राजकारण

हिमायतनगर, अनिल मादसवार| हिमायतनगर येथील रहिवासी मसूद खान रऊफ खान पठाण यांची शिवसेना अल्पसंख्याक विभाग, नांदेडच्या जिल्हा उपप्रमुखपदी नियुक्ती करण्यात आली आहे. याबाबतचे नियुक्तीपत्र जिल्हाप्रमुख अन्वर अहमद यांनी प्रदान केले. या नियुक्तीला शिवसेना प्रमुख बाळासाहेब ठाकरे यांच्या विचारांचा वारसा, पक्षप्रमुख एकनाथ शिंदे यांच्या नेतृत्वासह पक्षातील वरिष्ठ नेत्यांचे मार्गदर्शन लाभल्याचे नियुक्तीपत्रात नमूद करण्यात आले आहे. तसेच अल्पसंख्याक प्रदेशाध्यक्ष आमदार सईद भैया खान यांच्या सूचनेनुसार ही नियुक्ती करण्यात आल्याचेही स्पष्ट करण्यात आले आहे. पक्ष संघटना अधिक बळकट करण्यासाठी सर्व कार्यकर्त्यांना सोबत घेऊन प्रामाणिकपणे काम करणार असल्याची भावना मसूद पठाण यांनी व्यक्त केली. त्यांच्या नियुक्तीबद्दल हिमायतनगर परिसरातील शिवसैनिक, पदाधिकारी व कार्यकर्त्यांनी त्यांचे अभिनंदन करून पुढील वाटचालीस शुभेच...

नांदेड/हदगाव/हिमायतनगर | हदगाव-हिमायतनगर मतदारसंघाचे लोकप्रिय आमदार मा. बाबुरावजी कदम कोहळीकर यांनी नांदेड जिल्हा मध्यवर्ती सहकारी बँकेच्या संचालक पदाच्या निवडणुकीसाठी सोमवारी आपला उमेदवारी अर्ज दाखल केला. यावेळी विविध सहकारी संस्थांचे पदाधिकारी, कार्यकर्ते व समर्थक मोठ्या संख्येने उपस्थित होते. उमेदवारी अर्ज दाखल केल्यानंतर आमदार बाबुराव कदम कोहळीकर यांनी सहकार क्षेत्र अधिक सक्षम, पारदर्शक व शेतकरीहिताचे करण्यासाठी सकारात्मक परिवर्तन घडवून आणण्याचा निर्धार व्यक्त केला. यावेळी त्यांनी, "आपल्या सर्वांच्या विश्वासाच्या बळावर सहकारी क्षेत्रात सकारात्मक बदल घडवून आणण्यासाठी कटिबद्ध असून, यापुढेही आपले आशीर्वाद आणि सहकार्य कायम लाभावे," अशी भावना व्यक्त केली. नांदेड जिल्हा मध्यवर्ती सहकारी बँकेच्या निवडणुकीच्या पार्श्वभूमीवर त्यांच्या उमेदवारीमुळे सहकार क्षेत्रातील राजकीय घडामोडींना वेग आ...

लोहा | भारत निवडणूक आयोगाच्या निर्देशानुसार मतदार यादीचे विशेष सखोल पुनर्निरीक्षण (Special Intensive Revision - SIR) 2026 अभियान लोहा तालुक्यात ३० जून ते २९ जुलै २०२६ या कालावधीत राबविण्यात येणार आहे. या मोहिमेत प्रत्येक मतदाराने गणना फॉर्म (EF) भरून संबंधित बीएलओकडे जमा करणे अनिवार्य असल्याचे आवाहन सहायक मतदार नोंदणी अधिकारी तथा तहसीलदार विठ्ठल परळीकर यांनी केले आहे. या कालावधीत तालुक्यातील प्रत्येक मतदान केंद्रावरील बीएलओ (Booth Level Officer) मतदारांच्या घरी प्रत्यक्ष भेट देऊन गणना फॉर्म वितरित करणार आहेत. संबंधित मतदारांनी हा फॉर्म काळजीपूर्वक भरून, अलीकडील पासपोर्ट आकाराचा रंगीत फोटो व आवश्यक कागदपत्रांसह बीएलओकडे जमा करावा. गणना फॉर्म न भरल्यास संबंधित मतदाराचे नाव मतदार यादीतून वगळले जाऊ शकते, असा इशाराही तहसीलदार परळीकर यांनी दिला आहे. आवश्यक कागदपत्रे मतदारांनी गणना फॉर्मसो...

भाटीया समितीच्या शिफारशींना मंत्रिमंडळाची मंजुरी; गुरुद्वारा व्यवस्थापनात मोठे बदल अपेक्षित मुंबई | नांदेड येथील जगप्रसिद्ध तख्त सचखंड श्री हजूर अपचलनगर साहिब गुरुद्वारा यांच्या व्यवस्थापनासाठी लागू असलेला १९५६ सालचा कायदा रद्द करून त्याऐवजी नवीन कायदा लागू करण्याचा महत्त्वपूर्ण निर्णय राज्य मंत्रिमंडळाने घेतला आहे. मुख्यमंत्री यांच्या अध्यक्षतेखाली झालेल्या मंत्रिमंडळ बैठकीत या नव्या कायद्याच्या प्रारूपाला मंजुरी देण्यात आली. देश-विदेशातून गुरुद्वाराला भेट देणाऱ्या भाविकांची वाढती संख्या आणि विस्तारलेले प्रशासकीय कामकाज लक्षात घेता विद्यमान कायद्यातील अनेक तरतुदी कालबाह्य ठरत असल्याचे निदर्शनास आले होते. या पार्श्वभूमीवर गुरुद्वाराचा कारभार अधिक पारदर्शक, सक्षम आणि आधुनिक पद्धतीने चालविण्यासाठी न्यायमूर्ती भाटीया समितीची नियुक्ती करण्यात आली होती. समितीने सादर केलेल्या शिफारशींनुसार श...

स्थानिक स्वराज्य संस्थांतील भाजपाची ताकद पुन्हा सिद्ध; अमरनाथ राजूरकरांचा एकतर्फी विजय स्थानिक प्राधिकारी मतदारसंघात भाजपाची एकहाती सरशी; विरोधकांचा दारुण पराभव नांदेड | नांदेड स्थानिक प्राधिकारी मतदारसंघाच्या विधान परिषद निवडणुकीत भारतीय जनता पक्षाने दणदणीत विजय मिळवत राजकीय वर्चस्व पुन्हा एकदा सिद्ध केले आहे. भाजपाचे उमेदवार अमरनाथ राजूरकर यांनी तब्बल 339 मतांच्या भक्कम आघाडीने विजय संपादन करत विरोधकांना धक्का दिला. निवडणूक निर्णय अधिकारी तथा जिल्हाधिकारी राहुल कर्डिले यांनी त्यांच्या विजयाची अधिकृत घोषणा केली. जिल्हाधिकारी कार्यालयातील नियोजन भवन येथे सोमवारी सकाळी मतमोजणी प्रक्रिया कडेकोट पोलीस बंदोबस्तात पार पडली. मतमोजणीनंतर राजूरकर यांनी एकतर्फी विजय मिळवत विधान परिषदेत प्रवेश निश्चित केला. निवडणुकीच्या रिंगणात भाजपाचे अमरनाथ राजूरकर, अपक्ष उमेदवार कृष्णा नागेश पाटील आणि प...

मतदारसंघाच्या विकासासाठी घेतला निर्णय; कार्यकर्त्यांच्या नाराजीकडेही केले लक्षवेध "पक्षाकडून अविश्वास दाखवला गेला" असा आरोप विकासकामे रखडल्याने निर्णय घेतल्याचा दावा "विकासासाठी सत्तेत असणे आवश्यक" अशी भूमिका "मी कुठेही गेलो नाही, शिवसेनेतून शिवसेनेतच आलो" असा खुलासा नांदेड/हिंगोली | शिवसेनेतील राजकीय घडामोडींना वेग आला असताना बंडखोर खासदार नागेश पाटील आष्टीकर यांनी बंडखोरीनंतर प्रथमच आपली भूमिका जाहीरपणे मांडली आहे. पक्ष नेतृत्वाकडून आमच्यावर अविश्वास दाखविण्यात आला, त्यानंतर पक्षात थांबून काहीही साध्य होणार नसल्याचे लक्षात आले. मतदारसंघातील विकासकामे रखडत असल्याने जनतेच्या हितासाठी कठोर निर्णय घ्यावा लागल्याचे त्यांनी स्पष्ट केले. तीन दिवस नॉट रिचेबल असलेले खासदार नागेश पाटील आष्टीकर यांनी आज सोशल मीडियाच्या माध्यमातून भूमिका स्पष्ट करतांना म्हणाले की, गेल्या दोन वर्षांपासून ...

भाजप प्रवेशाच्या चर्चांना जवळगावकरांचा ब्रेक; "मी काँग्रेसमध्येच, अफवांवर विश्वास ठेवू नका" हिमायतनगर, अनिल मादसवार| हदगाव-हिमायतनगर मतदारसंघात गेल्या काही दिवसांपासून सुरू असलेल्या राजकीय चर्चांना काँग्रेसचे ज्येष्ठ नेते तथा माजी आमदार माधवराव पाटील जवळगावकर यांनी पूर्णविराम देण्याचा प्रयत्न केला आहे. भाजप प्रवेशाच्या चर्चांनी वेग घेत असतानाच जवळगाव येथे आयोजित काँग्रेस कार्यकर्त्यांच्या बैठकीत त्यांनी स्पष्ट शब्दांत, "मी काँग्रेस पक्षामुळेच आज या स्थानावर पोहोचलो आहे. मी कोणत्याही पक्षात जाणार नाही," अशी भूमिका मांडली. जवळगाव येथे झालेल्या बैठकीत तालुक्यातील सरपंच, उपसरपंच, सेवा सहकारी संस्थांचे पदाधिकारी, काँग्रेसचे कार्यकर्ते आणि समर्थक मोठ्या संख्येने उपस्थित होते. बैठकीदरम्यान कार्यकर्त्यांनी विविध राजकीय घडामोडींवर आपली मते व्यक्त केली. काहींनी जवळगावकर यांनी काँग्रेसमध्येच राहू...