कर्जमाफीच्या जाचक अटींविरोधात किसान सभेचे आंदोलन; शासन आदेशाची होळी करून निषेध
किनवट/नांदेड| राज्य सरकारने जाहीर केलेल्या कर्जमाफीच्या शासन आदेशामध्ये जाचक अटी व शर्ती घालून शेतकऱ्यांची फसवणूक केल्याचा आरोप करत अखिल भारतीय किसान सभेच्या वतीने किनवट येथील जिजामाता चौकात गुरुवारी (दि. ११ जून) शासन आदेशाची होळी करून तीव्र निषेध आंदोलन करण्यात आले. राज्यव्यापी आंदोलनाच्या हाकेला प्रतिसाद देत मोठ्या संख्येने शेतकरी व कार्यकर्ते सहभागी झाले होते.
आंदोलनादरम्यान किसान सभेचे राज्य उपाध्यक्ष कॉ. अर्जुन आडे यांनी सरकारच्या कर्जमाफी धोरणावर जोरदार टीका केली. निवडणुकीपूर्वी शेतकऱ्यांचा सातबारा कोरा करण्याचे आश्वासन देणाऱ्या सरकारने आता कर्जमाफीसाठी कठोर अटी लागू करून बहुसंख्य शेतकऱ्यांना लाभापासून वंचित ठेवले असल्याचा आरोप त्यांनी केला.
२०१९ मध्ये कर्जमाफीचा लाभ घेतलेल्या शेतकऱ्यांना यावेळी थकबाकीदार असतानाही केवळ ५० हजार रुपयांपर्यंतच कर्जमाफी देण्याची तरतूद करण्यात आली आ...