Tag: 🔱 अमरनाथ गुहेतून – भाग ४ 🔱

वंदे भारत : स्वप्न सत्यात उतरले! रात्री साडेअकराच्या सुमारास आम्ही हमसफर एक्सप्रेसने जम्मू रेल्वे स्थानकावर उतरलो. एक काळ असा होता की, हमसफर एक्सप्रेस सुरू झाली तेव्हा तिचे आधुनिक डबे, आकर्षक रचना आणि उत्तम सुविधा पाहून मी तिच्यावर स्वतंत्र लेख लिहिला होता. पण काळ बदलतो तशी माणसं बदलतात, गाड्याही बदलतात! यंदा हमसफरकडे पाहताना ती थोडी थकलेली, दमलेली वाटली. नवीन कोचेसची गरज आता स्पष्टपणे जाणवत होती. स्टेशनच्या बाहेर पाऊल टाकताच जम्मूच्या उकाड्याने आमचे स्वागत केले. एसी डब्यातील दोन दिवसांच्या गारव्याच्या पार्श्वभूमीवर मध्यरात्रीची उष्णताही अंगावर येत होती. सामानाचा मोठा पसारा पाहून काही कुलींच्या चेहऱ्यावर आनंद, तर यात्रेकरूंच्या चेहऱ्यावर काळजी दिसत होती. बरीच घासाघीस करून प्रति बॅग २०० रुपयांवरून ८० रुपये दर ठरवला. पाच हातगाड्यांवर सामान ठेवून आम्ही स्टेशनबाहेरील वैष्णवी धाम येथे एसी...