महाराष्ट्र

खासदार अजित गोपछडे, आमदार जितेश अंतापूरकर यांच्या पाठपुराव्याला यश; शहापूरकरांची गैरसोय दूर होणार देगलूर, गंगाधर मठवाले | देगलूर तालुक्यातील महत्त्वाची उपबाजारपेठ म्हणून ओळख असलेल्या शहापूर गावाला नांदेड जिल्ह्याच्या ठिकाणी जाण्या-येण्यासाठी थेट बससेवा उपलब्ध नसल्याने नागरिक, विद्यार्थी, व्यापारी व परिसरातील ग्रामस्थांना मोठ्या गैरसोयीचा सामना करावा लागत होता. ही समस्या खासदार डॉ. अजित गोपछडे व आमदार जितेश अंतापूरकर यांच्या निदर्शनास आणून दिल्यानंतर देगलूर आगाराच्या वतीने नांदेड–नरसी–आदमपूर–खतगाव–हिप्परगा–शेवाळा–आलूर मार्गे शहापूर येथे मुक्कामी बससेवा सुरू करण्यात आली आहे. या बससेवेचा प्रारंभ आमदार जितेश अंतापूरकर यांच्या हस्ते करण्यात आला. यावेळी त्यांनी बसला हिरवी झेंडी दाखवून सेवेला सुरुवात केली. तसेच बसचे चालक व वाहक यांचा यथोचित सत्कार करण्यात आला. शहापूर व परिसरातील जवळपास १...

नांदेडमध्ये तृतीयपंथीयांसाठी तीन एकर जागा; खासदार निधीतून ३० लाखांची तरतूद — सप्तरंग सांस्कृतिक महोत्सवात चर्चासत्र व जनजागृती नांदेड | तृतीयपंथीय समाजाच्या सर्वांगीण विकासासाठी शासनाकडून निधीची कमतरता भासू दिली जाणार नाही, अशी ग्वाही नांदेड जिल्ह्याचे पालकमंत्री अतुल सावे यांनी दिली. नांदेड शहरात तृतीयपंथीयांच्या विकासासाठी तीन एकर जागा उपलब्ध करून देण्यात आली असून, खासदार निधीतून ३० लाख रुपयांचा निधीही उपलब्ध झाला आहे. भविष्यात विकासासाठी आवश्यक असलेला निधी कमी पडू देणार नाही, असे त्यांनी स्पष्ट केले. सप्तरंग सेवाभावी संस्था, जिल्हा प्रशासन नांदेड आणि विशेष सहाय्यक, संस्कृती मंत्रालय, भारत सरकार यांच्या संयुक्त विद्यमाने आयोजित ‘सप्तरंग सांस्कृतिक महोत्सव २०२६’च्या दुसऱ्या दिवशी कुसुम सभागृह, नांदेड येथे तृतीय पंथीयांच्या प्रश्नांवर चर्चासत्र, जनजागृती आणि रोजगाराच्या संधींबाबत कार्य...

नांदेड,गोविंद मुंडकर | भारतीय स्वातंत्र्याच्या गौरवशाली इतिहासानिमित्त आणि 'वंदे मातरम'च्या १५० व्या वर्षानिमित्त केंद्र व राज्य शासनाच्या मार्गदर्शक सूचनेनुसार देशभरात 'हर घर तिरंगा २०२६' अभियान अत्यंत उत्साहात सुरू आहे. याच अभियानाचा एक भाग म्हणून दि.१३.०८.२०२६ रोजी नांदेड-वाघाळा शहर महानगरपालिकेच्या वतीने शहरात एक भव्य आणि अभूतपूर्व *'तिरंगा बाईक रॅली'* काढण्यात आली. शेकडो दुचाकीस्वार, हातात डौलाने फडकणारा राष्ट्रध्वज आणि 'भारत माता की जय'च्या गगनभेदी घोषणा अशा अत्यंत भारावून टाकणाऱ्या वातावरणात ही रॅली संपन्न झाली. या रॅलीने आज संपूर्ण नांदेड शहराला देशप्रेमाच्या रंगात रंगवून टाकले. या अभूतपूर्व तिरंगा बाईक रॅलीची सुरुवात नविन नांदेड भागातील हडको बस स्टॉप पासुन करण्यात आली. हडको चौकातील छत्रपती शिवाजी महाराज यांच्या पुतळ्यास वंदन केल्यानंतर तिरंगा कॅनव्हसवर स्वाक्षरी करुन *महापौर सौ...

१५ ऑगस्ट तोंडावर; रस्त्यावर चिखल-पाणी, नाल्या तुंबल्या, RO फिल्टर असूनही ग्रामस्थ तहानलेले — वर्षभर तक्रारी करूनही प्रशासन सुस्त हिमायतनगर, अनिल मादसवार| देशभर स्वातंत्र्यदिनाची तयारी सुरू असताना हिमायतनगर तालुक्यातील वटफळी गावात मात्र राष्ट्रध्वज स्थळासमोरच अस्वच्छता, चिखल आणि साचलेल्या पाण्याचे साम्राज्य पाहायला मिळत आहे. गावातील मूलभूत सुविधांचा प्रश्न गंभीर बनला असून, ग्रामपंचायत प्रशासन आणि संबंधित यंत्रणांच्या कार्यक्षमतेवरच सामाजिक कार्यकर्ते दीपक पाटील व गावाकऱ्यांनी प्रश्नचिन्ह निर्माण केलं आहे. राष्ट्रध्वज फडकविण्याच्या ठिकाणी स्वच्छता ठेवता येत नसेल, तर ग्रामपंचायतीचा कारभार नेमका चालतो तरी कसा? असा संतप्त सवाल ग्रामस्थांकडून उपस्थित केला जात आहे. वटफळी येथील मुख्य रस्त्यावर पावसाचे व सांडपाणी साचल्याने चिखलाचे साम्राज्य निर्माण झाले आहे. नाल्या तुंबलेल्या असून पाण्याचा न...

हदगाव, गौतम वाठोरे| हदगाव-हिमायतनगर मतदारसंघाचे लोकप्रिय आमदार बाबूराव कदम कोहोळीकर यांच्या सातत्यपूर्ण पाठपुराव्याला अखेर मोठे यश मिळाले असून, हदगाव येथे जिल्हा व अतिरिक्त सत्र न्यायालय स्थापन करण्यास राज्य मंत्रिमंडळाने ११ ऑगस्ट २०२६ रोजी अंतिम मंजुरी दिली आहे. या निर्णयामुळे हदगाव तालुक्यातील पक्षकार, वकील आणि नागरिकांना कायदेशीर कामांसाठी नांदेड येथे जाण्याची आवश्यकता राहणार नाही. परिणामी, वकिलांसह पक्षकारांचा वेळ, प्रवासाचा खर्च आणि आर्थिक भुर्दंडात मोठी बचत होणार असून नागरिकांची होणारी गैरसोय दूर होणार आहे. आंदालनाचा/पाठपुराव्याचा प्रवास या महत्त्वाच्या न्यायालयासाठी आमदार बाबूराव कदम कोहोळीकर यांनी स्थानिक वकील संघटनेच्या सहकार्याने विधी व न्याय विभागाकडे सातत्याने पाठपुरावा केला होता. शासनाने न्यायालयासोबतच सरकारी वकील कार्यालयासाठी आवश्यक न्यायिक अधिकारी, कर्मचारी पदनिर्मित...

विद्यार्थ्यांना देगलूर उपजिल्हा रुग्णालयात केलं दाखल देगलूर, गंगाधर मठवाले | तालुक्यातील हाणेगाव येथील वसंतराव नाईक निवासी आश्रमशाळेतील ३२ विद्यार्थ्यांना भोजनानंतर विषबाधेसदृश त्रास झाल्याची धक्कादायक घटना समोर आली आहे. विद्यार्थ्यांनी मांसाहारी भोजन केल्यानंतर अचानक उलट्या होण्यासह त्रास सुरू झाल्याने आश्रमशाळा प्रशासनाची धावपळ उडाली. घटनेची माहिती मिळताच पालकांमध्येही चिंतेचे वातावरण निर्माण झाले. त्रास झालेल्या विद्यार्थ्यांना तातडीने देगलूर येथील शासकीय उपजिल्हा रुग्णालयात दाखल करण्यात आले असून त्यांच्यावर वैद्यकीय उपचार सुरू आहेत. विद्यार्थ्यांना नेमक्या कोणत्या कारणामुळे त्रास झाला, भोजनातील कोणता पदार्थ कारणीभूत ठरला आणि भोजन तयार करताना स्वच्छता व सुरक्षिततेच्या कोणत्या उपाययोजना करण्यात आल्या होत्या, याबाबत प्रश्न उपस्थित होत आहेत. भोजन व्यवस्थेवर गंभीर प्रश्नचिन्ह निवासी...

नांदेड| केंद्र व राज्य सरकारच्या कामगारविरोधी धोरणांच्या निषेधार्थ सिटू (CITU) कामगार संघटनेच्या वतीने नांदेड शहरात सोमवारी जोरदार जेल भरो आंदोलन करण्यात आले. या आंदोलनात साडेतीन हजारांहून अधिक कामगार सहभागी झाले. आशा स्वयंसेविका, गटप्रवर्तक यांच्यासह विविध क्षेत्रातील कामगारांची मोठी उपस्थिती होती. कामगारांच्या विविध प्रलंबित मागण्यांकडे शासनाचे लक्ष वेधण्यासाठी आयोजित करण्यात आलेल्या या आंदोलनामुळे नांदेड शहरातील वातावरण काही काळ आंदोलनमय झाले. कामगारांनी जोरदार घोषणाबाजी करत केंद्र व राज्य सरकारच्या कामगार धोरणांचा निषेध केला. चार श्रम संहिता रद्द करण्याची मागणी यावेळी चार श्रम संहिता रद्द कराव्यात, जनसुरक्षा कायदा रद्द करावा, तसेच आशा स्वयंसेविका व गटप्रवर्तकांना किमान वेतन, कर्मचारी दर्जा आणि सामाजिक सुरक्षा देण्यात यावी, अशा प्रमुख मागण्या करण्यात आल्या. जिल्हाधिकारी कार्यालया...