करियर

एकाच शिक्षकावर सात विषयांची जबाबदारी; विद्यार्थ्यांचा संताप, प्रतिनियुक्तीवरील शिक्षकाला परत आणण्याची मागणी हदगाव | तालुक्यातील जिल्हा परिषद हायस्कूल, आष्टी येथे शिक्षकांची कमतरता दिवसेंदिवस गंभीर होत असून, त्याचा थेट परिणाम विद्यार्थ्यांच्या शैक्षणिक गुणवत्तेवर होत असल्याची तक्रार पालक, ग्रामस्थ आणि विद्यार्थ्यांनी केली आहे. २३७ विद्यार्थ्यांसाठी दहा वर्ग आणि केवळ सात शिक्षक अशी विदारक परिस्थिती निर्माण झाल्याने शाळेतील अध्यापन व्यवस्था अक्षरशः ताणली गेली आहे. या प्रश्नाकडे शिक्षण विभागाचे लक्ष वेधण्यासाठी मंगळवारी (दि. २२ जुलै) शाळा व्यवस्थापन समितीचे पदाधिकारी, पालक आणि ग्रामस्थांनी पंचायत समिती हदगावच्या गटशिक्षणाधिकाऱ्यांना निवेदन दिले. सन २०२२ पासून प्रतिनियुक्तीवर कार्यरत असलेले विषय शिक्षक आर. बी. राठोड यांना तातडीने मूळ शाळेत परत आणावे, अशी प्रमुख मागणी यावेळी करण्यात आली. ...

राहुल अत्राम व तुषार पटले यांची आंतरराष्ट्रीय ओपन-सोर्स प्रकल्पांसाठी निवड; प्रत्येकी मिळणार सुमारे २.८० लाखांचे मानधन नांदेड | श्री गुरू गोबिंद सिंघजी अभियांत्रिकी व तंत्रशास्त्र संस्था (एसजीजीएसआयई अँड टी.), विष्णुपुरी, नांदेडच्या संगणक विज्ञान व अभियांत्रिकी विभागातील अंतिम वर्षाचे विद्यार्थी राहुल अत्राम आणि तुषार पटले यांची जगभरातील प्रतिष्ठित लिनक्स फाऊंडेशन एलएफएक्स मेंटरशिप प्रोग्राम २०२६ (टर्म-२) साठी निवड झाली आहे. या उल्लेखनीय यशामुळे संस्थेच्या शिरपेचात आणखी एक मानाचा तुरा खोवला गेला आहे. राहुल अत्राम यांची क्लाऊड नेटिव्ह कॉम्प्युटिंग फाऊंडेशन (सीएनसीएफ) – रिस्क-फाइव्ह इंटरनॅशनल अंतर्गत ‘रिस्क-फाइव्ह एक्स्टेन्शन्स लँडस्केप’ या प्रकल्पासाठी निवड झाली आहे. तर तुषार पटले यांची सीएनसीएफ – क्यूबएज अंतर्गत ‘अल्टरनेटिव्ह फॉर आयपीटेबल मॅनेजर व्हाया एपीआय सर्व्हर रिडायरेक्शन’ या प्र...

कामारी येथील जिल्हा परिषद माध्यमिक शाळेच्या मुख्याध्यापकांविरोधात कारवाईची मागणी; सात दिवसांत चौकशीचे आश्वासन हिमायतनगर, अनिल मादसवार| मौजे कामारी येथील जिल्हा परिषद माध्यमिक शाळेचे मुख्याध्यापक कारमोड सर यांच्याविरोधात तात्काळ शिस्तभंगाची व प्रशासकीय कारवाई करण्यात यावी, या मागणीसाठी दिगंबर विठ्ठलराव शिरफुले व वैभव प्रकाशराव नरवाडे यांनी २१ जुलै २०२६ पासून शाळेच्या प्रांगणात आमरण उपोषण करण्याचा निर्णय घेतला होता. या आंदोलनाची प्रशासनाने गंभीर दखल घेतली असून, उपशिक्षणाधिकारी यांच्या वतीने आंदोलकांना लेखी आश्वासन देण्यात आले आहे. संबंधित प्रकरणाची सखोल चौकशी करून सात दिवसांच्या आत नियमानुसार आवश्यक ती कार्यवाही करण्यात येईल, असे आश्वासन प्रशासनाने दिले आहे. या लेखी आश्वासनाची प्रत संबंधित अधिकाऱ्यांकडून स्वीकारताना उपस्थित मान्यवर व ग्रामस्थांच्या साक्षीने आंदोलकांनी प्रशासनावर विश्व...

विद्यार्थ्यांच्या सर्जनशीलतेचे कौतुक; शिक्षकांना निपुण भारत व PAT संदर्भात मार्गदर्शन हदगाव/नांदेड, प्रतिनिधी| पीएम श्री जिल्हा परिषद हायस्कूल, हदगाव येथे राज्य शैक्षणिक संशोधन व प्रशिक्षण परिषद, महाराष्ट्र, पुणेचे संचालक डॉ. हेमंत वसेकर यांनी सदिच्छा भेट देत शाळेची पाहणी केली. त्यांच्या या भेटीमुळे शाळेच्या गौरवशाली इतिहासाला उजाळा मिळण्यासोबतच विद्यार्थी आणि शिक्षकांना नवी प्रेरणा मिळाली. डॉ. वसेकर यांच्यासोबत जिल्हा शिक्षण व प्रशिक्षण संस्था (DIET), नांदेडचे प्राचार्य अमोल निळेकर, वरिष्ठ अधिव्याख्याता बालाजी शेळके आणि अधिव्याख्याता शिवाजी साखरे उपस्थित होते. या भेटीचे विशेष वैशिष्ट्य म्हणजे डॉ. वसेकर यांचे वडील सन १९७१ ते १९७७ या कालावधीत याच शाळेत राजपत्रित मुख्याध्यापक म्हणून कार्यरत होते. त्या काळात डॉ. वसेकर यांचे बालपण हदगावमध्ये गेले. अनेक वर्षांनंतर आपल्या बालपणीच्या आठवणी...

सामाजिक बांधिलकी जपत विद्यार्थ्यांना शिक्षणासाठी प्रोत्साहन नांदेड | नांदेड एज्युकेशन सोसायटी संचलित पीपल्स हायस्कूल येथे गीता परिवाराच्या वतीने विद्यार्थ्यांना मोफत शालेय गणवेशाचे वितरण करण्यात आले. या उपक्रमामुळे विद्यार्थ्यांमध्ये आनंदाचे वातावरण निर्माण झाले असून, शिक्षणासोबत सामाजिक बांधिलकी जपण्याचा प्रेरणादायी संदेश देण्यात आला. कार्यक्रमाच्या अध्यक्षस्थानी सीए डॉ. प्रवीण पाटील होते. प्रमुख अतिथी म्हणून नांदेड-वाघाळा महानगरपालिकेच्या शिक्षण, महिला व बालकल्याण समितीच्या सभापती सौ. सदिच्छा सोनी, शालेय समितीचे अध्यक्ष स. नौनिहाल सिंग जहागीरदार, नांदेड एज्युकेशन सोसायटीचे सहसचिव ॲड. कॉ. प्रदीप नागापूरकर, ॲड. चिरंजीलाल दागडिया, गीता परिवाराच्या अध्यक्षा सौ. सारिका बंग, कोषाध्यक्ष नारायण मामडी, सचिव डॉ. उर्मिला मालू तसेच मुख्याध्यापक प्रशांत चौधरी यांची उपस्थिती होती. अध्यक्षीय भाष...

बालभारतीच्या इंग्रजी माध्यमाच्या इयत्ता तिसरीच्या पुस्तकात ‘Struggler Bhagyashree Jadhav’ धडा नांदेड| नांदेड जिल्ह्याची भूमिकन्या आणि महाराष्ट्र भूषण आंतरराष्ट्रीय दिव्यांग खेळाडू भाग्यश्री माधवराव जाधव यांच्या संघर्षमय जीवनप्रवासाची दखल आता राज्याच्या शालेय अभ्यासक्रमाने घेतली आहे. त्यांच्या प्रेरणादायी जीवनावर आधारित धडा यावर्षीपासून बालभारतीच्या इंग्रजी माध्यमाच्या इयत्ता तिसरीच्या अभ्यासक्रमात समाविष्ट करण्यात आला आहे. मुखेड तालुक्यातील होनवडज येथील रहिवासी असलेल्या भाग्यश्री जाधव यांनी अवघ्या अकरा वर्षांच्या क्रीडा प्रवासात गोळाफेक आणि भालाफेक या क्रीडा प्रकारांत राष्ट्रीय तसेच आंतरराष्ट्रीय पातळीवर उल्लेखनीय कामगिरी केली आहे. पॅरा ऑलिम्पिक आणि वर्ल्ड पॅरा चॅम्पियनशिप स्पर्धेत त्यांनी दोन वेळा भारताचे प्रतिनिधित्व केले आहे. नुकत्याच झालेल्या वर्ल्ड पॅरा ऑलिम्पिक स्पर्धेत भारता...

स्वामी रामानंद तीर्थ मराठवाडा विद्यापीठ प्रशासनाकडे मागणी नांदेड | स्वामी रामानंद तीर्थ मराठवाडा विद्यापीठात ‘छत्रपती शिवाजी महाराज : विचारधारा आणि व्यवस्थापन’ या विषयात एम.ए. पदव्युत्तर अभ्यासक्रम सुरू करण्यात यावा, अशी मागणी लक्ष्यवेध फाऊंडेशनच्या वतीने विद्यापीठ प्रशासनाकडे करण्यात आली आहे. यासंदर्भातील निवेदन लक्ष्यवेध फाऊंडेशनचे अध्यक्ष अनिल मोरे आणि उपाध्यक्ष तथा निवृत्त शिक्षण संचालक डॉ. गोविंद नांदेडे यांनी विद्यापीठाचे कुलगुरू डॉ. मनोहर चासकर यांना दिले. छत्रपती शिवाजी महाराजांचे जीवनकार्य, राष्ट्रनीती, लोककल्याणकारी प्रशासन, नेतृत्वगुण आणि व्यवस्थापन तत्त्वांचा शैक्षणिक पद्धतीने विद्यार्थ्यांना अभ्यास करता यावा, या उद्देशाने हा अभ्यासक्रम सुरू करण्याची मागणी करण्यात आली आहे. शिवाजी महाराजांचे विचार आजही प्रशासन, न्यायव्यवस्था, राष्ट्रनिष्ठा, लोककल्याण आणि दूरदृष्टीच्या दृष्टी...

नांदेड | समाजप्रबोधन, साहित्यसेवा आणि वैद्यकीय क्षेत्रातील उल्लेखनीय योगदानाबद्दल ज्येष्ठ साहित्यिक तथा प्रसिद्ध चिकित्सक डॉ. पी. डी. जोशी पाटोदेकर यांचा चळवळी योद्धे स्व. बसवंतराव मुंडकर विचार मंच, नांदेड यांच्या वतीने बुधवारी शाल, श्रीफळ आणि पुष्पगुच्छ देऊन सत्कार करण्यात आला. डॉ. जोशी पाटोदेकर लिखित 'हे बंध समाजनिष्ठेचे' या समाजप्रबोधनपर ग्रंथाला प्रतिष्ठेचा प्रसाद प्रतिष्ठान ग्रंथ गौरव पुरस्कार प्राप्त झाल्याबद्दल हा गौरव सोहळा आयोजित करण्यात आला होता. अलीकडेच नांदेड येथे झालेल्या विशेष समारंभात त्यांना हा मानाचा पुरस्कार प्रदान करण्यात आला. यावेळी उपस्थितांनी सांगितले की, डॉ. जोशी पाटोदेकर यांनी वैद्यकीय व्यवसायाला केवळ उपजीविकेचे साधन न मानता समाजसेवेचे प्रभावी माध्यम बनविले. त्याचबरोबर आपल्या साहित्यलेखनातून त्यांनी सामाजिक बांधिलकी, मानवी मूल्ये, लोकजागृती आणि समाजनिष्ठ विचार...

शाळेच्या वेळेनंतरही विद्यार्थी गेटबाहेर; जबाबदार शिक्षकांवर कारवाईची मागणी हिमायतनगर, अनिल मादसवार| हिमायतनगर तालुक्यातील कामारी येथील जिल्हा परिषद शाळेत शिक्षकांच्या कथित उशिरा हजेरीमुळे सोमवारी (दि. १४ जुलै) पालक आणि ग्रामस्थांचा संताप अनावर झाला. शाळा सुरू होण्याची वेळ उलटून गेल्यानंतरही काही शिक्षक वेळेवर शाळेत न पोहोचल्याने संतप्त पालकांनी संबंधित शिक्षकांना शाळेच्या प्रवेशद्वारावर घेराव घालत जाब विचारला. सकाळी शाळेची वेळ होऊनही अनेक विद्यार्थी शिक्षकांची प्रतीक्षा करत शाळेच्या गेटबाहेर उभे असल्याचे चित्र पाहून पालकांनी तीव्र नाराजी व्यक्त केली. विद्यार्थ्यांच्या शिक्षणाशी असा हलगर्जीपणा सहन केला जाणार नाही, असा इशाराही त्यांनी दिला. शासन गुणवत्तापूर्ण शिक्षणासाठी कोट्यवधी रुपयांचा निधी खर्च करत असताना काही शिक्षकांच्या निष्काळजीपणामुळे शासनाच्या उद्दिष्टांनाच हरताळ फासला ज...

मेन ड्रिल स्पर्धेत प्रथम क्रमांक; दत्ता बारसे यांना 'फर्स्ट ऑफिसर' पदोन्नती नांदेड | महात्मा फुले हायस्कूल, बाबानगर, नांदेड येथील 3 MAH AIR SQN NCC, Pune अंतर्गत कार्यरत एनसीसी एअर विंगने सी.ए.टी.सी.-७१६ (Combined Annual Training Camp-2026) मध्ये दुहेरी यश संपादन करत शाळेच्या शिरपेचात मानाचा तुरा खोवला आहे. दि. ५ ते १४ जुलै २०२६ या कालावधीत आयोजित शिबिरात महाराष्ट्रातील ११ शाळांच्या एनसीसी पथकांनी सहभाग घेतला होता. शिबिरातील अत्यंत प्रतिष्ठेच्या मानल्या जाणाऱ्या मेन ड्रिल स्पर्धेत महात्मा फुले हायस्कूलच्या कॅडेट्सनी उत्कृष्ट शिस्त, अचूक संचलन आणि प्रभावी समन्वयाचे दर्शन घडवत प्रथम क्रमांक पटकावला. या उल्लेखनीय यशामुळे शाळेसह नांदेड जिल्हा आणि 3 MAH AIR SQN NCC, Pune युनिटच्या नावलौकिकात भर पडली आहे. या यशामागे एनसीसी एअर विंगचे ए.एन.ओ. दत्ता बारसे यांचे नियोजनबद्ध प्रशिक्षण, कठोर पर...