Tag: माहूर

माहूर (प्रतिनिधी) दत्तशिखराचे अधिष्ठाता आणि माहूरगड दत्त संस्थानाचे पूज्य महंत मधुसूदन भारती महाराज यांच्या निधनाने संपूर्ण परिसरात शोककळा पसरली आहे. त्यांच्या पार्थिवावर अंत्यसंस्कारासाठी हजारो भाविकांनी उपस्थित राहून अश्रूंच्या साक्षीने अखेरचा निरोप दिला. गेल्या चार दशकांपासून दत्तशिखराच्या गादीवर विराजमान असलेल्या महाराजांनी अध्यात्म, सेवा आणि परंपरेचा अखंड दीप प्रज्वलित ठेवला. साधी जीवनशैली, निस्वार्थ भाव आणि भक्तांप्रती असलेली आपुलकी यामुळे ते सर्वसामान्यांच्या मनात विशेष स्थान निर्माण करू शकले. महाराजांच्या निधनाची बातमी समजताच माहूरगड परिसरात भाविकांची मोठी गर्दी उसळली. राज्याच्या विविध भागांतून आलेल्या भक्तांनी अंतिम दर्शन घेत श्रद्धांजली अर्पण केली. मंदिर परिसरात दिवसभर भजन, कीर्तन आणि धार्मिक विधींचा सुरेल माहोल निर्माण झाला होता. परंपरेनुसार धार्मिक विधी पार पाडत महाराज...

नांदेड/माहूर (प्रतिनिधी) दत्त शिखराच्या पवित्र गादीवर विराजमान असलेले महंत श्री मधुसूदन जी भारती (मालक) महाराज यांच्या निधनाने माहूरगडावर शोककळा पसरली आहे. या पार्श्वभूमीवर हदगाव-हिमायतनगर मतदारसंघाचे आमदार बाबुराव कदम कोहळीकर यांनी उपस्थित राहून महाराजांचे अंत्यदर्शन घेत श्रद्धांजली अर्पण केली. यावेळी त्यांनी आपल्या भावना व्यक्त करत “महाराजांचे जाणे अत्यंत दुःखद व वेदनादायी आहे. त्यांनी आयुष्यभर धर्मसंवर्धन, समाजसेवा आणि अध्यात्मिक मार्गदर्शनासाठी अखंड कार्य केले. त्यांच्या मार्गदर्शनामुळे असंख्य भक्तांना जीवनाला दिशा मिळाली,” असे सांगितले. भक्तपरिवाराला मोठा धक्का - महंत मधुसूदन भारती महाराज यांच्या निधनाने केवळ दत्त शिखर संस्थानचेच नव्हे तर संपूर्ण भक्तपरिवाराचे मोठे नुकसान झाल्याची भावना व्यक्त होत आहे. त्यांच्या स्मृतींना अभिवादन करत आमदारांनी व उपस्थित भक्तांनी ईश्वरचरणी प्...