शोभानगरातील डॉ. शंकरराव चव्हाण स्टडी पॉईंटचा सीसीटीव्ही डिस्प्ले महिनाभरापासून बंद
मुलींच्या सुरक्षिततेचा प्रश्न ऐरणीवर; तातडीने दुरुस्ती करून अतिरिक्त डिस्प्ले बसविण्याची मागणी
नांदेड, गोविंद मुंडकर| नांदेड शहरातील शोभानगर परिसरात नांदेड-वाघाळा शहर महानगरपालिकेच्या अधिपत्याखाली डॉ. शंकरराव चव्हाण यांच्या नावाने सुरू असलेल्या स्टडी पॉईंटमध्ये विद्यार्थिनींची मोठ्या प्रमाणात उपस्थिती दिसून येत आहे. अभ्यासासाठी शांत, शिस्तबद्ध आणि पोषक वातावरण उपलब्ध असल्याने या स्टडी पॉईंटकडे विशेषतः मुलींचा मोठा ओढा वाढला आहे. मात्र, विद्यार्थिनींच्या सुरक्षिततेच्या दृष्टीने अत्यंत महत्त्वाचा असलेला येथील सीसीटीव्ही यंत्रणेचा डिस्प्ले तब्बल एक महिन्यापासून बंद अवस्थेत असल्याची माहिती समोर आली असून, या गंभीर बाबीकडे महानगरपालिकेने तातडीने लक्ष देण्याची मागणी आता जोर धरू लागली आहे.
शोभानगर परिसरातील डॉ. शंकरराव चव्हाण स्टडी पॉईंट हा परिसरातील विद्यार्थी-विद्यार्थिनींसाठी अभ्यासाचे मह...