शाळा प्रवेशोत्सवात नवप्रवेशितांचे जल्लोषात स्वागत; जिल्हाभर अधिकाऱ्यांच्या शाळांना सदिच्छा भेटी
मुख्य कार्यकारी अधिकारी मेघना कावली यांची विष्णुपुरी जि.प. हायस्कूलला भेट; विद्यार्थ्यांचे गुलाबपुष्प देऊन स्वागत
नांदेड | महाराष्ट्र शासनाच्या शाळा प्रवेशोत्सव अभियानांतर्गत नांदेड जिल्ह्यातील विविध जिल्हा परिषद शाळांमध्ये सोमवारी उत्साहपूर्ण वातावरणात कार्यक्रम पार पडले. नव्या शैक्षणिक वर्षाच्या पहिल्याच दिवशी शाळा परिसरात आनंद, उत्साह आणि स्वागताचा माहोल पाहायला मिळाला.
विद्यार्थ्यांच्या शालेय जीवनातील पहिला दिवस संस्मरणीय ठरावा, या उद्देशाने जिल्हाभरातील विविध शाळांना वरिष्ठ अधिकाऱ्यांनी भेटी देत नवप्रवेशित विद्यार्थ्यांचे स्वागत केले. विद्यार्थ्यांना गुलाबपुष्प, शुभेच्छा आणि पाठ्यपुस्तकांचे वाटप करून त्यांच्या शैक्षणिक प्रवासाची आनंददायी सुरुवात करण्यात आली.
यावेळी जिल्हा परिषदेच्या मुख्य कार्यकारी अधिकारी मेघना कावली यांनी जिल्हा परिषद हायस्कूल, विष्णुपुरी येथे भेट देऊन नवागत ...