सामाजिक समता सप्ताहात ज्येष्ठ नागरिकांसाठी आरोग्य व जनजागृती मेळावा उत्साहात संपन्न
नांदेड| भारतरत्न डॉ. बाबासाहेब आंबेडकर यांच्या 135 व्या जयंतीनिमित्त सामाजिक न्याय विभागामार्फत 8 ते 14 एप्रिल 2026 या कालावधीत ‘सामाजिक समता सप्ताह’ साजरा करण्यात येत आहे. या सप्ताहाअंतर्गत आज (दि. 13 एप्रिल) संध्या छाया संचलित रुस्तुमजी मेवालाल वृद्धाश्रम, मालेगाव रोड, नांदेड येथे ज्येष्ठ नागरिक जनजागृती मेळावा व आरोग्य तपासणी शिबिर उत्साहात पार पडले.
या कार्यक्रमाच्या अध्यक्षस्थानी डॉ. पी.डी. जोशी पाटोदेकर होते, तर प्रमुख पाहुण्या म्हणून वृद्धाश्रमाच्या सचिव सुरेखा पाटणे उपस्थित होत्या. यावेळी समाज कल्याण विभागाचे विठ्ठल बोराटे, कपिल जेटलावार, गजानन पंपटवार, विजय माळवतकर, प्रमोद गायकवाड आदी मान्यवरांची उपस्थिती होती.
कार्यक्रमाच्या प्रारंभी मान्यवरांचा संविधानाच्या प्रस्तावनेची प्रतिमा देऊन सत्कार करण्यात आला. यानंतर आयोजित आरोग्य शिबिरात स्त्रीरोग तज्ज्ञ डॉ. सुप्रिया गोडघासे, त्वचारो...