टेबल उपलब्ध करून देण्यात आले आहेत. या समाजोपयोगी उपक्रमाचा लोकार्पण सोहळा भाजपचे प्रदेश सरचिटणीस तथा माजी आमदार सुनील राणे यांच्या हस्ते होणार आहे. यावेळी भाजपचे प्रदेश उपाध्यक्ष संजय कोडगे, आमदार भीमराव केराम आणि जिल्हाध्यक्ष ॲड. किशोर देशमुख यांची प्रमुख उपस्थिती राहणार आहे. माहूर येथील श्री जगदंबा देवी मंदिरात दरवर्षी हज...