सामाजिक

देगलूर| येथील बंडयाप्पा मठ संस्थान, गांधी चौक येथे गुरुवर्य पंडित बाबुरावजी उप्पलवार यांच्या सहस्त्र चंद्रदर्शन सोहळ्याचा कार्यक्रम उत्साहात पार पडला. शिष्यांनी व्यक्त केलेल्या कृतज्ञतेमुळे हा सोहळा विशेष ठरला. या प्रसंगी ज्येष्ठ पत्रकार गोविंद मुंडकर म्हणाले की, आजच्या काळात अनेकजण आई-वडिलांविषयी कृतज्ञता विसरत आहेत. मात्र देगलूरकरांनी गुरु, आई-वडील यांच्याप्रती दाखवलेला आदर हा संपूर्ण महाराष्ट्रासाठी अनुकरणीय आहे. “आई, वडील आणि गुरुजन यांना कधीही विसरू नये,” असे त्यांनी सांगितले. कार्यक्रमात गुरुवर्य पंडित बाबुरावजी उप्पलवार व सौ. सरस्वतीबाई उप्पलवार यांचा सत्कार करण्यात आला. यावेळी लोकशाहीर रमेश गिरी, दिगू तुमवाड यांच्यासह अनेक मान्यवर उपस्थित होते. रमेश गिरी यांनी पंडितजींबाबतचे अनुभव सांगत त्यांच्या शताब्दी सोहळ्यालाही उपस्थित राहण्याची इच्छा व्यक्त केली. दिगू तुमवाड यांनी पंडित...

नांदेड | जिल्हा परिषद नांदेडच्या वतीने महात्मा बसवेश्वर यांची शासकीय जयंती उत्साहात साजरी करण्यात आली. यावेळी सामान्य प्रशासन विभागाचे उपमुख्य कार्यकारी अधिकारी राजकुमार मुक्कावार यांच्या हस्ते महात्मा बसवेश्वर यांच्या प्रतिमेला पुष्पहार अर्पण करून अभिवादन करण्यात आले. कार्यक्रमास जिल्हा आरोग्य अधिकारी डॉ. संतोष सूर्यवंशी व जिल्हा पशुसंवर्धन अधिकारी डॉ. घुले यांची प्रमुख उपस्थिती होती. प्रस्तावना शिक्षणाधिकारी दिलीप बनसोडे यांनी केली. यावेळी शिवा कर्मचारी महासंघाचे राज्य कार्याध्यक्ष विठ्ठल ताकबीडे यांनी महात्मा बसवेश्वर यांच्या जीवनकार्यावर प्रकाश टाकला. तसेच जिल्हा प्रशासनाच्या वतीने लघुपटाचे सादरीकरण करण्यात आले. कर्मचाऱ्यांच्या वतीने देण्यात आलेल्या तैलचित्राचे मान्यवरांच्या हस्ते अनावरण करण्यात आले. कार्यक्रमाचे सूत्रसंचालन प्राथमिक शिक्षक परिषदेचे राज्य सरचिटणीस संजय कोठाळे ...

हिमायतनगर | हिमायतनगर येथील ज्येष्ठ नागरिक कै. विठ्ठलराव संभाजी हरडफकर (कदम) यांचे दि. १९ एप्रिल २०२६ रोजी सायंकाळी सुमारे ७ वाजता अल्पशा आजाराने निधन झाले. त्यांच्या निधनाने परिसरात हळहळ व्यक्त होत असून अनेकांनी त्यांना श्रद्धांजली अर्पण केली आहे. त्यांची अंत्ययात्रा आज दि. २० एप्रिल रोजी सकाळी ११ वाजता त्यांच्या राहत्या घरातून श्री संभाजी राजे हॉस्टेल येथून निघणार असून, अंत्यसंस्कार वैैकुंठधाम स्मशानभूमी, लकडोबा चौक, हिमायतनगर येथे करण्यात येणार आहेत. स्व. विठ्ठलराव हरडफकर यांच्या पश्चात कुटुंबीय असा मोठा परिवार असून, त्यांच्या निधनाने समाजातील एक जेष्ठ व्यक्तिमत्व हरपल्याची भावना व्यक्त होत आहे. 💐 भावपूर्ण श्रद्धांजली 💐...

हिमायतनगर| तालुक्यातील मौजे सवना ज. येथील रहिवासी द्रोपताबाई रामजी अनगुलवार (वय ८२) यांचे सोमवारी सकाळी ७.२० वाजता वृद्धापकाळाने निधन झाले. त्यांच्या पश्चात तीन मुले, एक मुलगी, सुना, जावई व नातवंडे असा मोठा परिवार आहे. त्या सेवानिवृत्त मुख्याध्यापक अशोक अनगुलवार, तसेच पोशट्टी अनगुलवार व संतोष अनगुलवार यांच्या मातोश्री होत. त्यांचा अंत्यसंस्कार आजच दुपारी ४.२० वाजता करण्यात येणार आहे. स्व. द्रोपताबाई अनगुलवार यांच्या निधनाने परिसरात हळहळ व्यक्त केली जात असून त्यांना भावपूर्ण श्रद्धांजली अर्पण करण्यात येत आहे. 💐🙏...

लोहा| लोहा नगरपालिकेचे नगराध्यक्ष व त्यांच्या टीमकडून सुरू असलेल्या चांगल्या कामाचे कौतुक करत काँग्रेस पक्षाचे माजी शहराध्यक्ष व माजी नगरसेवक वसंतराव पवार यांनी शहरातील काही गंभीर प्रश्नांकडे लक्ष वेधले आहे. शहरातील गजबजलेल्या भागात उघड्यावर होणारी मांसविक्री, बेशिस्त वाहतुकीमुळे होणारी रहदारीची कोंडी, हातगाड्यांचे अनियमित पार्किंग, तसेच नाल्यांवरील अतिक्रमण आणि शासकीय जागा भाड्याने देऊन आर्थिक फायदा घेण्याचे प्रकार यावर त्यांनी तीव्र चिंता व्यक्त केली आहे. यासंदर्भातील त्यांची पोस्ट सध्या सोशल मीडियावर व्हायरल होत असून तालुक्यात चर्चेचा विषय ठरली आहे. पवार यांनी नगराध्यक्ष, आमदार प्रतापराव पाटील चिखलीकर व संबंधित प्रशासनाने या प्रश्नांकडे गांभीर्याने लक्ष द्यावे, अशी मागणी केली आहे. शहरातील बसस्थानक, शिवाजी चौक, बेरळी फाटा या मुख्य मार्गांवर नाल्यांचे काम पूर्ण झाल्यानंतरही त्यावर दुकान...

अन्यथा सामाजिक प्रश्नासाठी आंदोलन छेडावे लागेल - रामभाऊ सूर्यवंशी हिमायतनगर, अनिल मादसवार| शहरातील जिल्हा परिषद केंद्रीय प्राथमिक कन्या शाळेसमोर वाढत्या वाहतूक वर्दळीमुळे विद्यार्थ्यांच्या सुरक्षेचा प्रश्न गंभीर बनला आहे. संभाव्य अपघात टाळण्यासाठी शाळेसमोर तात्काळ गतिरोधक (स्पीड ब्रेकर) बसविण्याची मागणी मुख्याध्यापकांनी नगराध्यक्ष व मुख्याधिकारी यांच्याकडे निवेदनाद्वारे केली आहे. सदर शाळेत एकूण ५९१ विद्यार्थी शिक्षण घेत असून, शाळा दोन सत्रांत भरवली जाते. दुपारी १२ वाजता पहिले सत्र सुटताच सुमारे ३०० विद्यार्थी एकाच वेळी बाहेर पडतात, तर त्याच वेळी दुसऱ्या सत्रातील २९१ विद्यार्थी शाळेत प्रवेश करतात. त्यामुळे शाळा परिसरात मोठी गर्दी होत असून रस्ता कायमच वर्दळीचा असतो. या ठिकाणी वाहनचालक भरधाव वेगाने वाहन चालवत असल्याने विद्यार्थ्यांच्या अपघाताचा धोका वाढला आहे. यापूर्वीही काही विद्यार...

नांदेड| राज्याचे इतर मागास बहुजन कल्याण, दुग्धविकास, अपारंपारिक ऊर्जा व दिव्यांग सक्षमीकरण मंत्री तथा नांदेड जिल्ह्याचे पालकमंत्री Atul Save हे 17 व 18 एप्रिल रोजी नांदेड जिल्ह्याच्या दौऱ्यावर येत आहेत. दौऱ्यादरम्यान ते माहूरगड येथे दत्त शिखर व रेणुकादेवी मंदिराचे दर्शन घेऊन परिसरातील विकास कामांची पाहणी करणार आहेत. तसेच माहूर विकास आराखड्याचे सादरीकरण आणि जिल्हाधिकारी व संबंधित अधिकाऱ्यांसोबत महत्त्वपूर्ण बैठका आयोजित करण्यात आल्या आहेत. आदिवासी उपयोजना संदर्भातही स्वतंत्र बैठक होणार आहे. 18 एप्रिल रोजी नांदेड येथे ओबीसी स्वयंरोजगार मेळाव्याची पाहणी केल्यानंतर जिल्हाधिकारी कार्यालयात कायदा व सुव्यवस्था, बळीराजा शेती पाणंद रस्ते योजना तसेच विविध विभागांचा आढावा घेण्यात येणार आहे. दौऱ्यानंतर ते छत्रपती संभाजीनगरकडे प्रयाण करतील. कॅप्टन आशिष दामले यांचा नांदेड दौरा परशुराम आर्थिक विक...

१०९८ हेल्पलाईनवर कळवा – जिल्हाधिकारी राहुल गुप्ता हिंगोली| येत्या अक्षय तृतीयेच्या पार्श्वभूमीवर जिल्ह्यात एकही बालविवाह होऊ नये, यासाठी प्रशासन पूर्णपणे सज्ज असून नागरिकांनीही सक्रिय सहकार्य करावे, असे आवाहन जिल्हाधिकारी राहुल गुप्ता यांनी केले आहे. बालविवाहाची माहिती मिळाल्यास १०९८ या निशुल्क हेल्पलाईनवर त्वरित कळवावे, माहिती देणाऱ्याचे नाव गोपनीय ठेवण्यात येईल, असेही त्यांनी स्पष्ट केले. जिल्हाधिकारी कार्यालयात आयोजित आढावा बैठकीत ते बोलत होते. यावेळी महिला व बाल विकास अधिकारी संतोष दरपलवार यांच्यासह विविध विभागांचे अधिकारी उपस्थित होते. अक्षय तृतीयेसारख्या शुभ मुहूर्तावर बालविवाह होण्याची शक्यता लक्षात घेऊन त्यावर नियंत्रण ठेवण्यासाठी आणि विभागांमध्ये समन्वय साधण्यासाठी ही बैठक घेण्यात आली. जिल्हाधिकाऱ्यांनी स्पष्ट केले की, मुलीचे वय १८ वर्षांपेक्षा कमी किंवा मुलाचे वय २१ वर्षां...

नांदेड (प्रतिनिधी) मुलींमध्ये होणाऱ्या गर्भाशयाचा कर्करोग रोखण्यासाठी एक महत्त्वपूर्ण उपक्रम हाती घेण्यात आला आहे. भारतीय जनता पक्ष, लायन्स क्लब, अमरनाथ यात्रेकरू संघ तसेच मनपा यांच्या संयुक्त विद्यमाने १४ ते १५ वर्षे वयोगटातील मुलींसाठी मोफत एचपीव्ही लस देण्याचे शिबिर आयोजित करण्यात आले आहे. हे शिबिर शुक्रवार, दि. १७ एप्रिल रोजी सकाळी ९ ते ११ या वेळेत शिवशक्तीनगर, नांदेड येथे पार पडणार असल्याची माहिती धर्मभूषण ॲड. दिलीप ठाकूर यांनी दिली. या उपक्रमास खासदार अशोकराव चव्हाण, खासदार डॉ. अजित गोपछडे, प्रदेश उपाध्यक्ष संजय कोडगे व चैतन्य देशमुख, माजी पालकमंत्री डी. पी. सावंत, भाजपा जिल्हाध्यक्ष डॉ. संतुकराव हंबर्डे व ॲड. किशोर देशमुख, महापौर कविता मुळे, उपमहापौर दीपकसिंह रावत, सभागृह नेते ॲड. महेश कनकदंडे तसेच लायन्स उपप्रांतपाल योगेश जायस्वाल यांच्या मार्गदर्शनाखाली हे शिबिर होत आहे. महा...

हिमायतनगर|  हिमायतनगर येथे भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त राज्य मराठी पत्रकार परिषद, महाराष्ट्र राज्य यांच्या वतीने भव्य सांस्कृतिक कार्यक्रमांचे आयोजन करण्यात आले आहे. या कार्यक्रमामुळे शहरात उत्साहाचे वातावरण निर्माण झाले असून नागरिकांमध्ये मोठी उत्सुकता पाहायला मिळत आहे. हा कार्यक्रम बुधवार, दि. २९ एप्रिल २०२६ रोजी सायंकाळी ४ वाजता परमेश्वर मंदिराजवळ, बस स्टँड परिसरात पार पडणार आहे. कार्यक्रमाचे दोन सत्रांमध्ये आयोजन करण्यात आले आहे. पहिले सत्र (सायं. ४ वाजता): या सत्राच्या अध्यक्षस्थानी डॉ. नितीन पाटील (समाज व विचार मंच) राहणार असून उद्घाटन माजी आमदार माधवराव कदम कोळीकर यांच्या हस्ते होणार आहे. प्रमुख पाहुणे म्हणून राज्य मराठी पत्रकार परिषदेचे केंद्रीय अध्यक्ष मधुसूदन कुलथे उपस्थित राहणार आहेत. दुसरे सत्र (सायं. ६.३० वाजता): या सत्राचे अध्यक्ष मधुसूदन क...