हिमायतनगर शिवारात लांडग्याचा धुमाकूळ; शेतकऱ्याचे वासरू फाडून ठार
वनविभागाचा पंचनामा; नुकसानभरपाईसह गस्त वाढविण्याची शेतकऱ्यांची आक्रमक मागणी
हिमायतनगर | हिमायतनगर तालुक्यातील बोरगडी रस्त्यालगतच्या शेतशिवारात लांडग्याने पुन्हा धुमाकूळ घालत एका शेतकऱ्याच्या एक वर्षीय वासरावर हल्ला करून त्याचा फडशा पाडल्याची धक्कादायक घटना शनिवारी दिनांक १३ च्या पहाटे उघडकीस आली. या घटनेमुळे शेतकरी व पशुपालकांमध्ये भीतीचे वातावरण निर्माण झाले असून वनविभागाच्या निष्क्रियतेबाबत संताप व्यक्त केला जात आहे.
माहितीनुसार, हिमायतनगर येथील शेतकरी नागेश्वर शंकरराव ढोणे यांच्या बोरगडी रस्त्यालगत असलेल्या आखाड्यावर शनिवारी पहाटे सुमारे चार वाजताच्या दरम्यान लांडग्याने हल्ला चढवला. गोठ्याजवळ बांधलेल्या एक वर्षीय वासरावर हल्ला करून त्यास ठार करण्यात आले. सकाळी शेतकरी आखाड्यावर आल्यानंतर रक्तबंबाळ अवस्थेतील वासरू आढळून आल्याने एकच खळबळ उडाली.
घटनेची माहिती मिळताच वनपाल सुनील मे...