सासरवाडीतच जावयाची हत्या; कौटुंबिक वादातून टोकाचा शेवट
नांदेड (प्रतिनिधी) कौटुंबिक वादातून संतप्त झालेल्या सासरच्यांनी जावयाची निर्घृण हत्या केल्याची धक्कादायक घटना बळीरामपूर (ता. नांदेड) येथे उघडकीस आली आहे. या प्रकरणामुळे परिसरात खळबळ उडाली असून, पोलिसांनी तत्काळ कारवाई करत सासू आणि दोन मेहुण्यांना ताब्यात घेतले आहे.
मृतक विजय साहेबराव शिंदे (वय ३०, रा. तेलंगणा) याचा काही दिवसांपूर्वी बळीरामपूर येथील युवतीसोबत विवाह झाला होता. सुरुवातीला संसार सुरळीत सुरू असला, तरी विजय शिंदे याचे दारूचे व्यसन आणि पत्नीवर होणारी मारहाण यामुळे घरात सतत वाद होत होते. याच कारणावरून काही दिवसांपूर्वी सासरच्यांसोबत त्याचा वाद झाला होता.
शनिवारी संध्याकाळी पुन्हा तो सासरवाडीत आला असता वाद चिघळला. यानंतर सासू आणि दोन मेहुण्यांनी संतापाच्या भरात त्याला गावाबाहेरील धनेगाव शिवारात नेले. तेथे आधी त्याला दारू पाजण्यात आली आणि त्यानंतर धारदार शस्त्राने वार करून त्याची ...