नांदेड विभागात विशेष तिकीट तपासणी मोहीम; 1,155 प्रकरणे आढळली, ₹5.86 लाख महसूल वसूल
नांदेड, अनिल मादसवार| प्रवाशांना सुरक्षित, सुलभ व नियमबद्ध प्रवासाचा अनुभव देण्यासह विनातिकीट व अनियमित प्रवासाला आळा घालण्याच्या उद्देशाने दक्षिण मध्य रेल्वेच्या नांदेड विभागात 9 जून 2026 रोजी विशेष तिकीट तपासणी मोहीम राबविण्यात आली. विभागातील विविध रेल्वे स्थानके आणि गाड्यांमध्ये व्यापक स्तरावर पार पडलेल्या या मोहिमेत एकूण 1,155 अनधिकृत प्रवासाची प्रकरणे आढळून आली असून रेल्वेला ₹5 लाख 86 हजार 455 इतका महसूल प्राप्त झाला आहे.
रेल्वे प्रशासनाने दिलेल्या माहितीनुसार, या मोहिमेचा मुख्य उद्देश महसूल गळती रोखणे, प्रवास नियमांचे पालन सुनिश्चित करणे आणि वैध तिकीटधारक प्रवाशांना अधिक सुरक्षित व आरामदायी प्रवास सुविधा उपलब्ध करून देणे हा होता.
मोहिमेदरम्यान तिकीट तपासणी पथकांनी रेल्वे गाड्या, स्थानके तसेच महत्त्वाच्या प्रवासी क्षेत्रांमध्ये सखोल तपासणी केली. यामध्ये विनातिकीट प्रवास (TWT) कर...