माऊली मित्र मंडळाकडून वारकऱ्यांची मनोभावे सेवा
महाप्रसाद, औषधोपचार आणि चरणसेवेसह यंदा मसाज सेवेचीही सुविधा
हिमायतनगर, जांबुवंत मीराशे| पंढरपूरच्या दिशेने जाणाऱ्या वारकऱ्यांना प्रवासात कोणताही त्रास होऊ नये, यासाठी माऊली मित्र मंडळ, नांदेड यांच्या वतीने गेल्या अकरा वर्षांपासून सेवाकार्य सुरू आहे. फलटणजवळील काळज येथे यंदाही वारकऱ्यांसाठी महाप्रसाद, मेडिकल औषधोपचार, चरणसेवा तसेच विविध आरोग्यविषयक सेवा उपलब्ध करून देण्यात आल्या आहेत.
वारकऱ्यांच्या थकलेल्या पायांना आराम मिळावा आणि त्यांच्या आरोग्याची काळजी घेतली जावी, या उद्देशाने यंदा विशेषतः मसाज सेवेची सुविधाही उपलब्ध करून देण्यात आली आहे. हा सेवाकार्याचा उपक्रम सलग तीन दिवस सुरू राहणार आहे.
गेल्या अकरा वर्षांपासून माऊली मित्र मंडळाच्या वतीने वारकऱ्यांची निःस्वार्थ सेवा केली जात असून, मंडळाच्या या उपक्रमाचे वारकरी आणि भाविकांकडून कौतुक होत आहे.
या सेवाकार्यात डॉ. गोनेवार, व...