“ऑपरेशन क्रॅकडाउन” अंतर्गत भाग्यनगर परिसरात जुगार अड्ड्यावर छापा; 4.52 लाखांचा मुद्देमाल जप्त
नांदेड| शहरातील भाग्यनगर पोलीस ठाण्याच्या हद्दीत “ऑपरेशन क्रॅकडाउन” अंतर्गत गुन्हे शोध पथकाने मोठी कारवाई करत जुगार अड्ड्यावर छापा टाकला. या कारवाईत 9 आरोपींना ताब्यात घेण्यात आले असून त्यांच्या विरोधात गुन्हा दाखल करण्यात आला आहे.
पोलीसांनी दिलेल्या माहितीनुसार, दि. 02 मे 2026 रोजी गोपनीय माहितीच्या आधारे अरुणोदय नगर परिसरात “आंदर-बाहर” जुगार सुरू असल्याची खात्रीशीर माहिती मिळाल्यानंतर छापा टाकण्यात आला. या कारवाईत आरोपींकडून रोख रक्कम, जुगार साहित्य, मोबाईल फोन तसेच दुचाकी वाहने असा एकूण ₹4,52,500 किमतीचा मुद्देमाल जप्त करण्यात आला.
सदर प्रकरणात महाराष्ट्र जुगार कायद्याच्या कलम 12 (अ) अंतर्गत गुन्हा क्रमांक 239/2026 नोंदविण्यात आला आहे. या कारवाईत पोलीस निरीक्षक संतोष तांबे, गुन्हे शोध पथकाचे पो.उप.नि. विनोद देशमुख व त्यांच्या पथकाने सहभाग घेतला.
ही कारवाई अविनाश कुमार (पोलीस अध...