राष्ट्रीय हरित विद्यापीठ रँकिंगमध्ये स्वारातीम विद्यापीठ देशात १२ व्या क्रमांकावर; ९२.५ गुणांसह ‘गोल्ड रेटिंग’
नांदेड| स्वामी रामानंद तीर्थ मराठवाडा विद्यापीठाने (स्वारातीम) राष्ट्रीय हरित विद्यापीठ रँकिंग (NGUR) २०२६ मध्ये देशात १२ वा क्रमांक पटकावत उल्लेखनीय यश संपादन केले आहे. विद्यापीठाला १०० पैकी ९२.५ गुण मिळाले असून 'गोल्ड रेटिंग' प्राप्त झाली आहे. आयआयटी, एनआयटी, ट्रिपल आयटी आणि केंद्रीय विद्यापीठांसह देशातील प्रतिष्ठित संस्थांमध्ये हे यश मिळविल्याने विद्यापीठाच्या शाश्वत विकास उपक्रमांची राष्ट्रीय स्तरावर दखल घेतली गेली आहे.
या यशामुळे विद्यापीठाला न्यूयॉर्क येथे होणाऱ्या '10th NYC Green School Conference 2026' मध्ये आंतरराष्ट्रीय सन्मानासाठी निमंत्रण मिळाले आहे. महाराष्ट्रातील सार्वजनिक अकृषिक विद्यापीठांमध्ये या क्रमवारीत स्थान मिळविणारे स्वारातीम हे एकमेव विद्यापीठ ठरले आहे.
पर्यावरणीय प्रशासन, जैवविविधता, कार्बन व हवामान कृती, हरित पायाभूत सुविधा, ऊर्जा कार्यक्षमता, जलव्यवस्थापन, क...