लोहा तालुक्यात ५०० कर्मचाऱ्यांना तीन टप्प्यात जनगणना प्रशिक्षण
लोहा| लोहा तालुक्यात जनगणनेच्या कामाला १६ मेपासून सुरुवात होणार असून यासाठी प्रशासनाची यंत्रणा सज्ज झाली आहे. या पार्श्वभूमीवर तालुक्यातील सुमारे ५०० कर्मचाऱ्यांना तीन टप्प्यांत प्रशिक्षण दिले जाणार असल्याची माहिती तहसीलदार विठ्ठल परळीकर यांनी दिली.
पहिल्या टप्प्यात घरगणना केली जाणार असून प्रत्यक्ष कुटुंब सदस्यांची गणना फेब्रुवारी २०२७ मध्ये होणार आहे. जनगणनेच्या कामासाठी प्रगणक व पर्यवेक्षक यांना प्रशिक्षण देण्यात येणार आहे. पारडी (ता. लोहा) येथील सह्याद्री इंग्लिश स्कूलमध्ये २७ एप्रिलपासून प्रशिक्षणास सुरुवात होणार आहे. हे प्रशिक्षण तीन टप्प्यांत पार पडणार आहे. पहिला टप्पा २७ ते २९ एप्रिल दरम्यान १५० कर्मचाऱ्यांसाठी, दुसरा टप्पा ३० एप्रिल ते ३ मे दरम्यान (सुट्टी वगळून) १५० कर्मचाऱ्यांसाठी, तर तिसरा टप्पा ४ ते ६ मे दरम्यान २०० कर्मचाऱ्यांसाठी होणार आहे. या प्रशिक्षणासाठी आठ प्रशिक्षक निय...