धर्म अध्यात्म

नांदेड | ‘शिवा’ अखिल भारतीय वीरशैव युवक संघटनेच्या वतीने क्रांतीसूर्य जगतज्योती महात्मा बसवेश्वर यांची जयंती उत्साहात साजरी करण्यात आली. यानिमित्त शहरातून काढण्यात आलेली भव्य मिरवणूक हे कार्यक्रमाचे प्रमुख आकर्षण ठरले. मिरवणुकीनंतर झालेल्या जाहीर सभेत महात्मा बसवेश्वर यांच्या विचारांचे सखोल मंथन करण्यात आले. यंदा ‘शिवा’ संघटनेच्या वतीने जयंतीचे २५ वे वर्ष साजरे करण्यात आले. सायंकाळी ५ वाजता छत्रपती शिवाजी महाराजांच्या अश्वारूढ पुतळ्यापासून मिरवणुकीला प्रारंभ झाला. या मिरवणुकीत विविध मान्यवरांसह मोठ्या संख्येने समाजबांधव सहभागी झाले होते. मिरवणुकीची सांगता महात्मा बसवेश्वर यांच्या पुतळ्यासमोर जाहीर सभेत करण्यात आली. या सभेच्या अध्यक्षस्थानी ‘शिवा’चे संस्थापक राष्ट्रीय अध्यक्ष प्रा. मनोहर धोंडे होते. उद्घाटक म्हणून राज्यसभा खासदार डॉ. अजित गोपछडे, आमदार राजेश पवार, माजी आमदार अमरनाथ राजूरक...

हिमायतनगर (उत्कर्ष मादसवार) वाढोणा शहरात विश्व हिंदू परिषद व बजरंग दल शाखेच्या पुढाकारातून श्री राम नवमी व हनुमान जन्मोत्सवाचे औचित्य साधून शनिवार दिनांक 18 रोजी काढण्यात आलेल्या भव्य शोभायात्रेने नागरिकांचे लक्ष वेधून घेतले. डोळे दिपवून टाकणाऱ्या फटाक्यांची आकर्षक आतषबाजी, ढोल-ताशांचा गजर आणि रिद्धम लाईव्ह संगीताच्या जल्लोषात संपूर्ण वातावरण भक्तिमय झाले होते. या शोभायात्रेत गोमाता, मर्यादा पुरुषोत्तम प्रभू श्रीराम, छत्रपती शिवाजी महाराज व संकटमोचन हनुमान यांच्या सुंदर मूर्तींच्या झांक्यांनी उपस्थितांचे मन जिंकले. या पद्धतीने शोभायात्रेत शहरासह विविध भागातून सहभागी झालेल्या युवकांनी नृत्य करत उत्साह व्यक्त केला, तर “जय श्रीराम” जय हनुमान च्या घोषणांनी परिसर दुमदुमून गेला. शोभायात्रेचा समारोप लकडोबा चौक येथे करण्यात आला. यावेळी मोठ्या संख्येने उपस्थित भाविकांनी एकत्र येत हन...

नांदेड | तालुक्यातील खुरगाव (नांदुसा परिसर) येथील श्रामणेर प्रशिक्षण केंद्रात रविवार, १९ एप्रिल रोजी महात्मा ज्योतिराव फुले आणि डॉ. बाबासाहेब आंबेडकर यांच्या संयुक्त जयंतीनिमित्त विविध कार्यक्रमांचे आयोजन करण्यात आले आहे. सकाळी ९.३० ते सायंकाळी ५ वाजेपर्यंत हा सोहळा पार पडणार असून निर्वाणपदस्थ भदंत जीनरत्न महाथेरो यांच्या स्मृतिप्रीत्यर्थही कार्यक्रम आयोजित करण्यात आले आहेत. याबाबत माहिती देताना श्रामणेर प्रशिक्षण केंद्राचे संचालक तथा अखिल भारतीय भिक्खू संघाचे जिल्हाध्यक्ष धम्मगुरू संघनायक भदंत पंय्याबोधी थेरो यांनी सांगितले की, या प्रसंगी विपश्यनाचार्य भदंत पंय्यारत्न थेरो यांची धम्मदेसना होणार आहे. तसेच थायलंड धम्म सहलीवरून परतलेल्या बौद्ध उपासक-उपासिकांचा भव्य सत्कारही करण्यात येणार आहे. कार्यक्रमात परित्राण पाठ, बोधीपूजा, त्रिरत्न वंदना, आनापान ध्यान, धम्मदेसना, बुद्ध-भीम गीतांचा कार...

हिमायतनगर, उत्कर्ष मादसवार| वाढोणा ( हिमायतनगर, जि. नांदेड) येथे श्री राम नवमी व श्री हनुमान जन्मोत्सव निमित्त शनिवारी भव्य शोभायात्रेचे आयोजन करण्यात आले आहे. या कार्यक्रमात जास्तीत जास्त युवकांनी सहभागी होऊन शोभा वाढवावी असे आवाहन आयोजकांनी केले आहे. ही शोभायात्रा शनिवार, दि. १८ एप्रिल २०२६ रोजी दुपारी ३ वाजता बाजार चौकातील श्री दक्षिणमुखी हनुमान मंदिर परिसरातून प्रारंभ होणार आहे. या मिरवणुकीचे उद्घाटन सर्व साधू-संत व माय-माऊलीच्या हस्ते करण्यात येणार आहे. या शोभायात्रेत भजन व विविध धार्मिक सादरीकरणे हे प्रमुख आकर्षण असणार आहेत. विशेषतः प्रभु श्रीराम लल्ला, बाहुबली हनुमान, छत्रपती शिवाजी महाराज तसेच गौमाता राष्ट्रमाता यांच्या झांक्यांमुळे मिरवणूक अधिक आकर्षक ठरणार आहे. तसेच भजन सम्राट विकास भैय्या परदेशी (श्री बागेश्वर धाम सत्संग भजन मंडळ, नांदेड) यांचे भजन सादरीकरण आणि रिध्दम लाईव्ह ...

हिमायतनगर (प्रतिनिधी) भारतीय राज्यघटनेचे शिल्पकार डॉ. बाबासाहेब आंबेडकर यांच्या १३५ व्या जयंतीनिमित्त हिमायतनगर शहरासह तालुक्यात विविध ठिकाणी मोठ्या उत्साहात कार्यक्रम आयोजित करण्यात आले. शासकीय कार्यालये, जिल्हा परिषद शाळा, विविध संस्था, नगरपंचायत, ग्रामपंचायत कार्यालये तसेच बौद्ध विहारांमध्ये डॉ. आंबेडकर यांच्या प्रतिमेला पुष्पहार अर्पण करून विनम्र अभिवादन करण्यात आले. हिमायतनगर नगरपंचायत कार्यालयात नगराध्यक्ष शेख रफिकभाई व नगरसेवकांनी डॉ. आंबेडकर यांच्या प्रतिमेला पुष्पहार अर्पण करून अभिवादन केले. पंचायत समिती कार्यालयात गटविकास अधिकारी नारवटकर, पांचाळ, स्वप्निल भद्रे, भौरे, भिसे आदींनी अभिवादन केले. तसेच तहसील कार्यालयासह शहरातील विविध शासकीय कार्यालयांतही जयंती साजरी करण्यात आली. दरम्यान, हिमायतनगर तालुक्यातील कारला येथील तक्षशिला बौद्ध विहारातही जयंतीनिमित्त विशेष कार्यक्रम...

हिमायतनगर, अनिल मादसवार| शहरासह तालुकाभरात भारतरत्न डॉ. बाबासाहेब आंबेडकर यांची जयंती मोठ्या उत्साहात साजरी करण्यात आली. सकाळी पंचशील ध्वजारोहण करून तथागत गौतम बुद्ध व डॉ. आंबेडकर यांच्या पुतळ्यांची भव्य शोभायात्रा काढत अभिवादन करण्यात आले. शहरातील विविध चौकांमध्ये मान्यवरांनी भीमसैनिकांना शुभेच्छा देत डॉ. आंबेडकर यांच्या प्रतिमेला पुष्पहार अर्पण केले. महिला-पुरुष, युवक-युवती तसेच विद्यार्थ्यांनी मोठ्या संख्येने सहभाग घेतला होता. जयंतीनिमित्त शहर व ग्रामीण भागात विविध कार्यक्रमांचे आयोजन करण्यात आले. हिमायतनगर शहरात सकाळी ११ वाजता पंचशील ध्वजारोहणानंतर नालंदा बौद्ध विहारात सामुदायिक पंचशील व त्रिशरण ग्रहण करण्यात आले. त्यानंतर शहरातील मुख्य मार्गांवरून तथागत गौतम बुद्ध व डॉ. बाबासाहेबांच्या मूर्तींची शोभायात्रा काढण्यात आली. या शोभायात्रेदरम्यान शालेय विद्यार्थी व युवकांनी...

कंधार( सचिन मोरे) मानवी जीवनामध्ये आई- वडील म्हणजेच ईश्वराचे दुसरे रूप होय. अनादी काळापासून अनेक महापुरुषांनी आपल्या आई-वडिलांची सेवा करत जिवंतपणी मोक्ष मिळवले. त्यांचाच आदर्श घेत या काळामध्ये देखील मानवांनी आईवडिलांची श्रद्धा पूर्वक सेवा करावी. त्यांची सेवा केली तर कुठल्याही देवांचे दर्शन घेण्याची आवश्यकता नाही. म्हणूनच आई-वडिलांची सेवा हीच खरी ईश्वर सेवा होय. असे परखड मत ह.भ.प बाळू महाराज गिरगावकर यांनी बारुळ येथील येथे केले. कंधार पासून जवळच असलेल्या बारूळ येथे संत श्री नामदेव महाराज मठ संस्थान बारूळ व गावकऱ्यांच्या वतीने अखंड हरिनाम सप्ताह, कलशारोहण व भागवत कथा महा यज्ञाचा समारोप ह.भ.प बाळू महाराज गिरगावकर यांच्या काल्याच्या कीर्तनाने झाला. याप्रसंगी पुढे बोलताना महाराज म्हणाले की,चांगले ते पहा. नालायकांचे प्रदर्शन हे अलीकडे फारच वाढले असून खरे संत चमत्कार दाखवत नसून साक्षात्कार दाख...

तुळजापूर | आई तुळजाभवानी देवीच्या महिम्याचे दर्शन घडवणारे ‘जय जगदंब’ हे आकर्षक कॉफीटेबल पुस्तक तुळजापूर येथे दिमाखात प्रकाशित करण्यात आले. या प्रकाशन सोहळ्यात माजी मुख्यमंत्री तथा खासदार अशोक चव्हाण (Ashok Chavan) यांनी पुस्तकाचे कौतुक करत ते भाविकांसह इतिहास संशोधकांसाठी अत्यंत उपयुक्त ठरेल, असे मत व्यक्त केले. लेखक श्रीकांत दीक्षित (Shrikrishna Dixit) यांनी या पुस्तकातून आदिमाता जगदंबेचा गौरवशाली इतिहास, परंपरा आणि वैभव सोप्या व प्रभावी भाषेत मांडले आहे. त्यामुळे हे पुस्तक प्रत्येक देवीभक्ताने संग्रही ठेवण्यासारखे असल्याचे चव्हाण यांनी नमूद केले. या सोहळ्याचे अध्यक्षस्थान राणा जगजीतसिंह पाटील यांनी भूषवले. यावेळी सतीश चव्हाण , अमिताताई चव्हाण , जितेश अंतापूरकर , श्रीजया चव्हाण , डी . पि . सावंत यांच्यासह अनेक मान्यवर उपस्थित होते. पुस्तकात तुळजाभवानी देवीची सविस्तर आराधना, दुर्मिळ ...

माहूर (प्रतिनिधी) दत्तशिखराचे अधिष्ठाता आणि माहूरगड दत्त संस्थानाचे पूज्य महंत मधुसूदन भारती महाराज यांच्या निधनाने संपूर्ण परिसरात शोककळा पसरली आहे. त्यांच्या पार्थिवावर अंत्यसंस्कारासाठी हजारो भाविकांनी उपस्थित राहून अश्रूंच्या साक्षीने अखेरचा निरोप दिला. गेल्या चार दशकांपासून दत्तशिखराच्या गादीवर विराजमान असलेल्या महाराजांनी अध्यात्म, सेवा आणि परंपरेचा अखंड दीप प्रज्वलित ठेवला. साधी जीवनशैली, निस्वार्थ भाव आणि भक्तांप्रती असलेली आपुलकी यामुळे ते सर्वसामान्यांच्या मनात विशेष स्थान निर्माण करू शकले. महाराजांच्या निधनाची बातमी समजताच माहूरगड परिसरात भाविकांची मोठी गर्दी उसळली. राज्याच्या विविध भागांतून आलेल्या भक्तांनी अंतिम दर्शन घेत श्रद्धांजली अर्पण केली. मंदिर परिसरात दिवसभर भजन, कीर्तन आणि धार्मिक विधींचा सुरेल माहोल निर्माण झाला होता. परंपरेनुसार धार्मिक विधी पार पाडत महाराज...