हाणेगाव आश्रमशाळेतील भोजनातून ३२ विद्यार्थ्यांना विषबाधा! जेवणानंतर उलट्यांचा त्रास
विद्यार्थ्यांना देगलूर उपजिल्हा रुग्णालयात केलं दाखल
देगलूर, गंगाधर मठवाले | तालुक्यातील हाणेगाव येथील वसंतराव नाईक निवासी आश्रमशाळेतील ३२ विद्यार्थ्यांना भोजनानंतर विषबाधेसदृश त्रास झाल्याची धक्कादायक घटना समोर आली आहे. विद्यार्थ्यांनी मांसाहारी भोजन केल्यानंतर अचानक उलट्या होण्यासह त्रास सुरू झाल्याने आश्रमशाळा प्रशासनाची धावपळ उडाली. घटनेची माहिती मिळताच पालकांमध्येही चिंतेचे वातावरण निर्माण झाले.
त्रास झालेल्या विद्यार्थ्यांना तातडीने देगलूर येथील शासकीय उपजिल्हा रुग्णालयात दाखल करण्यात आले असून त्यांच्यावर वैद्यकीय उपचार सुरू आहेत. विद्यार्थ्यांना नेमक्या कोणत्या कारणामुळे त्रास झाला, भोजनातील कोणता पदार्थ कारणीभूत ठरला आणि भोजन तयार करताना स्वच्छता व सुरक्षिततेच्या कोणत्या उपाययोजना करण्यात आल्या होत्या, याबाबत प्रश्न उपस्थित होत आहेत.
भोजन व्यवस्थेवर गंभीर प्रश्नचिन्ह
निवासी...