शिवछत्रपती क्रीडापीठांतर्गत 2026-27 प्रवेश प्रक्रिया जाहीर; प्रतिभावंत खेळाडूंना मोठी संधी
नांदेड| राज्यातील प्रतिभावंत खेळाडूंना राष्ट्रीय व आंतरराष्ट्रीय स्तरावर घडविण्याच्या उद्देशाने शिवछत्रपती क्रीडापीठांतर्गत विविध क्रीडा प्रबोधिनीत सन 2026-27 साठी प्रवेश प्रक्रिया जाहीर करण्यात आली आहे. क्रीडा व युवक सेवा संचालनालय, महाराष्ट्र राज्य यांच्या माध्यमातून ही प्रक्रिया राबविण्यात येणार असून खेळाडूंना शास्त्रोक्त प्रशिक्षण, निवास, भोजन आणि आधुनिक क्रीडा सुविधा उपलब्ध करून दिल्या जाणार आहेत.
राज्यात पुणे, कोल्हापूर, ठाणे, अमरावती, अकोला, नाशिक, नागपूर, छत्रपती संभाजीनगर व गडचिरोली या ठिकाणी क्रीडा प्रबोधिनी कार्यरत आहेत. ज्युदो, जिम्नॅस्टिक्स, हॉकी, शूटिंग, फुटबॉल, जलतरण, ॲथलेटिक्स, कुस्ती, बॅडमिंटन, आर्चरी, हँडबॉल, टेबल टेनिस, वेटलिफ्टिंग, ट्रायथलॉन, सायकलिंग, बॉक्सिंग अशा १६ क्रीडा प्रकारांत प्रशिक्षण दिले जाते.
प्रवेश प्रक्रिया ५० टक्के सरळ प्रवेश आणि ५० टक्के खेळनिहाय ...