निवघ्यात जुगार अड्ड्यावर रक्तरंजित संघर्ष; तरुणाचा चाकूहल्ल्यात मृत्यू
दोन गटांत वादातून हाणामारी; मित्राला वाचवताना विजय कदम यांचा दुर्दैवी अंत, एक जण गंभीर जखमी
हदगाव, गौतम वाठोरे| तालुक्यातील निवघा (बा.) येथे जुगार अड्ड्यावर दोन गटांत झालेल्या वादाचे हिंसक रूप धारण झाल्याने एका २५ वर्षीय तरुणाचा चाकूहल्ल्यात मृत्यू झाल्याची धक्कादायक घटना रविवारी (दि. ३१ मे) रात्री घडली. या घटनेमुळे परिसरात खळबळ उडाली असून अवैध जुगार अड्ड्यांबाबत पुन्हा एकदा प्रश्नचिन्ह निर्माण झाले आहे.
मृत तरुणाचे नाव विजय नारायण कदम (वय २५) असे असून तो उमरजखेड परिसरातील रहिवासी असल्याची माहिती आहे. तर या घटनेत रामा गजभारे हे गंभीर जखमी झाले असून त्यांच्यावर नांदेड येथे उपचार सुरू आहेत. या प्रकरणी शाहिद पठाण अब्दुल खुद्दूस याच्याविरुद्ध गुन्हा दाखल करण्यात आल्याची माहिती पोलिसांकडून मिळाली.
मिळालेल्या माहितीनुसार, विजय कदम आणि रामा गजभारे हे दोघे निवघा येथील कथित जुगार अड्ड्यावर...