कंधार तालुक्याचा दहावीचा निकाल ६८.७७ टक्के,यंदाही मुलीच सरस
कॉपी मुक्ती अभियानाचा विद्यालयांना फटका !
कंधार (सचिन मोरे) महाराष्ट्र राज्य माध्यमिक व उच्च माध्यमिक शिक्षण मंडळाचा दहावीचा निकाल शुक्रवार ८ मे रोजी जाहीर करण्यात आला असून यात कंधार तालुक्याचा सरासरी निकाल ६८.६६ टक्के इतका लागला आहे. मागच्या वर्षीच्या तुलनेत यावर्षी कॉफी मुक्त अभियानाचा फटका दहावीच्या निकालावर दिसून आला आहे.
मागच्यावर्षी प्रमाणे याही वर्षी दहावीच्या निकालात मुलींनी बाजी मारली आहे. यंदा तालुक्यातून ३७८९ विद्यार्थ्यांनी परीक्षेला बसले होते त्यात ३ हजार ६२८ विद्यार्थ्यांनी परीक्षा दिली. यातील २ हजार ४९५ विद्यार्थी उत्तीर्ण झाले. कंधार तालुक्याचा सरासरी निकाल ६८.७७ टक्के लागला आहे. कॉपी मुक्ती अभियानाचा परिणाम यावर्षी निकालावर झाल्याचे दिसून येत आहे. कंधार तालुक्यातील सर्व विद्यालयातील गेल्या वर्षीच्या दहावीचा निकालाच्या तुलनेत मोठी घसरण झाली आहे.
मागच्यावर्षी प्रमाण...
