Tag: नांदेड जिल्हा मध्यवर्ती बँक निवडणूक

हिमायतनगर, उत्कर्ष मादसवार | नांदेड जिल्हा मध्यवर्ती सहकारी बँकेच्या निवडणुकीत हिमायतनगर गटातून शेतकरी विकास पॅनलचे उमेदवार तथा माजी आमदार माधवराव पाटील जवळगावकर यांनी अवघ्या एका मताच्या फरकाने विजय मिळवत सहकार क्षेत्रातील आपले वर्चस्व कायम राखले आहे. या विजयामुळे हिमायतनगरसह संपूर्ण जिल्ह्याच्या राजकीय वर्तुळात चर्चेला उधाण आले असून समर्थकांमध्ये जल्लोषाचे वातावरण आहे. या अटीतटीच्या लढतीत माधवराव पाटील जवळगावकर यांना ११ मते, तर त्यांचे प्रतिस्पर्धी विशाल राठोड यांना १० मते मिळाली. केवळ एका मताच्या फरकाने लागलेल्या या निकालाने निवडणुकीची चुरस अधोरेखित केली आहे. निकाल जाहीर होताच समर्थकांनी गुलालाची उधळण, फटाक्यांची आतषबाजी आणि घोषणाबाजी करत विजयाचा जल्लोष साजरा केला. विविध राजकीय, सामाजिक आणि सहकार क्षेत्रातील मान्यवरांनी जवळगावकर यांचे अभिनंदन करून पुढील वाटचालीस शुभेच्छा दिल्या. सम...

मतदान पार पडले; आता निकालाकडे राजकीय वर्तुळाचे लक्ष हिमायतनगर, अनिल मादसवार| नांदेड जिल्हा मध्यवर्ती सहकारी बँकेच्या निवडणुकीसाठी रविवारी मतदान पार पडले. हिमायतनगर गटात माजी आमदार माधवराव पाटील जवळगावकर आणि विशाल राठोड यांच्यात झालेल्या थेट लढतीमुळे या निवडणुकीकडे संपूर्ण तालुक्याचे लक्ष लागले आहे. मतदानाच्या आधीपासूनच दोन्ही गटांनी मतदारांशी संपर्क साधत आपापली राजकीय ताकद पणाला लावली होती. सहकाराच्या निवडणुकीच्या निमित्ताने हिमायतनगरमध्ये पुन्हा एकदा राजकीय शक्तिप्रदर्शन पाहायला मिळाले. मतदानानंतर आता प्रत्येक गटाकडून विजयाचे दावे केले जात असले, तरी खरा कौल मतपेटीत बंद झाला आहे. त्यामुळे २८ जुलै रोजी जाहीर होणाऱ्या निकालात मतदारांनी कोणाच्या बाजूने आपला विश्वास व्यक्त केला, हे स्पष्ट होणार आहे. दरम्यान माजी आमदार माधवराव पाटील जवळगांवकर यांचं पारड जड असल्याचा दावा केला जातो आहे. ...