सामाजिक

नांदेड| खुल्या प्रवर्गातील आर्थिकदृष्ट्या दुर्बल नागरिकांच्या सर्वांगीण विकासासाठी महाराष्ट्र संशोधन उन्नती व प्रशिक्षण प्रबोधिनी (अमृत) मार्फत राज्यभर व्यापक सर्वेक्षण मोहीम राबविण्यात येत आहे. नांदेड जिल्ह्यात हे सर्वेक्षण ८ ते २५ एप्रिल २०२६ या कालावधीत होणार आहे. महाराष्ट्र शासनाच्या या स्वायत्त संस्थेमार्फत अशा खुल्या प्रवर्गातील जाती-घटकांसाठी विविध योजना राबविल्या जातात, ज्यांना इतर शासकीय संस्था किंवा महामंडळांच्या योजनांचा लाभ मिळत नाही. युवक-युवतींसह सर्व वयोगटातील लाभार्थ्यांच्या उन्नतीसाठी अमृत संस्था कार्यरत आहे. या सर्वेक्षणात सध्या ब्राह्मण, सिंधी, हिंदू मारवाडी, गुजराती, पटेल, राजपूत, राजपुरोहित, हिंदू नेपाळी, बनिया, कम्मा, कायस्थ, अय्यंगार, नायर, नायडू, पाटीदार, बंगाली, भूमिहार, येलमार, ठाकूर, त्यागी, सेनगूनथर, जाट, कानबी, कोमटी/वैश्य अशा २५ जातींचा समावेश करण्यात आला आह...

लोहा| घरातून निघून गेलेल्या वृद्ध पित्याची तब्बल पाच महिन्यांनंतर मुलासोबत पुनर्भेट घडवून आणण्याची हृदयस्पर्शी घटना लोहा बसस्थानकात घडली. होमगार्ड जवान पांडुरंग सोनकांबळे यांच्या सतर्कतेमुळे हे शक्य झाले. हिंगोली जिल्ह्यातील खानापूर येथील मारुती तुकाराम पवार पाटील हे वृद्ध व्यक्ती काही महिन्यांपूर्वी घर सोडून गेले होते. मुलांनी शेती विकल्याची खंत मनात ठेवून त्यांनी घर सोडले होते. पंढरपूरला जात असल्याचे सांगून ते निघाले आणि त्यानंतर तुळजापूर, कोल्हापूर अशा ठिकाणी फिरत राहिले. गेल्या पाच महिन्यांपासून ते भटकंती करत होते. दरम्यान, ते लोहा बसस्थानकात अत्यंत अशक्त अवस्थेत, मळक्या कपड्यांमध्ये एका कोपऱ्यात झोपलेले आढळले. त्या वेळी ड्युटीवर असलेल्या होमगार्ड जवान पांडुरंग सोनकांबळे यांनी त्यांच्याकडे लक्ष दिले. तीन दिवसांपासून उपाशी असलेल्या या वृद्धाला त्यांनी प्रथम अन्न व पाणी देऊन आधार दिला....

हिमायतनगर,अनिल मादसवार | शहरातील टेंभी रोड परिसरातील अबुबकर देवस्थानाच्या जागेत नगरपंचायतीकडून कचरा टाकला जात असल्यामुळे परिसरात तीव्र दुर्गंधी आणि अस्वच्छता पसरली असून, नागरिकांच्या आरोग्यावर गंभीर परिणाम होत असल्याचा आरोप स्थानिकांनी केला आहे. याबाबत नागरिकांनी मुख्याधिकारी, नगर पंचायत हिमायतनगर यांना निवेदन देत तात्काळ कारवाईची मागणी केली आहे. निवेदनात नमूद केल्याप्रमाणे, शहरातील कचरा ट्रॅक्टरद्वारे टेंभी रोडवरील माळरान भागात, अबुबकर देवस्थानाच्या जागेत टाकला जात आहे. त्यामुळे परिसरात मोठ्या प्रमाणात घाण साचून दुर्गंधी पसरली आहे. रस्त्याने ये-जा करताना नागरिकांना नाकाला रुमाल बांधावा लागत असून, जाळण्यात येणाऱ्या कचऱ्यामुळे धूर व धूळ निर्माण होत आहे. या धुरामुळे डोळ्यांची जळजळ होत असून नागरिकांच्या आरोग्यास धोका निर्माण झाला आहे. विशेष म्हणजे, येत्या १० एप्रिल रोजी अबुबकर य...

नांदेड| शहरात उपेक्षित, निराधार आणि मानसिक आजारग्रस्त व्यक्तींना सन्मानाने जगण्याची नवी दिशा देणारा “कायापालट” उपक्रम एप्रिल महिन्याच्या पहिल्या सोमवारी ७४ व्या महिन्यातही अत्यंत तळमळीने पार पडला. धर्मभूषण ॲड. दिलीप ठाकूर यांच्या पुढाकारातून यावेळी ४७ भ्रमिष्ट व्यक्तींना स्वच्छतेसह सन्मानाचे जीवन देण्याचा प्रयत्न करण्यात आला. गेल्या ७४ महिन्यांत ३७०० हून अधिक बेघर, भिकारी आणि मानसिक आजारग्रस्तांच्या जीवनात सकारात्मक बदल घडवणारा हा उपक्रम आता नांदेडच्या सामाजिक बांधिलकीचे प्रतीक ठरत आहे. या उपक्रमाला माजी मुख्यमंत्री अशोकराव चव्हाण, खासदार डॉ. अजित गोपछडे, भाजपा प्रदेश उपाध्यक्ष संजय कोडगे, ॲड. चैतन्य देशमुख, भाजपा अध्यक्ष अमरनाथ राजुरकर, डॉ. संतुकराव हंबर्डे, ॲड. किशोर देशमुख तसेच लायन्स उपप्रांतपाल योगेश जायस्वाल यांचे मार्गदर्शन लाभत आहे. भाजपा महानगर नांदेड, लायन्स क्लब नांदेड सेंट्र...

नांदेड| जिल्ह्यातील दिव्यांग बांधवांच्या विविध प्रलंबित प्रश्नांबाबत प्रशासनाकडून अद्याप ठोस कार्यवाही न झाल्याने तीव्र नाराजी व्यक्त होत आहे. सर्वसमावेशक दिव्यांग सशक्तीकरण असोसिएशन (नोंदणी प्रक्रिया सुरू), दिव्यांग वृद्ध निराधार मित्र मंडळ महाराष्ट्र, तसेच बेरोजगार दिव्यांग कल्याणकृती संघर्ष समितीसह विविध संघटनांनी आंदोलनाचा इशारा दिला आहे. संघटनेचे अध्यक्ष राहुल सिताराम साळवे यांनी सांगितले की, दिव्यांगांच्या मागण्यांसाठी सातत्याने पाठपुरावा करूनही प्रशासनाकडून दुर्लक्ष होत आहे. त्यामुळे आता आंदोलनाचा मार्ग स्वीकारण्याचा निर्णय घेण्यात आला आहे. संजय गांधी निराधार योजनेतील थकीत मानधन तात्काळ जमा करावे, आमदार व खासदार निधीतून दिव्यांगांसाठी राखीव निधी खर्च करावा, DPDC अंतर्गत १% निधीचा वापर करावा, जिल्हाधिकारी बैठकीतील निर्णयांची अंमलबजावणी करावी, दिव्यांग सक्षमीकरण विभागातील अधिकाऱ...

नांदेड| दक्षिण मध्य रेल्वेच्या नांदेड विभागाने प्रवासी सेवांच्या उन्नतीसाठी केलेल्या प्रयत्नांना यश मिळत असून, आर्थिक वर्ष २०२५–२६ मध्ये रेल मदद (Rail Madad) या तक्रार निवारण मंचाद्वारे नोंदविल्या जाणाऱ्या प्रवासी तक्रारींमध्ये लक्षणीय घट झाली आहे. विभागातील विविध शाखांनी समन्वय साधत तक्रारींवर जलद प्रतिसाद देणे, त्यांचे प्रभावी निवारण करणे आणि सतत देखरेख ठेवणे या उपाययोजनांमुळे गाड्या व स्थानकांवरील प्रवासी अनुभवात सकारात्मक बदल दिसून आला आहे. परिणामी, प्रवाशांचा रेल्वे सेवांवरील विश्वास अधिक दृढ झाला आहे. विशेष म्हणजे, नांदेड विभागातील महत्त्वाची गाडी असलेल्या सचखंड एक्सप्रेसबाबतच्या प्रवासी तक्रारींमध्ये तब्बल ४६ टक्क्यांची घट नोंदविण्यात आली आहे. याशिवाय, विभागाअंतर्गत धावणाऱ्या सर्व गाड्यांबाबत एकूण २६ टक्के तक्रारी कमी झाल्या आहेत, ही बाब विभागाच्या कार्यक्षमतेचे द्योतक मानली जात आ...

हिमायतनगर (उत्कर्ष मादसवार) सिरंजनी–हिमायतनगर या महत्त्वाच्या मार्गावरील दुष्काळी फाटा येथे सीडी वर्कमधील सिमेंट पाईपला मोठे छिद्र पडल्याने रस्ता खचून पूर्णपणे बंद झाला आहे. परिणामी या मार्गावरील वाहतूक ठप्प झाली असून, एसटी बस सेवा देखील बंद करण्यात आली आहे. यामुळे विशेषतः शाळा व महाविद्यालयीन विद्यार्थ्यांचे मोठ्या प्रमाणात शैक्षणिक नुकसान होत आहे. सध्या परीक्षा सुरू असताना वाहतूक बंद झाल्यामुळे अनेक विद्यार्थ्यांना परीक्षेला पोहोचणे कठीण झाले असून काहींना परीक्षा चुकवावी लागत आहे. त्यामुळे पालक व विद्यार्थ्यांमध्ये तीव्र नाराजी व्यक्त होत आहे. यापूर्वी अशा परिस्थितीत ग्रामस्थांनी श्रमदानातून दोन वेळा रस्ता सुरू केला होता. मात्र सध्या शेतीच्या हंगामामुळे शेतकरी कामात व्यस्त असल्याने यावेळी स्थानिक पातळीवर दुरुस्ती करणे शक्य नसल्याचे ग्रामस्थांनी स्पष्ट केले आहे. दरम्यान, ग्रामपंच...

हिमायतनगर (अनिल मादसवार) शहरातून जाणाऱ्या राष्ट्रीय महामार्गावर दिवसेंदिवस वाढत असलेल्या अपघातांच्या मालिकेमुळे नागरिकांमध्ये भीतीचे वातावरण निर्माण झाले आहे. या अपघातांत अनेकांना आपला जीव गमवावा लागला असून काही जण कायमचे अपंग झाले आहेत. त्यामुळे शहरातील धोकादायक ठिकाणी तात्काळ स्पीड ब्रेकर (गतिरोधक) बसवून संभाव्य अपघात टाळावेत, अशी ठाम मागणी काँग्रेस अल्पसंख्यांक विभागाचे जिल्हा उपाध्यक्ष फेरोज खान पठाण यांनी ALMbharat च्या माध्यमातून केली आहे. हिमायतनगर शहरातीळ विशेषतः रेल्वे स्थानकाकडे जाणारा कॉर्नर, श्री परमेश्वर मंदिर कमान रस्ता, शासकीय विश्रामगृह (रेस्ट हाऊस) परिसर, उमर चौक कमान तसेच बोरगडी रस्ता या शहरातील अत्यंत वर्दळीच्या आणि अपघातप्रवण ठिकाणी वाहने भरधाव वेगाने धावत असल्याने नागरिकांचे जीव धोक्यात आले आहेत. यासंदर्भात संबंधित विभागाला अनेक वेळा सूचना देऊनही प्रशासनाने दुर्ल...

नांदेड (प्रतिनिधी)मनपा हद्दीतील असरजन नाका ते वाघाळा दरम्यानचा रस्ता ड्रेनेज लाईनच्या कामामुळे पूर्णतः नादुरुस्त झाला असून गेल्या वर्षभरापासून नागरिकांना मोठ्या हालअपेष्टा सहन कराव्या लागत आहेत. खड्डेमय रस्ता, चिखल आणि अडकणारी वाहने यामुळे परिसरातील दैनंदिन जीवन विस्कळीत झाले आहे. प्रभाग क्रमांक २० मधील त्रिमूर्ती नगर, विठ्ठल नगर, साईबाबा नगर आणि श्रीराम नगर या भागात जाण्यासाठी हा प्रमुख मार्ग आहे. या परिसरात पोलीस कर्मचारी, डॉक्टर तसेच सैन्यदलातील जवानांचे कुटुंबीय वास्तव्यास असूनही मूलभूत सुविधांकडे दुर्लक्ष होत असल्याची भावना नागरिकांनी व्यक्त केली आहे. ड्रेनेज काम अपूर्ण; रस्ता अधांतरी ड्रेनेज लाईन टाकण्यासाठी रस्ता मधोमध खोदण्यात आला; मात्र काम पूर्ण झाल्यानंतरही रस्त्याची दुरुस्ती करण्यात आलेली नाही. इतकेच नव्हे, तर अनेक ठिकाणी कनेक्शनही देण्यात आले नसल्याचे नागरिकांचे म्हणणे ...

हिमायतनगर| छत्रपती शिवाजी महाराज यांच्या भव्य पुतळ्यासाठी जागा उपलब्ध करून देण्याच्या मागणीने आता आंदोलनाचे रूप अधिकच तीव्र झाले आहे. नगरपंचायत समोरील आमरण उपोषण पाचव्या दिवशी सुरूच असून, रविवारी बाजारपेठ बंदचे आवाहन करण्यात आल्याने वातावरण चिघळण्याची चिन्हे दिसू लागली आहेत. उपोषणकर्ते माधव शिंदे यांच्या आंदोलनाला आता प्रहार जनशक्ती संघटनेचा जोरदार पाठिंबा मिळाला आहे. संघटनेचे विधानसभा अध्यक्ष दत्ता देशमुख यांनी आंदोलनात थेट सहभाग घेत प्रशासनाविरोधात आक्रमक भूमिका घेतली आहे. निर्णयात विलंब होत असल्याने दिनांक 05 एप्रिल रोज रविवारी संपूर्ण हिमायतनगर ‘बंद’ ठेवण्याची हाक देण्यात आली असून, याला विविध सामाजिक संघटना, राजकीय पदाधिकारी आणि नागरिकांचा व्यापक पाठिंबा मिळत आहे. दरम्यान, नगरपंचायत प्रशासनाने यापूर्वी सुचविलेल्या पाचही जागांपैकी एकही जागा उपलब्ध करून देता येत नसल्याचे स्पष्ट केल...