Tag: कलेचा आणि संस्कारांचा दीप मालवला

हिमायतनगर | हिमायतनगरच्या शैक्षणिक आणि सांस्कृतिक क्षेत्रातील एक प्रेरणादायी व्यक्तिमत्त्व, आदर्श शिक्षक तसेच उत्कृष्ट चित्रकार म्हणून परिचित असलेले गुरुवर्य कै. बाबुराव गोपाळराव घुंगरे (वय 75) यांचे नांदेड येथे उपचारादरम्यान वृद्धापकाळाने दुःखद निधन झाले. त्यांच्या निधनाने शिक्षण, कला आणि समाजजीवनात मोठी पोकळी निर्माण झाली असून सर्वत्र हळहळ व्यक्त होत आहे. जिल्हा परिषद शाळेत शिक्षक म्हणून कार्यरत असताना घुंगरे सरांनी केवळ पाठ्यपुस्तकातील शिक्षण दिले नाही, तर विद्यार्थ्यांच्या मनावर संस्कारांची समृद्ध शिदोरीही दिली. चित्रकला विषयातील त्यांचे प्रभुत्व, विद्यार्थ्यांमधील कलागुण ओळखून त्यांना प्रोत्साहन देण्याची वृत्ती आणि प्रत्येक विद्यार्थ्याकडे आपुलकीने पाहण्याचा त्यांचा स्वभाव यामुळे ते विद्यार्थ्यांचे लाडके गुरुजी बनले होते. घुंगरे सरांच्या मार्गदर्शनातून घडलेले अनेक विद्यार्थी आज ...