अल्पभूधारक शेतकऱ्याच्या लेकीची भरारी! TET मध्ये घवघवीत यश; यवतमाळ जिल्हा परिषदेत शिक्षिका म्हणून नियुक्ती
टेंभुर्णीच्या आरती माने-पाटीलचा संघर्षमय यशस्वी प्रवास; ज्या शाळेत शिकली, त्याच शाळेत झाला सत्कार
हिमायतनगर, उत्कर्ष मादसवार| अल्पभूधारक शेतकऱ्याच्या कुटुंबातून आलेल्या टेंभुर्णीच्या लेकीने आपल्या जिद्द, मेहनत आणि गुणवत्तेच्या जोरावर यशाचे शिखर गाठले आहे. कु. आरती मारोतराव माने-पाटील हिने मार्च २०२६ मध्ये झालेल्या TET पात्रता परीक्षेत घवघवीत यश संपादन केले असून, तिची यवतमाळ जिल्हा परिषद अंतर्गत माध्यमिक शाळेत शिक्षिका म्हणून नियुक्ती झाली आहे. तिच्या या उल्लेखनीय यशाबद्दल जिल्हा परिषद प्राथमिक शाळा, टेंभुर्णीच्या वतीने तिचा सत्कार करण्यात आला.
आरती माने-पाटील हिने आपल्या शैक्षणिक प्रवासाची मुहूर्तमेढ जिल्हा परिषद प्राथमिक शाळा, टेंभुर्णी येथून रोवली. प्राथमिक शिक्षण पूर्ण केल्यानंतर तिने नांदेड येथील सायन्स कॉलेजमधून एम.एस्सी. (Physics) पदवी संपादन केली. त्यानंतर बी.एड. पूर्ण करून शि...