पावसाच्या खंडात पिकांचे नुकसान टाळण्यासाठी शेतकऱ्यांनी अष्टसूत्री उपाययोजना राबवावी
जिल्हा अधीक्षक कृषी अधिकारी दत्तकुमार कळसाईत यांचे आवाहन; सोयाबीन, मूग, उडीद पिकांवर परिणाम, कपाशी व तुरीलाही पाण्याच्या ताणाचा धोका
नांदेड| ऑगस्ट महिन्यातील पावसाच्या दीर्घ खंडानंतर सप्टेंबरच्या पहिल्या आठवड्यातही पावसाने दडी मारल्याने नांदेड जिल्ह्यातील हलक्या मुरमाड व माळरानाच्या जमिनीतील ओलावा मोठ्या प्रमाणात कमी झाला आहे. त्यामुळे सोयाबीन, मूग आणि उडीद या कमी कालावधीच्या पिकांना फटका बसला असून, कपाशी व तूर या दीर्घ कालावधीच्या पिकांवरही पाण्याच्या ताणाचा परिणाम होण्याची शक्यता आहे.
या पार्श्वभूमीवर पिकांचे नुकसान कमी करण्यासाठी शेतकऱ्यांनी अष्टसूत्री उपाययोजनांची प्रभावी अंमलबजावणी करावी, असे आवाहन जिल्हा अधीक्षक कृषी अधिकारी दत्तकुमार कळसाईत यांनी केले आहे.
पिके व जमिनीतील ओलाव्याचे निरीक्षण : पिकांची वाढीची अवस्था आणि जमिनीतील उपलब्ध ओलावा याचे नियमित निरीक्षण करून त्यानुसार ...