श्रीनगर मुख्य रस्त्यावर सोनू कल्याणकर खून प्रकरणाचा 6 तासांत छडा
नांदेड | नांदेड शहरातील श्रीनगर परिसरात घडलेल्या खळबळजनक खून प्रकरणाचा अवघ्या सहा तासांत छडा लावत स्थानिक गुन्हे शाखेने चार आरोपींना ताब्यात घेत मोठी कारवाई केली. यावेळी मुख्य आरोपीवर स्वसंरक्षणार्थ पोलिसांनी गोळीबार करत त्याला जखमी अवस्थेत अटक करण्यात आली.
दिनांक 6 एप्रिल रोजी पहाटे 5.20 वाजता भाग्यनगर पोलीस ठाण्याच्या हद्दीत श्रीनगर मुख्य रस्त्यावर सोनू कल्याणकर यांचा अज्ञात इसमांनी धारदार शस्त्राने खून केला होता. या घटनेने शहरात खळबळ उडाली होती. पोलीस अधीक्षक श्री. अबिनाश कुमार यांच्या मार्गदर्शनाखाली स्थानिक गुन्हे शाखेचे पोलीस निरीक्षक उदय खंडेराय यांनी तात्काळ चार पथके तयार करून आरोपींचा शोध सुरू केला. गुप्त माहितीच्या आधारे पोलिसांनी काही तासांतच तीन आरोपींना वेगवेगळ्या ठिकाणांहून ताब्यात घेतले.
मुख्य आरोपीवर गोळीबार
मुख्य आरोपी अंकुश गजानन गंदनवाड (वय 20) हा झरी खदान परिसरात...
