Tag: संयुक्त बैठकीत महत्त्वपूर्ण निर्णय

नांदेड | नांदेड शहरातील वाढत्या अनधिकृत होर्डिंग्स आणि बॅनरबाजीवर कठोर कारवाई करण्याच्या दृष्टीने जिल्हाधिकारी कार्यालय परिसरातील नियोजन भवन येथे सर्वपक्षीय नेते, लोकप्रतिनिधी आणि प्रशासकीय अधिकाऱ्यांची संयुक्त बैठक पार पडली. राज्य शासन व उच्च न्यायालयाच्या निर्देशानुसार ही कारवाई राबविण्यात येणार असून, विनापरवाना जाहिरात फलक लावणाऱ्यांवर थेट फौजदारी गुन्हे दाखल करण्याचा इशारा प्रशासनाने दिला आहे. बैठकीस महापौर कविता संतोष मुळे, जिल्हाधिकारी राहुल कर्डीले, पोलीस अधीक्षक अबिनाश कुमार, महानगरपालिका आयुक्त डॉ. महेशकुमार डोईफोडे, निवासी उपजिल्हाधिकारी किरण अंबेकर, पोलीस उपविभागीय अधिकारी व्यंजने, प्रशांत शिंदे यांच्यासह उपमहापौर दिपकसिंह रावत, स्थायी समिती सभापती विरेंद्रसिंग गाडीवाले, महिला व बाल कल्याण सभापती सदिच्छा सोनी पाटील, अतिरिक्त आयुक्त गिरीश कदम, निलेश संकेवार, उपायुक्त अजितपालसि...