क्राइम

किनवट/इस्लापूर (प्रतिनिधी) नांदेड जिल्ह्यातील किनवट तालुक्यातील इस्लापूर येथील श्री फुलाजी बाबा आश्रम शाळा येथे शिकणाऱ्या सातवीच्या विद्यार्थ्याचा विहिरीत बुडून मृत्यू झाल्याची हृदयद्रावक घटना गुरुवारी सायंकाळी घडली. या घटनेमुळे परिसरात शोककळा पसरली असून शाळा प्रशासनाच्या निष्काळजीपणावर नागरिकांनी संताप व्यक्त केला आहे. मृत विद्यार्थ्याचे नाव सुरेश अंकुश वाळके (वय १४, रा. सावरी) असे असून तो संबंधित आश्रम शाळेत सातवी इयत्तेत शिक्षण घेत होता. मिळालेल्या माहितीनुसार, वाढत्या तापमानामुळे शाळा सकाळच्या सत्रात घेऊन दुपारी सुट्टी देण्यात आली होती. शाळा सुटल्यानंतर काही विद्यार्थी कैऱ्या खाण्यासाठी जवळील शेतात गेले. यावेळी काही मुलांनी शेतातील विहिरीत पोहण्यासाठी प्रवेश केला. सुरेशला पोहता येत नसतानाही तो पाण्यात उतरला; मात्र पाण्याचा अंदाज न आल्याने तो बुडाला. सोबतच्या विद्यार्थ्यांनी त्याला वा...

कृषी विभाग व पोलीस प्रशासनाची संयुक्त धडक कारवाई यवतमाळ| जिल्ह्यात अवैध बियाणे विक्री व वाहतुकीविरोधात कृषी विभाग आणि पोलीस प्रशासनाने मोठी कारवाई करत प्रतिबंधित एचटीबीटी (प्लॅटिनम 5G) कापूस बियाण्यांचा साठा जप्त केला आहे. या कारवाईत सुमारे २० लाख ४०० रुपयांचा मुद्देमाल जप्त करण्यात आला. दिनांक १२ एप्रिल २०२६ रोजी यवतमाळ स्थानिक गुन्हे शाखेला मिळालेल्या गोपनीय माहितीनुसार, ‘किया सोनेट’ (GJ-09-5486) तसेच अन्य एका चारचाकी वाहनातून प्रतिबंधित बियाण्यांची तस्करी होणार असल्याची माहिती मिळाली होती. या आधारे कृषी विभाग आणि पोलिसांनी संयुक्तरीत्या सापळा रचून संबंधित वाहने अडवली. सदर वाहणाची झडती घेतली असता पथकाला मोठ्या प्रमाणात अवैध बियाणे सापडले. त्यामध्ये: ‘प्लॅटिनम 5G’ कापूस बियाण्यांची ४०० पाकिटे (८ पोते) बियाण्यांची किंमत: ₹३.६० लाख, २ चारचाकी वाहने व ३ मोबाईल फोन इतर साहित्यांसह एकूण...

११ जणांविरुद्ध गुन्हा, २.७८ लाखांचा मुद्देमाल जप्त नांदेड| नांदेड ग्रामीण पोलिसांनी कॉम्बिंग ऑपरेशनदरम्यान जुगार अड्ड्यावर छापा टाकत ११ जणांविरुद्ध कारवाई केली असून, एकूण २ लाख ७८ हजार ८०० रुपयांचा मुद्देमाल जप्त करण्यात आला आहे. ही कारवाई १४ एप्रिल रोजी पहाटे माळटेकडी रोड परिसरातील मोकळ्या जागेत करण्यात आली. या प्रकरणी नांदेड ग्रामीण पोलीस ठाण्यात गु.र.नं. 399/2026 अन्वये महाराष्ट्र जुगार कायद्याच्या कलम 12 (अ) अंतर्गत गुन्हा दाखल करण्यात आला आहे. मिळालेल्या गोपनीय माहितीच्या आधारे पोलीस निरीक्षक ओमकांत चिचोलकर यांच्या मार्गदर्शनाखाली पथकाने छापा टाकला. छाप्यादरम्यान काही आरोपी घटनास्थळावरून पसार झाले, तर काहींना ताब्यात घेण्यात आले. शेख अहमद शेख मिहीख, मोहम्मद नावीद मोहम्मद रफिक, सय्यद अथर, सय्यद अर्शद, फिरोज खान, अजहर खान व इतर (सर्व रा. नांदेड)   रोख रक्कम व जुगार साहित्य (पत्...

हिमायतनगर (अनिल मादसवार) तालुक्यातील धानोरा ज. शिवारात पैनगंगा नदी परिसरात अज्ञात चोरट्यांनी पुन्हा एकदा शेतकऱ्यांना लक्ष्य करत मोठा डल्ला मारला आहे. दिनांक ११ एप्रिलच्या रात्री २५ ते ३० शेतकऱ्यांच्या विद्युत मोटारींच्या कनेक्शन केबलची चोरी करण्यात आली असून, या प्रकारात सुमारे तीन लाख रुपयांचे नुकसान झाले आहे. विशेष म्हणजे, तालुक्यातील ही सलग चौथी घटना असून, अद्याप एकाही प्रकरणाचा छडा लावण्यात पोलिसांना यश आले नाही. नदी व शेतीमधील अंतर मोठे असल्याने शेतकऱ्यांनी पाईपलाईनद्वारे पाणीपुरवठा करत मोटारींना ऑटोमॅटिक स्टार्टर बसवले आहेत. शेतकरी दररोज मोटारीकडे जात नसल्याचा फायदा चोरट्यांनी घेतल्याचे स्पष्ट होत आहे. दरम्यान, श्रीक्षेत्र बोरगडी येथील माजी सरपंच देवन्ना शेन्नेवाड यांचे पुत्र ज्ञानेश्वर शेन्नेवाड यांना रात्री सुमारे ११.१५ वाजता शेतात पाणी आले नसल्याने संशय आला. ते मोटारीकडे गेले...

12 जणांवर गुन्हा; 2.34 लाखांचा मुद्देमाल जप्त कुंडलवाडी| कुंडलवाडी पोलीसांनी अवैध जुगार अड्ड्यावर धाड टाकत 12 जणांविरुद्ध गुन्हा दाखल करून एकूण 2,34,400 रुपयांचा मुद्देमाल जप्त केला आहे. ही कारवाई 12 एप्रिल रोजी सायंकाळी पिंपळगाव (कु) शिवारातील दगडे यांच्या शेताजवळ करण्यात आली. पोलीसांकडून मिळालेल्या माहितीनुसार, गोपनीय माहितीच्या आधारे काही इसम ‘तिर्रट’ नावाचा जुगार खेळत असल्याचे समोर आले. त्यानुसार कुंडलवाडी पोलीसांच्या पथकाने तात्काळ छापा टाकला. या कारवाईत काही आरोपींना ताब्यात घेण्यात आले असून त्यांच्या ताब्यातून 24,400 रुपये रोख रक्कम, 52 पत्ते, 4 मोटारसायकली आणि जुगाराचे साहित्य असा एकूण 2,34,400 रुपयांचा मुद्देमाल जप्त करण्यात आला. या प्रकरणी गु.र.नं. 43/2026 अन्वये महाराष्ट्र जुगार कायद्याच्या कलम 12(अ) अंतर्गत 12 जणांविरुद्ध गुन्हा नोंद करण्यात आला आहे. या कारवाईचा तपास पोना/22...

नकली जर्दा प्रकरणाचा पर्दाफाश; जुगार अड्ड्यावर छापा, 7.37 लाखांचा मुद्देमाल जप्त नांदेड| नांदेड परिक्षेत्रातील अवैध व्यवसायांना आळा घालण्यासाठी पोलीस उपमहानिरीक्षक शहाजी उमाप यांच्या आदेशानुसार विशेष पथकाने जिल्ह्यात धडक कारवाया करत अर्धापुर येथे नकली जर्दा बनविणाऱ्या इसमाचा पर्दाफाश केला, तर देगलूर येथे जुगार अड्ड्यावर छापा टाकत मोठा मुद्देमाल जप्त केला आहे. अर्धापुर पोलीस ठाण्याच्या हद्दीत इंदिरानगर परिसरात सय्यद जाकीर ऊर्फ बाबा गुलाम दस्तगीर (वय 40) हा नकली सुगंधित जर्दा तयार करत असल्याची माहिती पथकाला मिळाली होती. त्यानुसार त्याच्या घरावर छापा टाकण्यात आला. या वेळी सुगंधित जर्दा, जर्दा तयार करण्याची मशीन, ग्लिसरीन व पॅराफिन असा एकूण 3,44,450 रुपयांचा मुद्देमाल जप्त करण्यात आला. आरोपी कमी प्रतीच्या जर्द्यात रासायनिक पदार्थ मिसळून नामांकित कंपनीच्या नावाने पॅकिंग करून विक्री करत असल्या...

नवीन नांदेड | डॉ. बाबासाहेब आंबेडकर जयंती उत्साहात पण शांततेत साजरी करत पोलीस प्रशासनास सहकार्य करावे, असे आवाहन नांदेड ग्रामीण पोलीस निरीक्षक ओमकांत चिंचोलकर यांनी केले. ग्रामीण पोलीस ठाण्यात आयोजित शांतता समिती बैठकीत ते बोलत होते. यावेळी उपविभागीय पोलीस अधिकारी प्रशांत शिंदे, अग्निशमन दलाचे अधिकारी, परिवहन विभाग, महापालिका, महावितरणचे अधिकारी तसेच जयंती मंडळांचे पदाधिकारी मोठ्या संख्येने उपस्थित होते. जयंतीनिमित्त कोणताही अनुचित प्रकार घडू नये यासाठी सर्वांनी दक्ष राहावे, असेही त्यांनी सांगितले. डीजे मुक्त जयंतीचा संदेश जयंती साजरी करताना डीजे टाळून पारंपरिक पद्धतीने कार्यक्रम घेण्यावर भर द्यावा, असेही चिंचोलकर यांनी स्पष्ट केले. “शिका, संघटित व्हा आणि संघर्ष करा” हा संदेश लक्षात ठेवत समाजाने एकत्र येण्याचे आवाहन त्यांनी केले. प्रशासनाची समन्वय बैठक 10 एप्रिल रोजी झालेल्या या...

नांदेड | नांदेड जिल्ह्यात अवैध व्यवसायांवर आळा घालण्यासाठी पोलिसांनी ‘ऑपरेशन फ्लश आऊट’ अंतर्गत मोठी धडक कारवाई करत विविध ठिकाणी ‘मास रेड’ राबवली. या कारवाईत अवैध दारू, हातभट्टी, जुगार आणि गुटखा व्यवसायावर कारवाई करत 2 लाख 32 हजार 662 रुपयांचा मुद्देमाल जप्त करण्यात आला. पोलीस अधीक्षक अविनाश कुमार यांच्या मार्गदर्शनाखाली 11 एप्रिल रोजी ही विशेष मोहीम राबविण्यात आली. यामध्ये अपर पोलीस अधीक्षक अर्चना पाटील, अपर पोलीस अधीक्षक सुरज गुरव, स्थानिक गुन्हे शाखा व जिल्ह्यातील सर्व पोलीस ठाण्यांचे अधिकारी-अंमलदार सहभागी झाले होते. 60 गुन्हे दाखल, 65 आरोपींवर कारवाई मास रेड दरम्यान विविध ठिकाणी छापे टाकून एकूण 60 गुन्हे दाखल करण्यात आले असून 65 आरोपींवर कारवाई करण्यात आली आहे. अवैध धंद्यांचे समूळ उच्चाटन करण्यासाठी ही कारवाई करण्यात आल्याचे पोलिसांनी स्पष्ट केले. पोलीस प्रशासनाने संकेत ...

नांदेड | नांदेड ग्रामीण पोलीसांनी गस्तीदरम्यान अवैध तलवार बाळगून फिरणाऱ्या एका युवकावर कारवाई करत त्याला ताब्यात घेतले. आरोपीकडून सुमारे 1 हजार रुपयांची लोखंडी तलवार जप्त करण्यात आली आहे. पोलीस ठाणे नांदेड ग्रामीण येथे गुन्हा क्रमांक 387/2026 अंतर्गत शस्त्र अधिनियम कलम 4/25 प्रमाणे गुन्हा दाखल करण्यात आला आहे. शेख मुखीद शेख हबीब (वय 27, रा. वाजेगाव) असे अटक करण्यात आलेल्या आरोपीचे नाव आहे. गुप्त माहितीवरून छापा दि. 11 एप्रिल रोजी सायंकाळी वाजेगाव येथील गोदावरी नदीवरील छोट्या पुलाजवळ एक इसम तलवार घेऊन फिरत असल्याची गोपनीय माहिती पोलिसांना मिळाली. त्यानुसार पोलिसांनी तत्काळ घटनास्थळी धाव घेत छापा टाकला असता संबंधित आरोपी संशयास्पद अवस्थेत आढळून आला. तलवार जप्त; गुन्हा दाखल पंचासमक्ष आरोपीची झडती घेतली असता त्याच्याकडून एक लोखंडी तलवार जप्त करण्यात आली. त्यानंतर आरोपीविरुद्ध शस्त्र अ...