सामाजिक

हिमायतनगर| तालुक्यातील कारला येथे बेलदार–गवंडी समाजाच्या वतीने आयोजित सामूहिक विवाह मेळावा उत्साहात पार पडला. या मेळाव्यात एकूण ७ जोडपी विवाहबद्ध झाली असून, साधेपणा आणि सामाजिक एकतेचा आदर्श घालून देणारा हा सोहळा ठरला. या प्रसंगी माजी आमदार माधवराव पाटील जवळगावकर यांनी उपस्थितांना मार्गदर्शन करताना, “बदलत्या काळात वाढत्या विवाह खर्चाला फाटा देत बेलदार समाजाने उचललेले हे पाऊल कौतुकास्पद आहे. अशा सामूहिक विवाहाचा आदर्श इतर समाजांनीही घ्यावा,” असे आवाहन केले. गेल्या १६ वर्षांपासून कारला येथे हा उपक्रम सातत्याने राबवला जात असून, शेकडो वधू-वरांचे विवाह या माध्यमातून पार पडले आहेत. विशेष म्हणजे, या सोहळ्यात गावातील सर्व धर्म व जातींच्या नागरिकांनी एकत्र येत एकजुटीचे दर्शन घडवले. यंदाच्या मेळाव्यात रासमवाड, मुढेवाड, ढाणके, आचमवाड, एटलेवाड, यमजलवाड आणि चिंतलवाड या कुटुंबांतील 7 वधू-वरांचे ...

नांदेड| शहरातील विनायक नगर परिसरात मागील अनेक दिवसांपासून वारंवार वीज पुरवठा खंडित होत असून काही वेळा कमी दाबाने वीज येत असल्याने नागरिक त्रस्त झाले आहेत. कमी दाब, जुन्या व धोकादायक वीज खांबांची अवस्था तसेच तारांमधील बिघाड यामुळे परिसरातील दैनंदिन जीवनावर गंभीर परिणाम होत असल्याची तक्रार नागरिकांनी केली आहे. श्री विनायक सहकारी गृहनिर्माण संस्था मर्यादित, विनायक नगर येथील पदाधिकाऱ्यांनी महाराष्ट्र राज्य विद्युत वितरण कंपनीकडे दिलेल्या निवेदनात नमूद केले आहे की, वारंवार वीज खंडित होत असल्यामुळे घरगुती उपकरणांचे नुकसान होण्याची शक्यता वाढली आहे. तसेच विद्यार्थ्यांच्या अभ्यासावर आणि पिण्याच्या पाण्याच्या पुरवठ्यावरही त्याचा परिणाम होत आहे. परिसरात वीजेचा भार वाढल्याने तांत्रिक अडचणी निर्माण होत असून स्वतंत्र डीपी (ट्रान्सफॉर्मर) बसवण्याची गरज असल्याचे नागरिकांनी स्पष्ट केले आहे. अनेक ठिक...

हिमायतनगर, अनिल मादसवार | हिमायतनगर येथे समाजसेवक हाजी अब्दुल वहीद यांच्या पुढाकारातून दरवर्षीप्रमाणे यंदाही (इजतेमाई शादिया) सामूहिक विवाह सोहळ्याचे भव्य आयोजन करण्यात आले होते. रविवारी संपन्न झालेल्या या सोहळ्यात एकूण 31 जोडप्यांचा विवाह आनंदात पार पडला. नांदेडचे रहिवासी व हिमायतनगरचे जावई असलेले हाजी अब्दुल वहीद सेठ हे होंडा कंपनीचे डीलर असून सामाजिक कार्यातही ते अनेक वर्षांपासून सक्रिय आहेत. त्यांच्या तहजीब फाउंडेशनच्या माध्यमातून २००७ पासून सामूहिक विवाह सोहळ्यांचा उपक्रम राबविला जात आहे. आतापर्यंत त्यांच्या प्रयत्नातून तब्बल ५४० जोडप्यांचे विवाह यशस्वीरीत्या पार पडले आहेत. हिमायतनगर येथे नुकत्याच पार पडलेल्या या सोहळ्यात विवाह विधी मौलाना मुफ्ती उबेदुल्लाह यांनी संपन्न करून दिले, तर हाफेज अजीम साब यांनी वधू-वरांसाठी दुआ केली. या प्रसंगी वधू-वरांचे कुटुंबीय, नातेवाईक तसेच शेकडो ...

नांदेड | जवळा देशमुख येथे बालविवाह प्रतिबंधाबाबत प्रभावी जनजागृती करण्यासाठी जिल्हा परिषदेच्या प्राथमिक शाळेतील विद्यार्थ्यांनी पथनाट्य सादर केले. महिला व बाल विकास विभागाच्या सतर्कतेमुळे यंदाच्या अक्षय तृतीया निमित्त नांदेड जिल्ह्यात होऊ घातलेले तब्बल ११ बालविवाह रोखण्यात प्रशासनाला यश आले आहे. तरीदेखील काही ठिकाणी बालविवाहाच्या घटना समोर येत असल्याने जनजागृतीची गरज अधोरेखित झाली आहे. या पार्श्वभूमीवर विद्यार्थ्यांनी पथनाट्याद्वारे बालविवाहाचे दुष्परिणाम आणि त्यावरील कायदेशीर बंदी याबाबत संदेश दिला. या उपक्रमाला शाळेचे मुख्याध्यापक गंगाधर ढवळे, शिक्षिका संगिता बडवणे, शिक्षक उमाकांत बेंबडे व संतोष घटकार यांचे मार्गदर्शन लाभले. बालविवाह प्रतिबंधक अधिनियम, २००६ नुसार मुलाचे किमान विवाहयोग्य वय २१ वर्षे आणि मुलीचे १८ वर्षे निश्चित करण्यात आले आहे. या कायद्याबाबत ग्रामीण स्तरावर जनजागृती कर...

अर्धापूर| भारतरत्न डॉ. बाबासाहेब आंबेडकर हे केवळ एका समाजापुरते मर्यादित नसून सर्व समाजांचे प्रेरणास्थान आहेत, असे प्रतिपादन साहित्यिक डॉ. राम वाघमारे यांनी केले. येथील डॉ. आंबेडकर नगर परिसरात डॉ. बाबासाहेब आंबेडकर यांची 135 वी जयंती उत्साहात साजरी करण्यात आली. यावेळी प्रमुख वक्ते म्हणून डॉ. राम वाघमारे बोलत होते. कार्यक्रमास विविध मान्यवर व नागरिक मोठ्या संख्येने उपस्थित होते. आपल्या भाषणात डॉ. वाघमारे यांनी डॉ. आंबेडकर यांच्या समता, शिक्षण आणि मानवतेच्या विचारांचा वारसा पुढे नेण्याची गरज अधोरेखित केली. भीमजयंती साजरी करताना केवळ एक दिवसापुरता उत्साह न ठेवता तो वर्षभर टिकवण्याचे आवाहन त्यांनी केले. तसेच वाचन संस्कृती वाढवून समाजप्रबोधनासाठी पुढाकार घेण्याचेही त्यांनी सांगितले. कार्यक्रमाची सुरुवात प्रज्ञा बुद्ध विहार येथे पंचशील ध्वजारोहणाने झाली. त्यानंतर गाथा पठनाचा कार्यक्रम पार पडल...

नांदेड/भोकर | भोकर तालुक्यातील जाकापुर येथे भीषण पाणीटंचाईची परिस्थिती निर्माण झाली असून ग्रामस्थांचे दैनंदिन जीवन अक्षरशः विस्कळीत झाले आहे. विहिरी कोरड्या पडल्या असून पाण्याचे सर्व स्रोत आटल्याने नागरिकांना पाण्यासाठी मोठी धडपड करावी लागत आहे. ग्रामस्थांना रात्री उशिरापर्यंत पाण्यासाठी जागरण करावे लागत असून, अनेकांना लांब अंतर पायपीट करून केवळ एक घागर पाणी मिळवावे लागत आहे. महिलांवर व ज्येष्ठ नागरिकांवर याचा सर्वाधिक परिणाम होत असून, दैनंदिन गरजाही भागवणे कठीण झाले आहे. ही परिस्थिती 2026 मध्येही कायम असल्याने प्रशासनाच्या उपाययोजनांवर प्रश्नचिन्ह उपस्थित होत आहे. पिण्याच्या पाण्यासाठी नागरिकांना एवढा संघर्ष करावा लागणे ही गंभीर बाब असल्याची बाब सोशल मीडियाद्वारे प्रशासनाच्या निदर्शनास आणून देण्याचा प्रयत्न श्रीधर जाधव यांनी केला आहे. ग्रामस्थांनी प्रशासनाकडे तात्काळ टँकरद्वारे प...