पारदर्शक, लोकाभिमुख प्रशासनाची दखल; पंचायत समितीच्या वतीने उत्स्फूर्त अभिनंदन
हिमायतनगर, उत्कर्ष मादसवार| महसूल विभागातील पारदर्शक, गतिमान आणि लोकाभिमुख प्रशासनाची राज्यस्तरावर दखल घेत हिमायतनगरच्या तहसीलदार सौ. पल्लवी टेमकर यांना महसूल दिनानिमित्त नांदेड येथे ‘आदर्श तहसीलदार’ पुरस्काराने गौरविण्यात आले.
या उल्लेखनीय यशाबद्दल पंचायत समिती, हिमायतनगरच्या वतीने त्यांचा विशेष सत्कार करून अभिनंदन करण्यात आले. गटविकास अधिकारी पांडुरंग नारवटकर यांच्या हस्ते तहसीलदार टेमकर यांना पुष्पगुच्छ देऊन शुभेच्छा देण्यात आल्या. यावेळी उपस्थित अधिकारी व कर्मचाऱ्यांनी त्यांच्या कार्यशैलीचे कौतुक करत, महसूल प्रशासनात त्यांनी निर्माण केलेल्या विश्वासार्हतेचा गौरव केला.
या प्रसंगी मंडळ अधिकारी चव्हाण, अभियंता विशाल पवार, ग्रामपंचायत अधिकारी नारायण काळे, ग्रामसेवक सटलावार, ग्रामसेवक भोगे, नरेगा विभागाचे अभियंता भिसे, बांधकाम विभागाचे कदम, जामकर, अद्वैत देशपांडे, देवसरकर, पंचायत समितीचे अधिकारी-कर्मचारी तसेच सरपंच मारोती वाडेकर, पत्रकार सोपान बोंपीलवार, पत्रकार दत्ता पुपलवाड सह अनेकांची मोठ्या संख्येने उपस्थित होते.
उपस्थित मान्यवरांनी तहसीलदार पल्लवी टेमकर यांच्या प्रामाणिक, पारदर्शक आणि जनहिताच्या कामकाजाचे कौतुक करत त्यांच्या पुढील प्रशासकीय वाटचालीस शुभेच्छा दिल्या. हा सन्मान हिमायतनगर तालुक्यासाठीही अभिमानाची बाब असल्याची भावना यावेळी व्यक्त करण्यात आली.