खडकी बु. येथे निवासस्थानी भेट देत व्यक्त केला शोक; देवराव हनवते यांच्या निधनाने हळहळ
हिमायतनगर,प्रतिनिधी| हिमायतनगर तालुक्यातील खडकी बु. येथील पत्रकार शुद्धोधन हनवते यांचे वडील तथा रेल्वेचे सेवानिवृत्त कर्मचारी देवराव रूपाजी हनवते यांचे ११ ऑगस्ट रोजी वृद्धापकाळाने निधन झाले. त्यांच्या निधनाने हनवते कुटुंबीयांवर दुःखाचा डोंगर कोसळला असून, परिसरातून शोक व्यक्त करण्यात येत आहे.
निधनाची माहिती मिळाल्यानंतर हदगाव–हिमायतनगर विधानसभा मतदारसंघाचे माजी आमदार माधवराव पाटील जवळगावकर यांनी बुधवार, १९ ऑगस्ट रोजी खडकी बु. येथे पत्रकार शुद्धोधन हनवते यांच्या निवासस्थानी भेट दिली. यावेळी त्यांनी हनवते कुटुंबीयांची आस्थेने विचारपूस करून दुःखात सहभागी होत सांत्वन केले.
देवराव हनवते यांनी रेल्वे विभागात प्रदीर्घ काळ सेवा बजावून सेवानिवृत्ती घेतली होती. त्यांच्या निधनाने कुटुंबीय, नातेवाईक तसेच परिचितांमध्ये हळहळ व्यक्त होत आहे. यावेळी काँग्रेस शहराध्यक्ष संजय माने, पापा पार्डीकर, संजय पाटील दुधडकर, गोविंद माने, सरपंच माधव शिंदे, शिवाजी पाटील शिंदे, दयानंद हाटे यांच्यासह काँग्रेसचे पदाधिकारी, कार्यकर्ते व ग्रामस्थ उपस्थित होते. माजी आमदार जवळगावकर यांनी हनवते कुटुंबीयांना दुःखातून सावरण्याचे बळ मिळावे, अशी भावना व्यक्त करत दिवंगत देवराव हनवते यांना श्रद्धांजली अर्पण केली.
