क्राइम

मोर चौक ते छत्रपती चौक मार्ग अतिक्रमणमुक्त नांदेड | नांदेड शहरातील वाढत्या अतिक्रमणांवर नियंत्रण मिळवण्यासाठी महानगरपालिकेने विशेष मोहिम हाती घेतली असून त्याअंतर्गत मंगळवार, दिनांक 28 एप्रिल 2026 रोजी मोर चौक ते छत्रपती चौक या महत्त्वाच्या मार्गावर संयुक्त कारवाई करण्यात आली. महानगरपालिकेच्या अतिक्रमण निर्मूलन पथकाने पोलीस विभागाच्या मदतीने रस्त्याच्या दुतर्फा झालेली अतिक्रमणे हटवून मार्ग मोकळा केला. उत्तर नांदेड भागासाठी पर्यायी रस्ता म्हणून ओळखल्या जाणाऱ्या या मार्गावर मोठ्या प्रमाणात अतिक्रमण झाल्याने वाहतुकीस अडथळा निर्माण होत होता. या कारवाईमुळे रस्त्यावरची वाहतूक सुरळीत होण्यास मदत होणार असून नागरिकांनीही अतिक्रमण न करण्याचे आवाहन प्रशासनाने केले आहे. तसेच शहरातील इतर भागांतही अशीच धडक मोहीम सुरू राहणार असल्याचे संकेत देण्यात आले आहेत. प्रशासनाच्या या कारवाईमुळे काही ठिकाणी तणाव...

नांदेड| जिल्ह्यात कायदा व सुव्यवस्था अबाधित राखण्यासाठी 27 एप्रिल 2026 रोजी सकाळी 6 वाजल्यापासून ते 11 मे 2026 च्या मध्यरात्रीपर्यंत जमावबंदी व शस्त्रबंदी आदेश लागू करण्यात आले आहेत. ही माहिती अपर जिल्हादंडाधिकारी कार्यालयाने दिली आहे. महाराष्ट्र पोलीस अधिनियम 1951 च्या कलम 37 (1) व (3) अन्वये हा आदेश लागू करण्यात आला असून, पाच किंवा पाचपेक्षा अधिक व्यक्तींनी सार्वजनिक ठिकाणी किंवा त्याच्या परिसरात एकत्र येण्यास बंदी घालण्यात आली आहे. तसेच कोणत्याही प्रकारची शस्त्रे बाळगण्यास मनाई करण्यात आली आहे. तथापि, ड्युटीवरील पोलीस अधिकारी, शासकीय कर्मचारी, विवाह सोहळे, अंत्ययात्रा, धार्मिक कार्यक्रम तसेच सक्षम अधिकाऱ्यांची पूर्वपरवानगी घेतलेल्या मिरवणुका व मोर्चांना या आदेशातून सूट देण्यात आली आहे. सभांचे आयोजन, मिरवणुका काढणे किंवा ध्वनीक्षेपक वापरण्यासाठी संबंधित पोलीस ठाण्याचे प्रभारी अधिकारी ...

नांदेड (प्रतिनिधी) कौटुंबिक वादातून संतप्त झालेल्या सासरच्यांनी जावयाची निर्घृण हत्या केल्याची धक्कादायक घटना बळीरामपूर (ता. नांदेड) येथे उघडकीस आली आहे. या प्रकरणामुळे परिसरात खळबळ उडाली असून, पोलिसांनी तत्काळ कारवाई करत सासू आणि दोन मेहुण्यांना ताब्यात घेतले आहे. मृतक विजय साहेबराव शिंदे (वय ३०, रा. तेलंगणा) याचा काही दिवसांपूर्वी बळीरामपूर येथील युवतीसोबत विवाह झाला होता. सुरुवातीला संसार सुरळीत सुरू असला, तरी विजय शिंदे याचे दारूचे व्यसन आणि पत्नीवर होणारी मारहाण यामुळे घरात सतत वाद होत होते. याच कारणावरून काही दिवसांपूर्वी सासरच्यांसोबत त्याचा वाद झाला होता. शनिवारी संध्याकाळी पुन्हा तो सासरवाडीत आला असता वाद चिघळला. यानंतर सासू आणि दोन मेहुण्यांनी संतापाच्या भरात त्याला गावाबाहेरील धनेगाव शिवारात नेले. तेथे आधी त्याला दारू पाजण्यात आली आणि त्यानंतर धारदार शस्त्राने वार करून त्याची ...