माजी खासदार डॉ. व्यंकटेश काब्दे यांना पद्मश्री देण्याची मागणी; नांएसोच्या कृतज्ञता सोहळ्यात मान्यवरांचा सूर
नांदेड| सुप्रसिद्ध हृदयरोग तज्ज्ञ व विविध क्षेत्रांत उल्लेखनीय कामगिरी करणारे माजी खासदार डॉ. व्यंकटेश काब्दे यांना त्यांच्या सामाजिक, वैद्यकीय आणि शैक्षणिक कार्याची दखल घेऊन पद्मश्री पुरस्कार देण्यात यावा, अशी मागणी नांदेड एज्युकेशन सोसायटीच्या कृतज्ञता सोहळ्यात मान्यवरांनी व्यक्त केली.
डॉ. काब्दे यांच्या निवृत्ती निमित्त नांदेड एज्युकेशन सोसायटीतर्फे पुरणमल लाहोटी सभागृहात कृतज्ञता सोहळ्याचे आयोजन करण्यात आले होते. या कार्यक्रमाच्या अध्यक्षस्थानी सोसायटीचे नूतन अध्यक्ष सीए (डॉ.) प्रवीण पाटील होते. यावेळी उपाध्यक्ष ॲड. प्रफुल अग्रवाल, सचिव प्रा. श्यामल पत्की, सहसचिव ॲड. प्रदीप नागापूरकर, कार्यकारिणी सदस्य ॲड. चिरंजीलाल दागडिया, तसेच विविध महाविद्यालयांचे प्राचार्य व मान्यवर उपस्थित होते.
या प्रसंगी डॉ. काब्दे यांचा सपत्नीक सन्मानचिन्ह व मानपत्र देऊन सत्कार करण्यात आला. सत्काराला उत्तर द...