नांदेड| “जागतिक हिवताप दिन” निमित्त आज नांदेड येथे जनजागृती रॅलीचे आयोजन करण्यात आले. या रॅलीला महात्मा गांधी पुतळा येथून सुरुवात करून भारतरत्न डॉ. बाबासाहेब आंबेडकर पुतळ्यापर्यंत काढण्यात आले.
रॅलीची सुरुवात मनपा अतिरिक्त आयुक्त निलेश सुंकेवार, जिल्हा हिवताप अधिकारी डॉ. अमृत चव्हाण, वैद्यकीय आरोग्य अधिकारी डॉ. हनुमंत रिठे आणि शहर क्षयरोग अधिकारी डॉ. बद्दीओदीन सर यांच्या हस्ते हिरवी झेंडी दाखवून करण्यात आली.
यावेळी सहाय्यक अधीक्षक विजय चव्हाण, आरोग्य पर्यवेक्षक संजय भोसले, गंगाधर गनलेवार, आरोग्य निरीक्षक माधव कोल्हे, सत्यजीत टिप्रेसवार, व्यंकटेश पुलकंठवार, बालाजी निलपत्रेवार, अरुण आळणे, सुरेश आरगूलवार, मनोहर खानसोळे, प्रयोगशाळा वैज्ञानिक अधिकारी विलास नाईक, सचिव दळवी, राजू शेट्टे, वैभव कौशल्ये तसेच आरोग्य कर्मचारी आणि क्षेत्रीय कर्मचारी मोठ्या संख्येने सहभागी झाले होते.
रॅलीचा समारोप व्यंकटेश पुलकंठवार यांनी डास निर्मूलनाची प्रतिज्ञा देऊन करण्यात आला.
