भोकरमध्ये जिल्हा बँकेच्या नवीन इमारतीचे लोकार्पण; शेतकऱ्यांना कर्ज उपलब्धतेवर भर
भोकर/नांदेड| नांदेड जिल्हा मध्यवर्ती सहकारी बँक लि.च्या भोकर शाखेच्या नवीन वास्तूचे लोकार्पण आज मोठ्या उत्साहात पार पडले. राज्याचे सहकार मंत्री बाबासाहेब पाटील यांच्या हस्ते उद्घाटन करण्यात आले.
यावेळी बोलताना मंत्री पाटील म्हणाले, “मागेल त्या शेतकऱ्याला कर्ज मिळाले तरच सहकार चळवळ पुढे जाईल.” सहकार चळवळीचा वारसा जपत सहकारी बँकांनी शेतकऱ्यांना अधिकाधिक मदत करणे गरजेचे असल्याचे त्यांनी स्पष्ट केले.
या कार्यक्रमाचे अध्यक्षस्थान माजी मुख्यमंत्री तथा खासदार अशोकराव चव्हाण यांनी भूषवले. यावेळी बँकेचे अध्यक्ष भास्करराव पाटील खतगावकर, आमदार प्रताप पाटील चिखलीकर, आमदार श्रीजया चव्हाण, माजी आमदार अमरनाथ राजूरकर, उपाध्यक्ष हनमंतराव पाटील बेटमोगरेकर, तसेच अनेक मान्यवर उपस्थित होते.
कार्यक्रमाची सुरुवात डॉ. शंकरराव चव्हाण, सहकारमहर्षी श्यामराव कदम आणि अजित पवार यांच्या प्रतिमेचे पूजन व दीपप्रज...