हदगांव, गौतम वाठोरे| तालुक्यातील हरडफ जिल्हा परिषद शाळेची शालीय व्यवस्थापन समितीची निवड ११ रोजी गावाच्या शैक्षणिक विकासाला नवी दिशा देण्यासाठी आणि शाळेच्या सर्वांगीण प्रगतीसाठी हरडफ येथे नुकतीच गावकऱ्यांच्या प्रमुख उपस्थितीत शालेय व्यवस्थापन समितीची बैठक पार पडली. या बैठकीत सर्वानुमते नवीन शालेय व्यवस्थापन समितीची स्थापना करण्यात आली असून, यामध्ये पदाधिकाऱ्यांची निवड अत्यंत उत्साही वातावरणात करण्यात आली.
यामध्ये अध्यक्ष म्हणून संभाजी पाटील जाधव उपाध्यक्ष गणेश सूर्यवंशी शिक्षणप्रेमी सदस्य शिवाजी जाधव यांची निवड करण्यात आली गेल्या दोन वर्षापासून शालेय व्यवस्थापन समितीचे अध्यक्ष पवन मोरे उपाध्यक्ष गौतम वाठोरे यांनी उत्कृष्ट कामगिरी केल्यानंतर आता नवीन कार्यकारणी निवडण्यात आली अध्यक्ष उपाध्यक्ष इतर सर्व नवनिर्वाचित सदस्य. यांची निवड करण्यात आली.
गावाच्या भविष्याची पायाभरणी
गावाची शाळा म्हणजे गावाच्या भविष्याची हा विचार समोर ठेवून गावकऱ्यांनी या निवडणुकीत सक्रिय सहभाग घेतला. शाळेचा शैक्षणिक दर्जा उंचावणे, विद्यार्थ्यांच्या गुणवत्तेत वाढ करणे आणि शाळेचा सर्वांगीण भौतिक व शैक्षणिक विकास साधणे या प्रमुख उद्दिष्टांवर यावेळी भर देण्यात आला. सर्व ग्रामस्थांनी एकजुटीने शाळेच्या पाठीशी उभे राहण्याचा संकल्प केला आहे.
या सर्व नवनिर्वाचित अध्यक्ष, उपाध्यक्ष आणि सदस्यांचे ग्रामस्थांच्या वतीने पुष्पगुच्छ देऊन मनःपूर्वक अभिनंदन करण्यात आले यावेळी माजी जिल्हा परिषद सदस्य पंजाबराव पाटील कदम गावचे सरपंच वंदनाताई वाठोरे तंटामुक्ती अध्यक्ष बालाजी सूर्यवंशी चेअरमन नागोराव सूर्यवंशी अविनाश मोरे शरद कदम पवन मोरे कानबा सूर्यवंशी कृष्णा गिरामकर राजू जाधव अविनाश शिंदे गजानन सूर्यवंशी व सर्व शिक्षक वृंद उपस्थित होते.
