Tag: निवड

हिमायतनगर | महाराष्ट्र राज्य कुणबी मराठा महासंघाच्या हिमायतनगर तालुका अध्यक्षपदी नारायण माने सोनारीकर यांची सर्वानुमते निवड करण्यात आली आहे. तसेच तालुका उपाध्यक्षपदी अमोल कलाणे कामारवाडीकर, तर शहरी उपाध्यक्षपदी राम पाटील पतंगे पारवेकर यांची नियुक्ती करण्यात आली आहे. नांदेड येथे महाराष्ट्र कुणबी मराठा महासंघाचे प्रदेशाध्यक्ष गिरीशभाऊ जाधव यांच्या अध्यक्षतेखाली आयोजित आढावा बैठकीत हिमायतनगर तालुका कार्यकारिणी नियुक्तीबाबत चर्चा करण्यात आली. मागील वर्षभरापासून शहराध्यक्ष म्हणून काम करताना तालुकाभर शाखा स्थापन करून समाजाच्या विविध प्रश्नांवर सक्रिय भूमिका घेत संघटनेची व्याप्ती वाढविण्यात नारायण माने सोनारीकर यांनी महत्त्वपूर्ण योगदान दिल्याचे नमूद करण्यात आले. त्यांच्या कार्यशैली, नेतृत्वगुण व संघटन कौशल्याची दखल घेत त्यांची तालुका अध्यक्षपदी निवड करण्यात आली. या बैठकीत प्रदेश सचिव व्यंक...