शहापूरच्या पीएम श्री जिल्हा परिषद शाळेच्या १७ खोल्यांना पावसामुळे गळती
विद्यार्थ्यांना वर्गखोल्यांऐवजी उघड्यावर बसण्याची वेळ; नवीन सुसज्ज इमारतीची ग्रामस्थांची मागणी
देगलूर/शहापूर, गंगाधर मठवाले| देगलूर तालुक्यातील शहापूर येथील पीएम श्री जिल्हा परिषद शाळेच्या तब्बल १७ वर्गखोल्यांना पावसामुळे गळती लागल्याने विद्यार्थ्यांच्या शिक्षणाचा प्रश्न गंभीर बनला आहे. वर्गखोल्यांमध्ये पाणी गळत असल्याने विद्यार्थ्यांना सुरक्षितपणे बसून शिक्षण घेणे कठीण झाले असून, काही वेळा उघड्यावर बसून धडे गिरवण्याची वेळ विद्यार्थ्यांवर येत असल्याचे ग्रामस्थांनी सांगितले.
शहापूर परिसरातील ग्रामीण भागात मोठी विद्यार्थी संख्या असलेल्या या शाळेची इमारत पावसाळ्यात विद्यार्थ्यांसाठी धोकादायक ठरण्याची शक्यता निर्माण झाली आहे. वर्गखोल्यांच्या छताला गळती लागल्याने शैक्षणिक वातावरणावर परिणाम होत असून, विद्यार्थ्यांच्या सुरक्षिततेचाही प्रश्न निर्माण झाला आहे.
पालकांकडून शिक्षणासाठी मोठा स...