संगमवाडीच्या पाच युवकांची भारतीय सैन्यात निवड; गावकऱ्यांकडून जंगी सत्कार
कंधार (सचिन मोरे) कंधार तालुक्यातील ग्रामीण भागातील युवकांमध्ये जिद्द, चिकाटी आणि देशसेवेची भावना असेल तर कोणतेही ध्येय अशक्य नसते, याचे उत्तम उदाहरण संगमवाडी गावातील पाच युवकांनी दाखवून दिले आहे. पवन परमेश्वर घुगे, लखन परमेश्वर घुगे, ऋषिकेश मारुती घुगे, कृष्णा बाबुराव घुगे आणि शिवदास मारुती तिडके या पाच युवकांची भारतीय सैन्यात (इंडियन आर्मी) निवड झाल्याने संपूर्ण गावात आनंदाचे आणि अभिमानाचे वातावरण निर्माण झाले आहे.
या यशस्वी युवकांच्या गौरवार्थ गावात सत्कार समारंभाचे आयोजन करण्यात आले होते. यावेळी उपस्थित मान्यवरांनी युवकांचे अभिनंदन करून त्यांच्या उज्ज्वल भविष्यासाठी शुभेच्छा दिल्या. भारतीय सैन्यात सेवा करण्याची संधी मिळणे ही अत्यंत अभिमानाची बाब असून या युवकांनी केवळ आपल्या कुटुंबाचेच नव्हे तर संपूर्ण संगमवाडी गावाचे नाव उंचावल्याची भावना यावेळी व्यक्त करण्यात आली.
संगमवाडी हे गा...