हिमायतनगर तालुक्यात शिष्यवृत्ती परीक्षेसाठी सोनारी केंद्र ठरले लक्षवेधी
केंद्र संचालक सतीश गोपतवाड यांच्या संकल्पनेतून ‘पिंक सेंटर’ उपक्रम
हिमायतनगर (प्रतिनिधी) महाराष्ट्र राज्य परीक्षा परिषद, पुणे तर्फे घेण्यात आलेली इयत्ता चौथी व सातवी शिष्यवृत्ती परीक्षा २६ एप्रिल २०२६ रोजी हिमायतनगर तालुक्यात अत्यंत शिस्तबद्ध, पारदर्शक व सुरळीत वातावरणात पार पडली. या परीक्षेदरम्यान तालुक्यातील जिल्हा परिषद प्राथमिक शाळा, सोनारी येथील केंद्राने ‘पिंक परीक्षा केंद्र’ या अनोख्या संकल्पनेमुळे विशेष लक्ष वेधून घेतले.
शिक्षण विभाग, पंचायत समिती हिमायतनगर यांच्या पुढाकारातून राबविण्यात आलेल्या या उपक्रमांतर्गत इयत्ता सातवीच्या परीक्षेसाठी असलेल्या या केंद्रावर सर्व महिला पर्यवेक्षकांची नियुक्ती करण्यात आली होती. गटशिक्षणाधिकारी केशवराव मेकाले यांच्या प्रेरणेतून आणि केंद्रप्रमुख गणेश कोकुलवार यांच्या मार्गदर्शनाखाली केंद्र संचालक सतीश गोपतवाड यांनी ही अभिनव संकल्पना प्रत्यक्षात ...