टोल वसुली सुरू; मात्र जीवघेण्या भेगांकडे प्रशासनाचे दुर्लक्ष
रस्ते दुरुस्त न झाल्यास टोल नाका बंद आंदोलनाचा इशारा – वामनराव पाटील वडगावकर
हिमायतनगर, अनिल मादसवार| नांदेड–किनवट मार्गावरील भोकर, हिमायतनगर, सेंटर पॉइंट, पोटा आणि सोनारी परिसरातील टोल नाक्यांवर वाहनधारकांकडून नियमितपणे टोल वसुली केली जात असताना, दुसरीकडे रस्त्यावर पडलेल्या जीवघेण्या भेगांकडे संबंधित प्रशासन व टोल कंपनीचे दुर्लक्ष होत असल्याचा आरोप राष्ट्रवादी काँग्रेस पार्टीचे हिमायतनगर तालुकाध्यक्ष वामनराव पाटील वडगावकर यांनी केला आहे.
या मार्गावरील अनेक ठिकाणी रस्त्याच्या मधोमध मोठ्या प्रमाणात भेगा पडल्या असून, त्या दिवसेंदिवस अधिक धोकादायक बनत आहेत. काही ठिकाणी या भेगा सुमारे सहा इंच रुंद असून शंभर ते दोनशे फूट लांबीपर्यंत सलग पसरलेल्या आहेत. विशेष म्हणजे एकाच ठिकाणी पाच ते सहा भेगा पडल्याने वाहन चालकांना वाहन चालविताना मोठी कसरत करावी लागत आहे.
दुचाकी, तीनचाकी, कार तसेच अवजड...