देगलूर नाका मृत्यूकांड हादरवणारे! चार चिमुकल्यांच्या बळीप्रकरणी दोन अभियंते निलंबित; कंत्राटदारावर गुन्हा
नांदेड| शहराला हादरवून टाकणाऱ्या देगलूर नाका परिसरातील चार शाळकरी मुलांच्या दुर्दैवी मृत्यू प्रकरणी महानगरपालिका प्रशासनाने कठोर पावले उचलली आहेत. कर्तव्यातील गंभीर निष्काळजीपणाचा ठपका ठेवत दोन अभियंत्यांना तात्काळ निलंबित करण्यात आले असून, संबंधित कंत्राटदार व इतर जबाबदारांवर गुन्हा दाखल करण्याची प्रक्रिया सुरू करण्यात आली आहे.
गुरुवारी (दि. १६ एप्रिल) इस्लामपुरा भागातील १० ते १३ वयोगटातील चार मुले एमजीआर गार्डन परिसरात खेळत असताना नाल्याच्या कामासाठी खोदलेल्या खोल खड्यात साचलेल्या पाण्यात बुडून मृत्यूमुखी पडली. या भीषण घटनेने संपूर्ण शहरात शोककळा पसरली होती.
या प्रकरणाची गंभीर दखल घेत महापालिका आयुक्त डॉ. महेशकुमार डोईफोडे यांनी तातडीने चौकशी सुरू केली. प्राथमिक अहवालात निष्काळजीपणा स्पष्ट झाल्याने सार्वजनिक बांधकाम विभागातील उपअभियंता शिवकन्या जायभाये आणि कनिष्ठ अभियंता किरण सूर्य...