कुठे अतिवृष्टी तर कुठे पावसाची दडी; शहापूर परिसरात सोयाबीनला तुषार सिंचनाचा आधार
देगलूर/शहापूर, गंगाधर मठवाले| पावसाळा सुरू झाल्यापासून पावसाचे असमान वितरण अनुभवायला मिळत असून, शहापूर परिसरातील काही शिवारांत अतिपावसामुळे पिके पिवळी पडत आहेत, तर काही भागात पावसाने दडी मारल्याने खरीप पिके करपू लागली आहेत. त्यामुळे पिके वाचविण्यासाठी शेतकऱ्यांना आता बोअरवेलचा आधार घेत तुषार सिंचनाद्वारे सोयाबीनला पाणी देण्याची वेळ आली आहे.
शहापूर परिसरात यंदा प्रथमच शेतकऱ्यांना अक्षरशः ‘ऊन-सावलीचा खेळ’ अनुभवायला मिळत आहे. आलूर, कोटेकलूर, लिंबा, शेवाळा, करेमलकापूर आदी शिवारांत काही ठिकाणी मोठ्या प्रमाणात पाऊस झाल्याने आजही शेतात वापसा झालेला नाही. परिणामी काही ठिकाणी खरीप पिके पिवळी पडू लागली आहेत. याउलट सुडगी, सुडगी फाटा, नरगल, मडगी, चैनपूर आदी शिवारांत अपेक्षित पाऊस न झाल्याने सोयाबीनची पिके पाण्याअभावी करपू लागली आहेत.
शेतकऱ्यांनी छोट्या-मोठ्या पावसाच्या भरवशावर सोयाबीनची लागवड के...