सामाजिक

नांदेड| भारतरत्न डॉ. बाबासाहेब आंबेडकर सामाजिक समता सप्ताह-२०२६ अंतर्गत क्रांतीसूर्य महात्मा ज्योतिराव फुले यांच्या जयंतीनिमित्त नांदेड येथे विविध कार्यक्रमांचे आयोजन करण्यात आले. आज सकाळी ९ वाजता महात्मा ज्योतिराव फुले व सावित्रीबाई फुले यांच्या पूर्णाकृती पुतळ्यांना पुष्पहार अर्पण करून अभिवादन करण्यात आले. हा कार्यक्रम जिल्हाधिकारी राहुल कर्डीले व सहाय्यक आयुक्त शिवानंद मिनगीरे यांच्या हस्ते पार पडला. यावेळी समाज कल्याण विभागातील अधिकारी, कर्मचारी, तालुका समन्वयक व समतादूत मोठ्या संख्येने उपस्थित होते. जयंतीनिमित्त उपस्थित विद्यार्थी व नागरिकांना शुभेच्छा देताना मान्यवरांनी महात्मा ज्योतिराव फुले यांच्या समाजसुधारणेतील कार्याचा आढावा घेत प्रेरणादायी विचार मांडले. यानंतर समाज कल्याण कार्यालयाच्या सांस्कृतिक सभागृहात जयंतीनिमित्त विशेष कार्यक्रमाचे आयोजन करण्यात आले. कार्यक्रमाच्या अध्यक...

नांदेड/हिमायतनगर, अनिल मादसवार | संघर्षमय आयुष्य जगणाऱ्या आदिवासी समाजाच्या जीवनात वनउपजांचे महत्त्व अनन्यसाधारण आहे. त्यांच्या दैनंदिन जगण्याला चव देण्याबरोबरच आर्थिक आधार देणाऱ्या या वनसंपदेमध्ये ‘चारोळी’ या फळाचे विशेष स्थान आहे. मात्र सध्या हीच चारोळी दुर्मिळ होत चालल्याने चिंता व्यक्त केली जात आहे. उन्हाळ्याच्या दिवसांत जंगलात आढळणाऱ्या चारोळीला ग्रामीण भागात ‘जंगलाची काळी मैना’ असे संबोधले जाते. पूर्वी मोठ्या प्रमाणात उपलब्ध असणारे हे फळ आता हळूहळू कमी होत असल्याचे दिसून येत आहे. इतकेच नव्हे, तर शहरातील नागरिकांना चारोळी पाहायलाही मिळणे कठीण झाले आहे. यामागे मोठ्या प्रमाणावर होणारी वृक्षतोड, जंगलांचा घटता विस्तार आणि पर्यावरणातील बदल ही प्रमुख कारणे असल्याचे जाणकार सांगतात. जंगलांची होणारी सततची हानी ही केवळ जैवविविधतेसाठीच नव्हे, तर आदिवासींच्या पारंपरिक उपजीविकेसाठीही घातक ठर...

कुंडलवाडी | कुंडलवाडी शहरातील चुंगी नाका परिसरात क्रिकेट खेळताना घडलेल्या भीषण अपघातात एका 9 वर्षीय मुलगा गंभीर भाजल्याची धक्कादायक घटना समोर आली आहे. दुपारच्या सुट्टीत अमेरखान सुलतान खान पठाण (वय 9) हा आपल्या मित्रांसोबत क्रिकेट खेळत होता. खेळताना चेंडू जवळच असलेल्या पत्र्याच्या शॉपिंग कॉम्प्लेक्सवर जाऊन पडला. चेंडू आणण्यासाठी मुलगा वर चढला असता, वरून गेलेल्या उच्च दाब विद्युत ताऱ्यांच्या संपर्कात येऊन तो गंभीररीत्या जखमी झाला. विजेच्या धक्क्यामुळे त्याच्या कपड्यांना आग लागून तो जळू लागला. घटनेच्या वेळी परिसरातील एका तरुणाने प्रसंगावधान राखत स्वतःच्या जीवाची पर्वा न करता कॉम्प्लेक्सवर चढून मुलाला वाचवण्याचा प्रयत्न केला. स्थानिक नागरिकांनी वर बारदानाची पोती फेकली, त्या सहाय्याने आग विझवण्यात आली. या घटनेत मुलगा गंभीर भाजला असून त्याला तातडीने नांदेड येथे उपचारासाठी हलवण्यात आल...

नांदेड| जिल्हा पुरवठा अधिकारी जगदीश बारदेवाड यांच्याविरोधात त्यांच्या पत्नी व मुलांनी सुरू केलेल्या आमरण उपोषणाकडे प्रशासनाने दुसऱ्या दिवसाअखेरही दुर्लक्ष केल्याने तीव्र नाराजी व्यक्त होत आहे. पत्नी दैवशाला जगदीश बारदेवाड यांनी आपल्या चिमुकल्यांसह 6 एप्रिलपासून जिल्हाधिकारी कार्यालयासमोर उपोषण सुरू केले आहे. पतीकडून मानसिक छळ, पालनपोषणाचा अभाव आणि गेल्या दोन वर्षांपासून वेगळे राहण्याचा आरोप त्यांनी केला आहे. उपोषणकर्त्यांच्या प्रमुख मागण्या पुढीलप्रमाणे आहेत: मुलांच्या पालनपोषण व शिक्षणाचा खर्च करावा, जातीचे प्रमाणपत्र काढण्यासाठी आवश्यक कागदपत्रे द्यावीत, सेवापुस्तिकेत पत्नी व मुलांची नोंद करावी, कुटुंबासोबत राहून जबाबदाऱ्या पार पाडाव्यात, घराचे थकीत हप्ते भरावेत आदी मागण्याचा समवेश आहे. दरम्यान, उपोषणाचा दुसरा दिवस उलटूनही प्रशासनातील एकाही अधिकाऱ्याने भेट दिली नसल्याचा आरोप करण्यात य...

नांदेड| खुल्या प्रवर्गातील आर्थिकदृष्ट्या दुर्बल नागरिकांच्या सर्वांगीण विकासासाठी महाराष्ट्र संशोधन उन्नती व प्रशिक्षण प्रबोधिनी (अमृत) मार्फत राज्यभर व्यापक सर्वेक्षण मोहीम राबविण्यात येत आहे. नांदेड जिल्ह्यात हे सर्वेक्षण ८ ते २५ एप्रिल २०२६ या कालावधीत होणार आहे. महाराष्ट्र शासनाच्या या स्वायत्त संस्थेमार्फत अशा खुल्या प्रवर्गातील जाती-घटकांसाठी विविध योजना राबविल्या जातात, ज्यांना इतर शासकीय संस्था किंवा महामंडळांच्या योजनांचा लाभ मिळत नाही. युवक-युवतींसह सर्व वयोगटातील लाभार्थ्यांच्या उन्नतीसाठी अमृत संस्था कार्यरत आहे. या सर्वेक्षणात सध्या ब्राह्मण, सिंधी, हिंदू मारवाडी, गुजराती, पटेल, राजपूत, राजपुरोहित, हिंदू नेपाळी, बनिया, कम्मा, कायस्थ, अय्यंगार, नायर, नायडू, पाटीदार, बंगाली, भूमिहार, येलमार, ठाकूर, त्यागी, सेनगूनथर, जाट, कानबी, कोमटी/वैश्य अशा २५ जातींचा समावेश करण्यात आला आह...

लोहा| घरातून निघून गेलेल्या वृद्ध पित्याची तब्बल पाच महिन्यांनंतर मुलासोबत पुनर्भेट घडवून आणण्याची हृदयस्पर्शी घटना लोहा बसस्थानकात घडली. होमगार्ड जवान पांडुरंग सोनकांबळे यांच्या सतर्कतेमुळे हे शक्य झाले. हिंगोली जिल्ह्यातील खानापूर येथील मारुती तुकाराम पवार पाटील हे वृद्ध व्यक्ती काही महिन्यांपूर्वी घर सोडून गेले होते. मुलांनी शेती विकल्याची खंत मनात ठेवून त्यांनी घर सोडले होते. पंढरपूरला जात असल्याचे सांगून ते निघाले आणि त्यानंतर तुळजापूर, कोल्हापूर अशा ठिकाणी फिरत राहिले. गेल्या पाच महिन्यांपासून ते भटकंती करत होते. दरम्यान, ते लोहा बसस्थानकात अत्यंत अशक्त अवस्थेत, मळक्या कपड्यांमध्ये एका कोपऱ्यात झोपलेले आढळले. त्या वेळी ड्युटीवर असलेल्या होमगार्ड जवान पांडुरंग सोनकांबळे यांनी त्यांच्याकडे लक्ष दिले. तीन दिवसांपासून उपाशी असलेल्या या वृद्धाला त्यांनी प्रथम अन्न व पाणी देऊन आधार दिला....

हिमायतनगर,अनिल मादसवार | शहरातील टेंभी रोड परिसरातील अबुबकर देवस्थानाच्या जागेत नगरपंचायतीकडून कचरा टाकला जात असल्यामुळे परिसरात तीव्र दुर्गंधी आणि अस्वच्छता पसरली असून, नागरिकांच्या आरोग्यावर गंभीर परिणाम होत असल्याचा आरोप स्थानिकांनी केला आहे. याबाबत नागरिकांनी मुख्याधिकारी, नगर पंचायत हिमायतनगर यांना निवेदन देत तात्काळ कारवाईची मागणी केली आहे. निवेदनात नमूद केल्याप्रमाणे, शहरातील कचरा ट्रॅक्टरद्वारे टेंभी रोडवरील माळरान भागात, अबुबकर देवस्थानाच्या जागेत टाकला जात आहे. त्यामुळे परिसरात मोठ्या प्रमाणात घाण साचून दुर्गंधी पसरली आहे. रस्त्याने ये-जा करताना नागरिकांना नाकाला रुमाल बांधावा लागत असून, जाळण्यात येणाऱ्या कचऱ्यामुळे धूर व धूळ निर्माण होत आहे. या धुरामुळे डोळ्यांची जळजळ होत असून नागरिकांच्या आरोग्यास धोका निर्माण झाला आहे. विशेष म्हणजे, येत्या १० एप्रिल रोजी अबुबकर य...

नांदेड| शहरात उपेक्षित, निराधार आणि मानसिक आजारग्रस्त व्यक्तींना सन्मानाने जगण्याची नवी दिशा देणारा “कायापालट” उपक्रम एप्रिल महिन्याच्या पहिल्या सोमवारी ७४ व्या महिन्यातही अत्यंत तळमळीने पार पडला. धर्मभूषण ॲड. दिलीप ठाकूर यांच्या पुढाकारातून यावेळी ४७ भ्रमिष्ट व्यक्तींना स्वच्छतेसह सन्मानाचे जीवन देण्याचा प्रयत्न करण्यात आला. गेल्या ७४ महिन्यांत ३७०० हून अधिक बेघर, भिकारी आणि मानसिक आजारग्रस्तांच्या जीवनात सकारात्मक बदल घडवणारा हा उपक्रम आता नांदेडच्या सामाजिक बांधिलकीचे प्रतीक ठरत आहे. या उपक्रमाला माजी मुख्यमंत्री अशोकराव चव्हाण, खासदार डॉ. अजित गोपछडे, भाजपा प्रदेश उपाध्यक्ष संजय कोडगे, ॲड. चैतन्य देशमुख, भाजपा अध्यक्ष अमरनाथ राजुरकर, डॉ. संतुकराव हंबर्डे, ॲड. किशोर देशमुख तसेच लायन्स उपप्रांतपाल योगेश जायस्वाल यांचे मार्गदर्शन लाभत आहे. भाजपा महानगर नांदेड, लायन्स क्लब नांदेड सेंट्र...