सामाजिक

नांदेड | सार्वजनिक ठिकाणांची स्वच्छता ही प्रत्येक नागरिकाची सामूहिक जबाबदारी आहे, हा संदेश देत पतंजली योग परिवाराच्या वतीने नांदेड शहरातील नाईक नगर परिसरातील उद्यानात विशेष स्वच्छता अभियान राबविण्यात आले. या उपक्रमात उद्यान परिसरातील प्लास्टिक कचरा, रिकाम्या पाण्याच्या बाटल्या, स्नॅक्स व गुटख्याची पाकिटे, खराब चप्पल, कपड्यांचे तुकडे तसेच अन्य टाकाऊ वस्तू गोळा करून त्यांची घंटागाडीमार्फत योग्य विल्हेवाट लावण्यात आली. नाईक नगर परिसरातील हे उद्यान ज्येष्ठ नागरिक, महिला, युवक-युवती आणि लहान मुलांसाठी फिरणे, व्यायाम करणे तसेच उद्यानातील मंदिरात दर्शनासाठी महत्त्वाचे ठिकाण आहे. मात्र काही नागरिकांकडून निष्काळजीपणे कचरा टाकला जात असल्याने परिसर अस्वच्छ होत असल्याची खंत यावेळी व्यक्त करण्यात आली. यावेळी पतंजली योग समितीचे राज्य प्रभारी अनिल अमृतवार म्हणाले, "दुसऱ्याने टाकलेला कचरा उचलणे ...

स्वर्गीय बसवंतराव मुंडकर विचारमंचाचा प्रेरणादायी उपक्रम नांदेड| भारतीय संस्कृतीचा प्राण असलेली कुटुंब व्यवस्था आणि त्या व्यवस्थेचा कणखर आधारवड असलेल्या पित्याप्रती कृतज्ञतेच्या भावना समाजासमोर व्यक्त करण्यासाठी चळवळी योद्धे स्वर्गीय बसवंतराव मुंडकर विचारमंच, नांदेड यांच्या संयुक्त विद्यमाने "बाबा... तुमच्यासाठी!" या आगळ्यावेगळ्या भावस्पर्शी शब्दोत्सवाचे आयोजन करण्यात आले आहे. बदलत्या सामाजिक प्रवाहात पित्याच्या त्याग, प्रेम, संस्कार आणि संघर्षाला शब्दरूप देणारा हा उपक्रम समाजमनाला निश्चितच भावनिक स्पर्श करणारा ठरणार आहे. भारतीय संस्कृतीची सर्वात मोठी ताकद म्हणजे कुटुंब संस्था. असंख्य सामाजिक, सांस्कृतिक आणि पाश्चिमात्य विचारांच्या प्रखर लाटांनी या संस्थेवर अनेकदा आघात केले, तरीही भारतीय कुटुंबव्यवस्था आजही आपल्या मूल्यांचा दीप तेवत ठेवून ताठ मानेने उभी आहे. या कुटुंब संस्थेचा खंबीर आ...

एसआयआर प्रक्रियेत एकही पात्र मतदार वंचित राहणार नाही नांदेड | भारत निवडणूक आयोगाच्या विशेष सखोल पुनरिक्षण (SIR) 2026 मोहिमेंतर्गत नांदेड जिल्ह्यात मतदार पडताळणीची प्रक्रिया वेगाने सुरू असून, एकही पात्र मतदार वंचित राहणार नाही, अशी ग्वाही जिल्हाधिकारी राहुल कर्डिले यांनी दिली. माध्यमांनी या मोहिमेची व्यापक जनजागृती करून नागरिकांपर्यंत योग्य माहिती पोहोचवावी, असे आवाहनही त्यांनी केले. जिल्हाधिकारी कार्यालयात आयोजित पत्रकार परिषदेत ते बोलत होते. यावेळी उपजिल्हाधिकारी राजकुमार माने तसेच विविध माध्यमांचे प्रतिनिधी उपस्थित होते. जिल्हाधिकारी कर्डिले यांनी सांगितले की, 30 जूनपासून बूथस्तरीय अधिकारी (BLO) घरोघरी जाऊन गणना पत्रके भरत असून, सर्व पात्र मतदारांनी आवश्यक माहिती व कागदपत्रे देऊन या मोहिमेला सहकार्य करावे. 2002 च्या विशेष पुनरिक्षणात समाविष्ट असलेल्या मतदारांना केवळ माहितीची पडताळ...

नांदेड, अनिल मादसवार| पतंजली योग समिती, महाराष्ट्र (पूर्व) चे राज्य प्रभारी अनिल अमृतवार यांच्या वाढदिवसानिमित्त पतंजली योग परिवार, नांदेड यांच्या वतीने कंधार तालुक्यातील संगूची वाडी येथे पर्यावरणपूरक उपक्रम राबविण्यात आला. बालाजी वारकड यांच्या शेतात आठ आंबा व चार जांभूळ अशा एकूण १२ फळझाडांचे वृक्षारोपण करून पर्यावरण संवर्धनाचा संदेश देण्यात आला. या उपक्रमात पंढरीनाथ कंठेवाड, अरुण दमकोंडवार, अनिल अमृतवार, बालाजी वारकड, देवेश सलगरकर, अनिल कदम, विष्णू शिंदे, बाबाराव हंबर्डे, पंडित पाटील, सदाशिवराव बुटले पाटील, हरिहर नरवाडे, सुनील कुंभार, धोंडीबा वारकड, प्रल्हाद वाडकर, खुशाल वारकड, दिनेश वारकड, चैतन्य वारखेड, सतीश कवटीकवार, सतीश पाटील, जयंत सोमवाड, भास्कर पोधाडे, संजय गायकवाड, यश पानपट्टे, गणेश नांदेडकर, नागनाथ मेलकदवाड, विलास पंदीलवाड, शिवाजी पेन्सलवार, हनुमंत ढगे, रमेश बंडेवार, अनिल कामी...

प्रधानमंत्री आवास योजनेच्या कामांना गती देण्यासाठी विशेष मोहीम राबविण्याच्या सूचना नांदेड | प्रधानमंत्री आवास योजना (ग्रामीण) टप्पा-२ अंतर्गत तिसरा हप्ता वितरित झालेल्या ४० हजार ७५३ अपूर्ण घरकुलांचे बांधकाम जुलैअखेरपर्यंत पूर्ण करण्याचे उद्दिष्ट निश्चित करण्यात आले असून, त्यासाठी सर्व गट विकास अधिकाऱ्यांनी विशेष मोहीम राबवावी, असे निर्देश जिल्हा परिषदेचे मुख्य कार्यकारी अधिकारी महेश पाटील यांनी दिले. जिल्हा परिषदेत आयोजित तालुकानिहाय आढावा बैठकीत प्रधानमंत्री आवास योजना (ग्रामीण) तसेच विविध राज्य पुरस्कृत आवास योजनांच्या प्रगतीचा सविस्तर आढावा घेण्यात आला. बैठकीस अतिरिक्त मुख्य कार्यकारी अधिकारी संदीप माळोदे, जिल्हा ग्रामीण विकास यंत्रणेचे प्रभारी प्रकल्प संचालक तथा उपमुख्य कार्यकारी अधिकारी राजकुमार मुक्कावार, सर्व विभागप्रमुख आणि जिल्ह्यातील गट विकास अधिकारी उपस्थित होते. बैठकीत ग...

नांदेड | भारतीय हवामान विभागाने नांदेड जिल्ह्यासह मराठवाड्यात मुसळधार ते अतिमुसळधार पावसाचा इशारा दिल्यानंतर नांदेड-वाघाळा महानगरपालिकेचे आयुक्त डॉ. महेशकुमार डोईफोडे यांनी तातडीने ॲक्शन मोड घेत शहरातील पूरप्रवण व संवेदनशील भागांची प्रत्यक्ष पाहणी केली. उर्दू घर परिसर, असदवन–लातूर फाटा नाला, रवीनगर–कौठा पोलीस चौकी तसेच शगुन सिटी परिसराची पाहणी करून त्यांनी नागरिकांशी संवाद साधला. नाल्यांची तातडीने सफाई, पाणी निचऱ्याचे मार्ग मोकळे ठेवणे, अतिरिक्त कर्मचारी व यंत्रसामग्री तैनात करण्याचे निर्देश संबंधित अधिकाऱ्यांना दिले. तसेच, मनपाचा आपत्ती व्यवस्थापन कक्ष २४ तास तीन शिफ्टमध्ये कार्यरत ठेवण्याचे आदेश देत सर्व झोनल अधिकारी व अभियंत्यांनी मुख्यालय न सोडण्याच्या सूचनाही आयुक्तांनी दिल्या. नागरिकांच्या सुरक्षिततेसाठी आवश्यक सर्व उपाययोजना तत्काळ राबविण्यात येत असल्याचे त्यांनी स्पष्ट के...

नांदेड | स्त्रीभ्रूणहत्या आणि बेकायदेशीर गर्भलिंगनिदानाला आळा घालण्यासाठी नांदेड जिल्ह्यात आरोग्य यंत्रणा आता पूर्णपणे 'ॲक्टिव्ह मोड'वर आली आहे. राज्य शासनाच्या निर्देशानुसार पहिली किंवा दोन मुली असलेल्या कुटुंबांतील गर्भवती महिलांचे प्रसूतीपर्यंत नियमित ट्रॅकिंग करण्यात येत असून, या मोहिमेच्या अंमलबजावणीला चार महिने पूर्ण होत आले आहेत. या मोहिमेअंतर्गत ग्रामीण व शहरी भागातील आशा सेविका आणि अंगणवाडी सेविका यांच्यावर महत्त्वाची जबाबदारी सोपविण्यात आली आहे. गर्भधारणेची नोंदणी झाल्यानंतर संबंधित महिलेचा दरमहा फॉलोअप घेतला जात असून, विशेषतः पहिली किंवा दोन मुली असलेल्या कुटुंबांवर अधिक लक्ष केंद्रित करण्यात येत आहे. दरम्यान, आधुनिक तंत्रज्ञानाचा गैरवापर करून होणारे बेकायदेशीर गर्भलिंगनिदान रोखण्यासाठी जिल्ह्यातील सर्व सोनोग्राफी केंद्रांची सखोल तपासणी करण्यात येणार आहे. संशयास्पद प्रकरणा...

नांदेड | नियोजन भवन, जिल्हाधिकारी कार्यालय येथे आयोजित शासकीय कार्यक्रमात प्रकृती बिघडून कोसळलेल्या दिव्यांग युवकाच्या अडचणी आता आणखी वाढल्या आहेत. आधीच एका हाताला व एका पायाला पक्षाघात (पॅरॅलिसिस) झालेल्या कार्तिक कुमार भरतीपूरम यांच्या सक्षम हातालाही फ्रॅक्चर झाल्याने त्यांचे दैनंदिन जीवन पूर्णपणे विस्कळीत झाले आहे. या पार्श्वभूमीवर सकल दिव्यांग संघटनेचे अध्यक्ष राहुल साळवे यांनी प्रशासनाने तातडीने आर्थिक मदत व संपूर्ण उपचाराचा खर्च उचलावा, अशी मागणी केली आहे. दिनांक २६ जून २०२६ रोजी तत्कालीन पोलीस अधीक्षक अविनाश कुमार यांच्या निरोप समारंभ आणि नवनियुक्त पोलीस अधीक्षक डॉ. नीलाभ रोहन यांच्या स्वागत कार्यक्रमासाठी जिल्हाधिकारी कार्यालयातील नियोजन भवनात मोठ्या संख्येने दिव्यांग बांधव उपस्थित होते. कार्यक्रमादरम्यान दीर्घकाळ प्रतीक्षा, अपुऱ्या मूलभूत सुविधा आणि प्रकृती बिघडल्यामुळे कार्तिक...

नवीन नांदेड | मतदार यादी विशेष पुनरिक्षण मोहिमेला गती देण्यासाठी नांदेडचे जिल्हाधिकारी राहुल कर्डिले यांनी पुढाकार घेत मनपा हद्दीतील जुना कौठा येथे नागरिकांच्या घरी जाऊन मतदार नोंदणी अर्ज स्वतः भरून घेतले. जिल्हाधिकाऱ्यांच्या या उपक्रमामुळे परिसरातील नागरिकांमध्ये उत्साहाचे वातावरण निर्माण झाले. जुना कौठा येथील प्रतिष्ठित नागरिक तथा माजी नगरसेवक राजू गोरे यांच्या निवासस्थानी भेट देत जिल्हाधिकाऱ्यांनी संभाजी रामजी गोरे यांचा मतदार नोंदणीसाठीचा एसआयआर (SIR) अर्ज बीएलओच्या उपस्थितीत स्वतः भरून घेतला. यावेळी परिसरातील नागरिकांनी मोठ्या संख्येने उपस्थित राहून मतदार नोंदणी प्रक्रियेत सहभाग नोंदविला. नांदेड तहसीलदार संजय वारकड यांच्या मार्गदर्शनाखाली वसरणी विभागातील भाग क्रमांक १८२ मध्ये मतदार नोंदणी अभियान राबविण्यात आले. या मोहिमेत जिल्हाधिकारी राहुल कर्डिले यांच्यासह मतदार नोंदणी अधिकारी...

नांदेड| भारत निवडणूक आयोगाच्या विशेष सखोल मतदार यादी पुनरिक्षण (एसआयआर) कार्यक्रमांतर्गत नांदेड दक्षिण विधानसभा मतदारसंघात मतदार नोंदणीसाठी आवश्यक फॉर्म वाटपाला सुरुवात करण्यात आली आहे. यानिमित्ताने नांदेडचे उपविभागीय अधिकारी तथा मतदार नोंदणी अधिकारी डॉ. सचिन खल्लाळ आणि सहाय्यक मतदार नोंदणी अधिकारी तथा तहसीलदार संजय वारकड यांनी सिडको परिसरातील रामनगर भागाला भेट देऊन सुरू असलेल्या कामाचा आढावा घेतला. ३० जून २०२६ पासून ८७ नांदेड दक्षिण विधानसभा मतदारसंघातील बीएलओंकडून मतदारांना नाव नोंदणीसाठी आवश्यक फॉर्मचे वाटप व माहिती संकलनाचे काम सुरू झाले आहे. या पार्श्वभूमीवर डॉ. खल्लाळ आणि तहसीलदार वारकड यांनी यादी भाग क्रमांक २०८ मधील मतदारांशी संवाद साधत कामकाजाची पाहणी केली. त्यांनी या उपक्रमाबद्दल समाधान व्यक्त करून बीएलओंना आवश्यक सूचना दिल्या. यावेळी सहाय्यक मतदार नोंदणी अधिकारी सूरज स्वामी,...