महाराष्ट्र

जिल्हाधिकारी कार्यालयाने मागविला खुलासा; बिलोली SDO कार्यालय पुन्हा वादाच्या भोवऱ्यात नांदेड, गोविंद मुंडकर| मराठीला अभिजात भाषेचा दर्जा मिळाल्यानंतर तिच्या संवर्धनासाठी शासन विविध उपक्रम राबवत असताना, नांदेड जिल्ह्यातील एका शासकीय कार्यालयानेच मराठी भाषेची उघडपणे विटंबना केल्याचा धक्कादायक प्रकार समोर आला आहे. बिलोली येथील उपविभागीय अधिकारी (SDO) कार्यालयातून एका तक्रारदाराला पाठविण्यात आलेल्या अधिकृत पत्रात "शासकीय" ऐवजी "नासकीय" असा उल्लेख करण्यात आल्याने संतापाची लाट उसळली आहे. या प्रकरणाची गंभीर दखल घेत जिल्हाधिकारी कार्यालयाने संबंधितांकडून खुलासा मागविण्याची प्रक्रिया सुरू केली आहे. विशेष म्हणजे, ही केवळ टंकलेखनाची साधी चूक नसून, अधिकृत पत्रव्यवहारातील निष्काळजीपणा, बेफिकिरी आणि प्रशासनातील ढिसाळपणाचे जिवंत उदाहरण असल्याची टीका होत आहे. संबंधित पत्रात केवळ "शासकीय" शब्दाची मोड...

प्रलंबित प्रश्नांवरून संतापाचा उद्रेक; प्रशासनाच्या आश्वासनानंतर आंदोलन स्थगित हिमायतनगर, अनिल मादसवार| तालुक्यातील प्रलंबित विकासकामे, रखडलेले पांदण रस्ते, महसूल विभागातील दिरंगाई आणि सर्वसामान्य नागरिकांच्या प्रश्नांकडे होत असलेल्या दुर्लक्षाविरोधात राष्ट्रवादी काँग्रेसचे तालुकाध्यक्ष वामनराव पाटील वडगावकर यांनी गुरुवारी तहसील कार्यालयासमोर अर्धनग्न आंदोलन करत महसूल प्रशासनाला धारेवर धरले. तहसील कार्यालयाच्या पायरीवर बसून केलेल्या या आंदोलनामुळे काही काळ परिसरात खळबळ उडाली. प्रशासनाच्या विरोधात जोरदार घोषणाबाजी करत वडगावकर यांनी नागरिकांच्या प्रश्नांबाबत अधिकाऱ्यांच्या उदासीनतेचा निषेध नोंदविला. "निवेदने दिली, अधिकाऱ्यांच्या भेटी घेतल्या, पाठपुरावा केला; मात्र प्रश्न जैसे थेच आहेत. त्यामुळे अखेर आंदोलनाचा मार्ग स्वीकारावा लागला," अशी तीव्र प्रतिक्रिया वडगावकर यांनी यावेळी व्यक्त केली...

नांदेड | नांदेड जिल्ह्यातील तामसा रोडवरील घाट परिसरात मादी बिबट्याचे आपल्या तीन बछड्यांसह दर्शन झाल्याने परिसरात खळबळ उडाली आहे. रस्त्यावरील खड्ड्यात साचलेले पावसाचे पाणी पीत असतानाचे थरारक दृश्य काही वाहनधारकांनी मोबाईल कॅमेऱ्यात कैद केले असून, हा व्हिडिओ सध्या सोशल मीडियावर मोठ्या प्रमाणात व्हायरल होत आहे. मिळालेल्या माहितीनुसार, लहान-लोन गावाजवळ रात्रीच्या सुमारास वाहनधारकांना अचानक रस्त्यावर मादी बिबट्या व तिचे तीन बछडे दिसून आले. रस्त्याच्या मधोमध थांबून खड्ड्यात साचलेले पाणी पित असलेल्या बिबट्यांचे दृश्य पाहून काही काळ वाहनधारकांमध्ये भीतीचे वातावरण निर्माण झाले. मात्र, काहींनी प्रसंगावधान राखत सुरक्षित अंतरावरून या घटनेचे चित्रीकरण केले. दरम्यान, या परिसरात बिबट्याचा वावर असल्याच्या चर्चा यापूर्वीपासून होत असतानाच, या नव्या दर्शनामुळे त्या चर्चांना अधिक बळ मिळाले आहे. ...

जिल्हाधिकाऱ्यांना पत्र देत निर्णय फेरविचाराची मागणी; नागरिक, व्यापारी व शेतकऱ्यांच्या भावना व्यक्त उपजिल्हाधिकारी कार्यालयाच्या प्रस्तावावरून नवा वाद हिमायतनगर, अनिल मादसवार| प्रस्तावित अपर जिल्हाधिकारी (उपजिल्हाधिकारी) कार्यालय किनवट येथे स्थापन करताना हदगाव व हिमायतनगर तालुके किनवटला जोडण्याच्या निर्णयास खासदार नागेश पाटील आष्टीकर यांनी तीव्र विरोध दर्शविला आहे. यासंदर्भात त्यांनी नांदेड जिल्हाधिकाऱ्यांना पत्र देऊन निर्णयाचा फेरविचार करण्याची मागणी केली आहे. खासदार आष्टीकर यांनी पत्रात नमूद केले आहे की, महाराष्ट्र शासनाने नवीन अपर जिल्हाधिकारी कार्यालयांना मंजुरी दिल्याबद्दल स्वागत असले तरी हदगाव व हिमायतनगर तालुके किनवटला जोडणे सर्वसामान्य जनतेसाठी गैरसोयीचे व अडचणीचे ठरणार आहे. याबाबत नागरिक, व्यापारी संघटना तसेच विविध घटकांकडून तक्रारी प्राप्त झाल्याचेही त्यांनी म्हटले आहे. पत्रान...

प्रलंबित 5 टक्के निधीसह विविध मागण्यांसाठी महापालिकेत धडक आंदोलन नांदेड | महापालिका हद्दीतील दिव्यांग लाभार्थ्यांच्या प्रलंबित 5 टक्के राखीव निधीसह विविध मागण्यांसाठी सकल दिव्यांग संघटनेच्या वतीने सोमवारी नांदेड-वाघाळा महानगरपालिकेत जोरदार आंदोलन छेडण्यात आले. शेकडो दिव्यांग बांधवांनी थेट महापालिका आयुक्तांच्या दालनासमोर ठिय्या आंदोलन करत प्रशासनाला जाब विचारला. अचानक उभारलेल्या या आंदोलनामुळे महापालिका प्रशासनात काही काळ खळबळ उडाली. सकाळी 11 वाजल्यापासून सुरू झालेल्या आंदोलनात दिव्यांगांच्या खात्यात प्रलंबित निधी जमा करणे, दिव्यांग विभागासाठी स्वतंत्र व सुसज्ज कार्यालय उपलब्ध करून देणे, कर्मचारी संख्या वाढविणे, स्वयंरोजगारासाठी गाळे व जागा उपलब्ध करून देणे, घरकुल, पार्किंग ठेके तसेच शासकीय अनुशेष भरणे अशा विविध मागण्यांवर प्रशासनाशी सविस्तर चर्चा करण्यात आली. आंदोलनाची तीव्रता लक्ष...

हिमायतनगर, अनिल मादसवार| नांदेड जिल्ह्यातील दुर्गम भागाच्या प्रशासकीय सोयीसाठी किनवट येथे अप्पर जिल्हाधिकारी कार्यालय आणि इस्लापूर येथे अप्पर तहसील कार्यालय स्थापन करण्याच्या हालचालींना वेग आला असला, तरी हिमायतनगर तालुक्याच्या दृष्टीने हा प्रस्ताव कितपत लाभदायक ठरणार, यावरून चर्चा रंगू लागली आहे. विशेषतः हिमायतनगर तालुका व शहरातील नागरिकांसाठी नांदेड हे प्रशासकीयदृष्ट्या अधिक सोयीस्कर असल्याचे मत व्यक्त होत असून, या प्रस्तावावर मोठ्या प्रमाणात हरकती दाखल करण्याचे आवाहन जेष्ठ पत्रकार असद मौलाना यांनी सोशल मीडियाच्या माध्यमातून केले आहे. प्रशासनाने किनवट येथे नव्याने प्रस्तावित अप्पर जिल्हाधिकारी कार्यालयाच्या कार्यक्षेत्रात हिमायतनगर, हदगाव, माहूर, भोकर यांसह इतर तालुक्यांचा समावेश करण्याचा प्राथमिक प्रस्ताव जाहीर केला आहे. यावर हरकती व सूचना नोंदविण्यासाठी नागरिकांना १५ दिवसांची मुदत देण...