Tag: संशयाच्या भोवऱ्यात?

निकृष्ट रस्ते, रखडलेली कामे आणि 'अपडाऊन' संस्कृतीवर संताप हिमायतनगर, अनिल मादसवार| हिमायतनगर तालुक्यात सार्वजनिक बांधकाम विभागाच्या कार्यपद्धतीवर गंभीर प्रश्नचिन्ह निर्माण झाले असून, निकृष्ट दर्जाचे रस्ते, रखडलेली विकासकामे आणि अधिकाऱ्यांच्या कथित मुख्यालयाबाहेरील वास्तव्यासंदर्भात नागरिकांमधून तीव्र नाराजी व्यक्त होत आहे. कोट्यवधी रुपयांचा निधी खर्च करूनही रस्त्यांची अवस्था दिवसेंदिवस बिकट होत असल्याने या कामांची उच्चस्तरीय चौकशी करण्याची मागणी जोर धरू लागली आहे. तालुक्यातील राष्ट्रीय महामार्ग ते मंगरूळ मार्ग, हिमायतनगर ते बोरगडी रस्ता, डोल्हारी ते गांजेगाव मार्ग, सोनारी फाटा ते वाळकेवाडी–दूधड रस्ता, सवना ते वाशी, टेंभी, अंदेगांव, पवना, चिंचोर्डी ते दगडवाडी मार्ग तसेच अन्य अंतर्गत रस्त्यांची कामे अनेक ठिकाणी संथ गतीने सुरू आहेत. काही प्रकल्पांना तब्बल दोन वर्षे उलटूनही पूर्णत्व आलेल...